الوعد طويله
مرسل: الأربعاء 4 ديسمبر 2024 4:23 pm
شريف. عمار قوم بسرعه
انا. في اي يا شريف
شريف. مفيش وقت بسرعه يلاااا
قومت اخدني شريف والحرس حوالينا
انا. في اي يا شريف متقول
شريف. في اوامر بتامينك باي شكل من الاشكال
انا. سسسسسسجده.... سجده برا لازم اتصل اقولها ترجع
شريف. متقلقش متابعها والرجاله راحت تجيبها
انا. طب اي الي حصل يعني
اصحاب الشركتين الي حضروا معاك الاجتماع واحد لقوه مشنوق في اوضة نومه ومفيش اي بصمات والتاني انضرب برصاصة قناصه
انا. للدرجه دي
شريف. المشكله ان الي نفذ عمليتين الاغتيال شخص واحد
انا. تمام يا شريف
وصلنا البيت ولقيت معتمد مستنيني
معتمد. انت كويس تمام
انا. تمام تمام بس عايز افهم مش قاعده عسكريه هتتبني يتعمل ده كله عشانها
معتمد. سامحني يا عمار معنديش اوامر اقولك حاجه المهم عندي دلوقتي اني اطمن عليك واحميك بس
انا. تمام عايز ميعاد مع الوزير
معتمد. هشوف حاضر
انا. متشوفش انت تكلمه دلوقتي وتبلغني بميعاد المقابله وياريت تكون النهارده علي طول والا......
سجده. عماار فيه اي
انا. متقلقيش كل خير.... معتمد تبلغه بكده والا انا كمان هنسحب من المشروع ده وليكم كل المعلومات الي اخدتها تتفرمت و تولع تمام
شريف. عمار معالي الوزير علي الجهاز
انا. ايوه يا فندم انا مش فاهم حاجه
الوزير. اهدي يا باشمهندس
انا. اهدي اي حضرتك انا مش مهم بس عيلتي في خطر
الوزير. متقلقش احنا مامنينك كويس
انا. والاتنين الي ماتوا مكانو متامنين منكم بردو
الوزير. مش في اهميتك انت يا باش مهندس كده كده المشروع كنت انت الي هتنفذه لوحدك
انا. وده سبب انكم تسيبوهم يموتوا
الوزير. لا نصيبهم كده عمرهم خلص
انا. تمام حضرتك بس انا مش هكمل المشروع
الوزير. تمام وانا بحترم قرارك بس ابقي خود قرارك النهائي بعد المقابله بتاعت بكره
انا. منا بتكلم مع حضرتك دلوقتي اي لازمة المقابله
الوزير. مقايلتك مش معايا انا يا باشمهندس
انا. اومال مع مين
الوزير. بكره الساعه ٩ هكون في انتظارك وهتعرف ساعتها
انا. تمام مع السلامه
قفلت مع الوزير وبصيت لابويا وسجده وحماتي
بابا. هتفضل مصمم علي قرارك
انا. حضرتك شايف اي يا بابا انا بحب الوضوح من الاول كان حط كل ورقه قدامي وعرفني الموقف بالكامل وانا اقرر
بابا. يا ابني ده نظام دوله ومينفعش يعرفك كل حاجه الا لما يقع الاختيار علي حد فيكم اذا كنت انت او الاتنين الي ماتوا
حماتي. بعد الشر عنه يا ابو عمار واي يرغمه علي حاجه زي دي
سجده. ايوه مش عايزين حاجه مش عايزين فلوس ولا شغل الي عندنا مكفينا
معتمد. مش قصة فلوس يا سجده دي منظومه كامله معتمده علي المشروع ده دوله بالكامل
انا. تمام بس بردو انا عند قراري
بابا. الي تشوفه اهم حاجه سلامتك انت
معتمد. انت جالك اتنين خلايجه* قبل كده
انا. ايوه وكانو طالبين يشركوني
معتمد. قصدك كانوا مبعوتين طعم بس ولو كنت* اكلته كانو هيصطادوك
انا. مش فاهم
معتمد. الاحتلال الصهيوني ليه كذا ايد في كذا دوله عربيه ومشروع زي ده لو طلع
انا. طب عن اذنكم محتاج اقعد لوحدي
سجده. طب كل حاجه الاول واهو معتمد هنا نتغدي كلنا
انا. لا مليش نفس البيت بيتك يا معتمد
سيبتهم ودخلت المكتب مش عارف انا قعدت لوحدي ليه ولا هفكر في اي مفوقتش من سرحاني الا وسجده بتخبط وداخله عليا
سجده. بص بقا عملتلك شوية سندوتشات تستاهل بوقك يا نور عيني وكوباية لبن معاها علشان تتغذي
انا. هههههه ناقص تقولي اغسل سنانك ورجلك قبل متدخل السرير والبس البوكسر النبيتي مش البنفسجي
سجده. واي يعني جوزي واعمل الي انا عايزاه عندك مانع
انا. ولا اقدر يا غالي انا اطول يا حبيبي
سجده. تطول ونص يا سيد الناس يلا افتح بوقك بقي
اكلت وشربت اللبن ههههههه وطلعت شوية ملفات اراجع فيها واربط الامور ببعضها واحاول اشوف الكلام علي اي في ام الحوار الي لبست نفسي فيه ده مش لاقيلها مخرج وخوفي من مقابلة بكرا وقف تفكيري اكتر سلمتها للخالق وطلعت انام اقيت سجده قاعده
انا. اي الي مسهرك انا قولت نمتي
سجده. ومن امتي بنام قبلك
انا. معلش يا حبيبتي محستش بالوقت
خدتها في حضني ونمنا صحيت تاني يوم لبست واتشيكت وطلعت برا الفيلا لقيت شريف والحرس مستني بس كان شكلهم غير بتوع امبارح ركبنا العربيات واتحركنا علي وزارة الدفاع
انا. شريف هو طقم الحرس اتغير
شريف. ايوه هو انت واخد بالك من الناس كلها ولا اي
انا. يعني بحب التفاصيل
شريف. شكلك روقت وهديت عن امبارح
انا. يعني بردو شويه
شريف. طب يلا وصلنا
نزلت من العربيه
انا. وصلنا فين ده قصر الرئاسه
شريف. دي التعليمات الي عندي يا عمار
انا. استر يالي بتستر
دخلت القصر بعد تفتيش روتيني وقعدت في مكتب جالي واحد دخلني مكتب تاني بس اكبر
شخص. معاليك هتنتظر عشر دقايق
انا. مفيش مشكله
وبعد ٩ دقايق و٥٥ ثانيه الباب اتفتح ينهار اسود ومنيل عليك وعلي امك يا عمار ده هو يلهوي يابا ويا عمي يا خالي ويا كل الي بتحبوني الحقوني
الريس. اتفضل يا باشمهندس واقف ليه
انا. هاه اه حاضر يا فندم
الريس. تشرب اي
انا. ولا اي حاجه انا عايز اروح
الريس. ههههههههه هاتوا اتنين قهوه مظبوط صح
انا. هاه مين الي تشوفه سعادتك تمام
الريس. متاسفين علي الغبطه الي عملنهالك في حياتك دي
انا. ألعفو يفندم حضرتك لغبطها هيا عدله قوي يعني* براحتك مفيش مشكله
الريس. هههههه ماشي يا عمار قولي بقا اي المشكله الي عندك
انا. بص يا فندم هكلم حضرتك بصراحه
الريس. ياريت
انا. انا بحب ادخل شغل ابقي عارف مميزاته وسلبياته انما معالي الوزير اتعامل مع لموضوع بيعه وشروه ولا قالي المطلوب مني اي ولا المشروع عباره عن اي وانا اخدت كلامه ثقه واشتغلت ليل نهار لمدة ثلاث ايام الي فاتوا وفريق عمل لا يقل عن ٣٦ مهندس ومبرمج ومصمم افلام
الريس. افلام اي يا عمار
انا. حضرتك معالي الوزير كان طلبه قاعده تحت الارض انا فكرة في نظام جديد وشغل احدث هيطور من منظور الهندسه
الريس. زي اي
طلعت فلاشه من جيبي وكان عليها الشغل لحد اخر لحظه دخل فيها شريف عليا المكتب وشغلتها علي شاشة المكتب
انا.* حضرتك هتشوف بنفسك*
الريس. انت فعلا كنت هتعمل الشغل ده
انا. ايوه يا فندم ولو فيه فرصه ووقت كنت انا وزمايلي طلعنا شغل احسن من ده بس الاستعجال بقا
الريس. طب عايز نسخه من الشغل ده
انا. تحت امرك يا فندم بس بردو معرفتش المشروع الي انا مطلوب علشانه
رن الجرس ودخل واحد من برا اداني ورق
الريس. هو ده
مسكت الورق قريته بتركيز
انا. حضرتك متاكد من ده اقصد ينفع تنفيذه يعني
الريس. كل حاجه تنفع بس فيه حاجات بتتنفذ في السر وفي حاجات في العلن
انا. وده هيتعمل في السر ازاي يا فندم
الريس. موقع شغل عادي لحد متطلع بالقواعد والاساسات وبعد كده الي نظهره
انا. بس حضرتك نص الشغل ده مش تخصصي ولا مجالي
الريس. المشروع كله في ايديك يا ترفض يا تقبل
انا. مين صاحب الفكره علشان اتواصل معاه
الريس. لو وافقت علي المشروع هتقابله
انا. احم طب هو ينفع ارفض المشروع ده
الريس. طبعا ليك الحريه المطلقه يا باشمهندس
انا. تمام يا فندم وانا تحت امر البلد في اي حاجه تانيه تكون في تخصصي او مجالي
الريس. طبعا يا عمار وانا هدرس المشروع الي كنت شغال عليه ولو فيه امكانيه هنشتغل عليه
انا. تحت امر سيادتك
الريس. شرفت ونورت يا عمار
انا. ميرسي يا فندم بعد اذنك
خرجت من المكتب ركبنا العربيات ورجعنا الفيلا اول منزلت من العربيه طلبت من شريف يدخل يشرب قهوه معايا
انا. بص يا شريف انا رفضت المشروع الي اتعرض عليا بكده وجودك هنا ملهوش سبب صح
شريف. يمكن بس بردو حسب التعليمات الي عندي مقدرش امشي الا لما تجيلي اوامر بكده
انا. تمام يا شريف اتفضل قهوتك
شربنا القهوه وشريف قام مشي وبعد شويه لقيت معتمد داخل عليا
انا. اتفضل يا غالي
معتمد. انت رفضت المشروع ليه يا غبي
انا. مبحبش اعملي حاجه مش علي هوايا ولا افتي في حاجه مبفهمش فيها
معتمد. كنا هنجيب الي بيفهم ويساعدك وتبقي انت المدير التنفيذي للمشروع
انا. لا انا ابني المكان وارفع قواعده لحد الاخر بس الشغل التاني ده مليش فيه
معتمد. انت حر يلا اطير انا
انا. يا عم اقعد اتغدي معايا
معتمد. لا معزوم عن حبيبه وهنروح نشوف العفش
انا. طب الشقه اي نظامها
معتمد. اشتريت شقه في نفس العماره الي امي فيها علشان ابقي جنبها
انا. كده احسن يلا يتمملك بخير
معتمد. حبيبي وعقبال ميرزقك بولي العهد يلا سلام
انا سمعت الجمله دي وسالت نفسي هيا ليه سجده مش حامل لحد دلوقتي المهم كبرت دماغي وقولت لسه بدري ده يادوب لسه مكملناش سنه طلعت اوضتي بعد مقعدت مع بابا وحماتي شويه لقيت سجده قاعده قدام التليفزيون
انا. الجميل بيتفرج علي اي
سجده. فيلم تايتنك
انا. يااااه ده قديم جدا
سجده. بس تحفه لو شوفته ١٠٠ مره هتفرج عليه تاني
انا. طب متيجي اوريكي تايتنك علي الحقيقه
سجده. هههههههههه ازاي بقا
انا. مبحبش الكلام الكتير نحن رجال افعال
وشيلتها من علي الشيزلونج علي السرير وعملنا الواحد التمام
سجده.* كل مره بتبقي كانها اول مره
انا.* علشان بحب وشوق حتي وانتي في حضني مشتاقلك
سجده.* طب قولي بقا مشروع اي ده الي انت رفضته وقبلت مين النهارده
انا. قابلت مين دي سهل اقول انما المشروع صعب اقول علشان مصلحتك وحمايتك
سجده.* طب قابلت مين
انا.* الرئيس
سجده.* رئيس الهيئه الهندسيه
انا.* ههههه لا رئيس الجمهوريه
سجده.* بلاش هزار
انا.* وحياتك مبهزرش قابلت رئيس الجمهوريه النهارده
سجده.* يالهههههههوي بجد
انا.* وانا ههزر ليه
سجده.* وازاي ترفض مشروع عارضه عليك
انا.* وارفض عشره زيه لو هيعرض حباتكم للخطر
سجده. هو مهم اوووي كده المشروع ده
انا. يعني بس انا يمكن مش حاسس باهميته دلوقتي
سجده.* طب قولي هو اي
انا.* بردو
سجده.* علشان خاطري
انا.* بصي يا ستي هما ثلاث مشاريع في مشروع اول واحد عايز يبني خلايه للروؤس النوويه الي هتيجي من روسيا تاني حاجه يبني مصنع تحت البحر لتصنيع اسلحه متتطوره والثالث يبني مصنع عادي بس الي هيتم فيه مش عادي
سجده.* مصنع اي ده
انا. تصنيع جنود خارقين
سجده. نعم يعني هيجيب سوبر مان ومراته يتكاثرو مثلا
انا. هههههههه لا جنود اليين
الي اتفرج علي فيلم ( outside the wire) هيفهم قصدي اي والي لسه متفرجش عليه يشوفه فيلم حلو
سجده. بتتكلم جد
انا. بردو
سجده. خلاص خلاص معلش بس دي حاجه تترفض
انا. ايوه لانه لا تخصصي ولا مجالي ولا ده حلمي انا حلمي هندسه ابني واعمر مش اهد واقتل واحرق فهمتي
سجده. فهمت يا حبيبي بس ده سبب لموت اصحاب الشركات التانيه
انا.* تقريبا ده السبب الرئيسي*
سجده. والفرعي
انا. عدم قبولهم بالشريك الاجنبي
سجده. وانت عرفت منين
انا. لانه جالي وعرض عليا الشراكه وانا رفضت
سجده.................
انا. سكتي ليه
سجده. لا لا ابدا
انا. خايفه يقتلوني
سجده. بعد الشر ده الي يقرب منك او يلمس منك شعره اكله بسناني متقولش كده تاني
انا. حاضر يلا ننام بقا
سجده. تعالا في حضني يا موز انت
نمنا وصحيت تاني يوم لقيت سجده بتصحيني
انا. صباح الفل
سجده.صباح الورد
انا. الساعه كام
سجده. ٧.٣٠ فطارك يا قلبي
انا. هفطر في السرير*
سجده. واكلك بايديا كمان
انا. طب هتلاقي الجماعن مستنين تحت
سجده. انا قولتلهم هنفطر هنا النهارده
فطرت وقومت لبست ونزلت لقيت بابا قاعد بيشرب قهوته وحماتي قاعده بتشرب الشاي
انا.* صباح الخير
الاتنين.* صباح النور
حماتي . انت فاكر نفسك لسه عريس جديد ولا اي
انا.* يا ماما سجده........
بابا.* سبيهم يا ست وفاء يعيشوا حياتهم بكره يبقي معاهم عيل واتنين وتلاته وميعرفوش يتنفسوا
حماتي. علي رايك يابو عمار* ،،،، يهنيهم ببعض ويسعد ايامهم
بوست ايد بابا وراس حماتي وخدت سجده وخرجنا ركبنا العربيه واتحركنا علي الشركه دخلت صبحت علي الناس وفتحت مكتبي
انا.اهلا اهلا
شكرا علي الكلام الجميل والدعم الجامد ده في السلسله الاولي واتمني ديما اكون عند حسن ظنكم بيا واكون بكتب حاجه تعجبكم وفي نفس الوقت تكون لايقه بالمكان الي احنا فيه وعظمته والاكتر نكون لايقه بذوقكم الجميل
الجزء الثاني
انا. اهلا اهلا ازيك
عليا. تمام
انا. نورتيني يا عليا
عليا. ميرسي لذوقك جدا
انا. ها اومريني يا ستي
عليا. عمار مش هلف وادور انا بحبك ومبقتش قادره اعيش من غيرك بقيت هايزه النهارده قبل بكره اكون معاك مش بايدي يا عمار وعارفه انك متجوز وبتحب سجده ورغم كده عايزاك بردو حتي لو هبقي خدامه ليكم انت وسجده بس ابقي جنبك
انا..............
عليا. رد عليا قول اي حاجه سكوتك قاتلني
سجده. اقولك انا يا عليا
انا. هو اليوم باين من اوله حاسس انك هتدخلي من بدري
سجده.مش وقت هزار يا عمار وانتي يا عليا اهدي وامسحي دموعك واوعدك شهر من النهارده هتكوني مرات عمار
انا بصوت عالي وعصبيه. سجده انتي اتجننتي انتي ازاي تقرري قرار زي ده
سجده. علشان حاسه بيها لو كنت انا مكانها كنت هعمل اكتر من كده
انا. وانا شخشيخه في ايديكي وتقرري قرار ميخصش حد غيري
سجده. لا عشت ولا كنت لو فكرت كده انت جوزي وحبيبي وعمري كله وسيدي وتاج راسي بس حرام الي هيا بتعمله في نفسها
عليا بعياط. انا اسفه جيت بوظتلكم الدنيا وانتوا ملكمش ذنب في حاجه
سجده.بس يا هبله انتي زي اختي ومش هلاقي لعمار واحده احلي ولا اجمل منك
عليا. بجد يعني موافقه اتجوز عمار
انا. علي الحرام من ديني انتوا الاتنين اجن من بعض انا سايبلكم الشركه كلها وماشي جتكم البلا حريم تجيب السكر وتعلي الضغط
سجده. عمار انا هرتاح كده
انا. كلمه كمان وهتبقي طالق ولا انتي ولا هيا
سيبتهم وخرجت وخدت العربيه لوحدي ومشيت طلعت علي الكورنيش
انا. اي الي بيحصلي ده اي نعم لسه هشوف كتير بس مش كله ورا بعضه كده
نفسي. وانت خسران اي مراتك وموافقه واعتبرها عمل انساني يا عم متكبرهاش كده
انا. عمل انساني اي يا زفت انت مش فاهم انا لو وافقت علي الكلام ده هبقي اهبل
نفسي. ليه يعني هو حد طايل موزتين زي القمر هتنهب بروح امك
انا. يا ابني هعيش في مشاكل وانا لا هقدر ازعل ساجده ولا اقدر ازعل عليا علشان معتمد فاهم ولا انت حمار
نفسي. فاهم بس انت توكل ودوس
انا. بس يلا والا وديني هشرحك
نفسي. هخرس خالص اهو
بعد شويه جات ست كبيره
ست. مناديل يا بيه
انا. شكرا يا امي
ست. العفو يا ابني
انا. لو سمحتي استني اتفضلي يا امي
ست. طب خود مناديل وثانيا ده كتير
انا. مفيش حاجه كتير عليكي،،،، يسهلك الحال ويديكي الصحه
ست. تسلم يابني ويعطيك ما يحرمك
انا. امين
ست. متجوز
انا. ايوه
ست. عندك اولاد
انا. لسه ربك مش مبعتش
ست. يجبر بخاطرك ويعطيك الخلف الصالح
انا. انشاء،،،،، استاذن انا
ست. طريق السلامه يا حبيبي
رجعت البيت لقيت كلهم قاعدين تحت
في الفرع عند فتحي
علا. يا باشمهندس
فتحي. نعم يا علا
علا. انا مستنيه الاذن علشان التصاميم
فتحي. تمام اشتغلي فيهم
علا. احم طب ممكن اسالك مالك بحكم اننا دفعه واصحاب
فتحي. ابدا يا علا شوية ارهاق علي تفكير متشغليش بالك
علا. بس
فتحي. لا مش بس نتكلم برا الشغل احسن
علا. خلاص اعزمني علي الغدا برا واحكيلي وعلشان هقولك حاجه كمان
فتحي. حاضر نخلص ونخرج نتغدا
خلصو شغل وخرجوا راحو مطعم شيك علي النيل
علا. ها يا سيدي اتغدينا وشربنا وانت لسه قاعد ساكت
فتحي. كان فيه حاجه عايزه تقوليها
علا. عارفه انك بتهرب بس انت في دايره مقفوله هتهرب من الشي وترجعله تاني
فتحي. سيبتي الهندسه واشتغلتي في علم النفس
علا. اتريق اتريق طب بص يا فتحي علشان جبت اخري منك
فتحي. صوتك يا بنتي احنا في مكان عام
علا. بلا عام بلا خاص انا بحبك وانت معندكش دم ولا واخد بالك اصلا
فتحي.............
علا. احم انا اسفه لو قولت حاجه.....
فتحي. بحبك
علا. استاذن انا........ اي قولت اي
فتحي. بحبك
علا. احلف
فتحي. بعشقك
علا. يا لهوي يا لهوي
فتحي. الحاج والحاجه فاضيين امتي بقا
علا. علي طول كده مش نتعرف الاول
فتحي. خلاص براحتك بس ممكن ارجع في كلامي
علا. لا لا خلاص
فتحي. طب هاتي رقم تليفون باباكي
علا بفرحه. اكتب . . . . . . . . . ٠١٠٠
فتحي. يلا هغرم نفسي وخلاص مش مهم خمس فليكسات رصيد
علا. تصدق انت رخم خساره فيا
فتحي. هههههه خساره ليا طب يلا علشان اوصلك
علا. يلا
عندي في البيت
انا. متجمعين ديما
بابا. ديما يا حبيبي اقعد عايز
انا. تحت امرك يا بابا
بابا. مزعل مراتك ليه داخله بتعيط
انا. انا الي مزعلها
حماتي. مقالتش كده يا ابني بس دخلت بتعيط وطلعت علي اوضتها
انا. طب مسالتهاش يا امي عملت اي ولا قالت اي
بابا. ملحقناش نرد السلام اصلا بس انا بسالك اهو
انا. لا معلش اسمعوا منها احسن
بعت حد يجيب سجده من فوق بعد شويه نزلت
سجده بزعل اطفال. نعم
بابا. اي مزعلك يا حبيبتي ولو عمار اموتهولك دلوقتي
سجده. بعد الشر عليه مش زعلانه
حماتي بعصبيه. اومال مالك يا بت لا عمار زعلك ولا حد زعلك اومال في اي
سجده بدموع. مفيش يا ماما
انا. لا فيه سجده عايزاني اتجوز
حماتي. يمصيبة السوده انتي اتهبلتي
بابا. بهدوء يا ست وفاء بس الكلام ده صحيح يا سجده. ايوه حصل يا بابا
حماتي.* لا انتي اتجننتي رسمي بقا ويا تري خطبتيها ولا مستنيه موافقة جوزك
سجده.* مستنيه موافقته
بابا.* ده بجد بقا
انا.* اومال انت فاكر اي هههههه المدام بتخطب لجوزها شوفت هنا اكتر من كده
حماتي. استهدي،،،، يا بنتي كده وقوليلي انتي كويسه
سجده.يا بابا البنت مش غريبه علينا وبتحب عمار وانتحرت قبل كده كذا مره علشانه
بابا. مين دي
سجده. عليا بنت عم معتمد
بابا. وانت اي رايك يا عمار
انا. راي اي يا بابا ده جنان رسمي
سجده. يعني لما تموت نفسها نشيل ذنبها واحنا في ايدينا الحل
حماتي. لا كده كتير يكون في عونك يا ابني
انا. طالع فوق عايزه تحصليني تعالي هتتكلمي في الموضوع ده تبقي احسن تخليكي هنا
سجده.* هتتجوزها بردو يا عمار
انا.* اه في المشمش
سجده.* خلاص طلقني
وقفت مصدوم من كلامها ولسه مديها ظهري
بابا.* اي الكلام ده يا بنتي بس
حماتي.* سيبها يابو عمار دي اتجننت خالص
انا.* موافق بس بشرط
بابا.* اي انت كمان بتقول اي
انا.* ثواني يا بابا لو سمحت.... قولتي اي تسمعي شرطي
سجده بغصه في كلامها.* قول
انا.* هتخرجي بشنطة هدمك بس ماما مش هتخرج معاكي تمام
سجده.* دي امي انا
حماتي فهمتني ان بعجزها بالشرط ده
حماتي. لا انا هستني مع عمار ابني
سجده بدموع نازله من عنيها.* ماما
انا.* موافقه ولا لا
سجده بصتلي وبصت لامها وطلعت علي اوضتها
بابا.* الحقها يابني وهديها علشان خاطري
انا.* سيبها يا بابا شويه وهتلاقيها نازله علشان تتغدي
حماتي.* شاطر يا عمار اديها علي دماغها عقلها ولو حكمت تكسر عظمها
بابا.* طب يعملها كده وانا ازعل منه العمر كله
انا.* هههههههه لا متقلقش يا هندسه مش بتاع رزع وخبط انا
بابا. ايوه دي مصممه علي الي في دماغها
انا. وهو انا لعبه ولا مليش كلمه يعني تضرب دماغها في الحيطه
بعد شويه لقيت ساجده نازل واتغدت معانا وطلعت قعدت قدام البلاستيشن ومبكلمهاش
عند احمد في كافيه
احمد. ايوه يعني عايزه اي
بنت. تيجي تطلبني من بابا
احمد. وبعدين
بنت. اي وبعدين دي نتجوز طبعا
احمد. ولو موافقش
بنت. ساعتها يبقي نتجوز احنا مش صغييرين ولا انا قاصر
احمد. بصي يا سلمي انا فيا كل العبر بس ان اتجوز واحده من غير موافقة اهلها ده الي مش هيحصل
سلمي. طب متقدرش البلا قبل وقوعه بس قابله وكل حاجه هتمشي تمام
احمد. حاضر
سلمي. طب يلا قوم
احمد. اقوم اي هيا سلق بيض مش اخد ميعاد الاول
سلمي. هههههه منا بلغت بابا ان في عريس متقدملي وحددلك ميعاد النهارده
احمد. مجنونه انتي مجنونه
سلمي. مجنونه بحبك يا مادا يا عسل انتي
احمد. طب يلا و،،،،، يستر
قام واخد سلمي ووصلوا قدام بيتها فيلا لا مش فيلا ده قصر وعليه حرس كتير
احمد. احم هو ده بيتكم
سلمي. ايوه مالك
احمد. ابوكي شغال اي
سلمي. سكرتير رئيس الجمهوريه
احمد. نعم يا اختي اه صح سلمي حسين الرشيدي* احنا متفقناش علي كده ده لو انا غلط هروح ورا الشمس
سلمي. طب يلا جمد قلبك
احمد. يوقعتك السوده يا قلبي ملقتش غير دي وتحبها
دخلوا جوا القصر وقعد احمد
سلمي. سوسن يا سوسن
سوسن. اومري يا هانم
سلمي. شوفي احمد بيه يشرب اي
احمد. ولا حاجه لا تحسبوها علينا ضرايب
سلمي. ههههه هاتيله قهوه مظبوط يا سوسن
سوسن. حاضر
شويه ونزل ابو سلمي احمد قام وسلم عليه
حسين. قولي يا احمد شغال اي
احمد. احم انا يا فندم.........
حسين. اولا مفيش افندم او حضرتك قولي يا عمي احنا هنبقي اهل
احمد. شرف ليا يا عمي انا خريج كلية هندسه وماسك فرع من فروع شركات طاحون للمقاولات
حسين. جميل بكده تعرف المهندس عمار ابو طاحون
احمد. طبعا يا فندم صاحب عمري واخويا من اولي اعدادي واحنا مع بعض ووالده المهندس عز زي والدي بالظبط
حسين. بجد ده كان لسه عندنا في القصر الرياسه من فتره
سلمي. هو شغال معاكم يا بابا
حسين. لا يا سوسو كان معاه مقابله مع السيد الرئيس في شغل
سلمي. واو ده مهندس جامد بقا
حسين. جدا قولي يا احمد هو انت تعرف عن المشروع الي عمار مكلف بيه
احمد. معرفش تفاصيل بس عمار اعتذر عن المشروع ده المهم يا عمي انا جاي اخد موافقة حضرتك علي طلبي لايد سلمي
حسين. علي البركه مقدرش ارفض طلب لسوسو قلب بابا
سلمي. ميرسي يا بابا
احمد. مبروك علينا يا عمي في ميعاد يناسبك علشان اجيب اهلي ونقرا الفاتحه ونتفق
حسين. ممكن كمان ثلاث ايام
احمد. وهو كذلك استاذن انا
حسين. عيب احنا صعايد مينفعش تمشي من غير مناكل عيش وملح
احمد. الجايات كتير يا فندم
حسين. مصمم
سلمي. سيبه براحته يا بابا علشان جاي من الشغل علي هنا
حسين. ماشي يا ستي علشان خاطرك
قام احمد سلم علي حسين ووصلوا احمد للباب احمد بيبص لحسين ولسه هيقوله مع السلامه شاف نقطه حمره بتتحرك علي قلبه في لحظه رمي نفسه قدام حسين وخد الطلقه في ظهره بدل حسين وقع في والحرس جريوا علي حسين يحموه واتنين شاله احمد دخلوه جوه وسلمي بتصوت وتعيط
سلمي بصريخ . احمد قوم يا احمد
حسين. اطلبو اسعاف بسرعه اتحركوا
جات الاسعاف خدت احمد علي المستشفي ودخل العمليات
حسين. سلمي اتصلي بحد من اهله يجي يا بنتي
سلمي بعياط. معرفش ارقامهم يا بابا استني تليفونه معايا
حسين.كويس اتصلي بسرعه
سلمي. معرفش مسجلهم اي بس مسحل رقم باسم فتحي
حسين. كلميه يمكن حد قريب
سلمي كلمة فتحي
فتحي. اي يا زفت
سلمي. استاذ فتحي
فتحي بخضه. ايوه انا مين حضرتك وفين احمد
سلمي. انا اسمي سلمي صاحبة احمد وهو في المستشفي تعالا بحد من اهله حالا
فتحي. اسم المستشفي اي
سلمي. مستشفي.................... بسرعه بس
فتحي. حاضر بس متتصليش بحد ولا تردي علي حد علشان مش هيستحملوا عنده في البيت وانا جاي مسافت الطريق
سلمي. حاضر
قفل معاها ونزل من بيته بسرعه من غير ميكمل لبسه ركب عربيته وهو في الطريق اتصل بيا ونفس الكلام بردو نزلت* جري قابلت بابا وانا خارج
بابا بقلق .في اي يا عمار
انا. احمد في مستشفي
بابا بخضه. ليه ماله
انا.معرفش يا بابا فنحي اتصل وقالي اسم المستسفي بس
بابا. طب سوق براحه يا ابني وانا هحصلك
انا. حاضر
طلعت اخدت عربيتي ومعايا شريف والحرس مرضاش يسيبني لوحدي وكلمت معتمد يحصلنا علي المستشفي وصلت المستشفي لقيت فتحي في وشي وحسين بس مش فاكر شوفته فين جريت علي فتحي
انا. احمد ماله يا فتحي حصله اي
فتحي. انضرب بالنار
انا. مين عمل كده وليه
حسين. انا السبب يا باش مهندس
انا. مش فاهم ازاي استني احنا اتقبلنا في القصر الرئاسي صح
حسين. ايوه انا حسين الرشيدي سكرتير السيد الرئيس احمد كان عندي علشان يطلب ايد سلمي بنتي وانا بوصله كان تقريبا فيه قناص مستهدفني واحمد اخد الطلقه بدالي
انا بعصبيه.* يعني متعرفوش مين
حسين. لا
شريف. عمار لحظه لو سمحت
اخدني شريف علي جنبك
انا. اي يا شريف
شريف. هو مش شغلي ولا ينفع اقول حاجه زي كده
انا. عرفت مين يا شريف صح
شريف. ايوه بس فعلا مكانش يقصد احمد خالص
انا. بس جات فيه
شريف. تقصد اي
انا. اقصد ان عايز الي عمل كده باي تمن
شريف. مستحيل ده في الامن القومي
انا. ولو في بطن امه عايزه
فتحي. عمار عمار اهدي ده مش حل ولا هيغير حاجه
علي دخول معتمد
معتمد. اهدا يا عمار
انا.محدش يقولي اهدا لو انا مش مشكله بس حد فيكم يحصلوا خدش هولع في البلد كلها
معتمد. طب تعالا ميصحش احنا في مستشفي تعالا اقعد بس
بعد شويه خرج الدكتور من العمليات جرينا عليه
انا. ها يا دكتور احمد عامل اي
الدكتور............................ .
الجزء الثالث
انا. ها يا دكتور احمد عامل اي
الدكتور. مين سلمي
سلمي. انا يا دكتور خير
الدكتور. شكله بيحبك ويعزك فاق في نص العمليه يقول اسمك هو حاليا الوضع مستقر بس علشان الطلقه لما جات في ظهره اثرت علي الفقره الي عند الرقبه فهنحتاج عمليه تانيه وبعدها نقرر هو هيقعد في العنايه لحد مالاشاعات والتاحليل تخلص
معتمد. طب والعمليه فيها خطوره عليه يا دكتور
الدكتور ٦٠٪ لا
فتحي. يبقي ٤٠٪ مش مضمونه
الدكتور. كل حاجه باذن،،،،، يا فندم
انا. شكرا يا دكتور منين ماوحضرتك تكون جاهز اعملها علي طول
الدكتور تمام عن اذنكم
الدكتور مشي وانا قعدت علي الكرسي الي ورايا وحطيت ايدي علي وشي
بابا. احمد عامل اي
فتحي. ادعيلوا يعمي هيدخل عمليه تانيه
بابا. معرفتوش مين عمل كده
سمعت الجمله دي ورفعت راسي
انا. هعرفه وهخليه يتمني الموت ومش هيطوله
بابا. ليه عايش فين انتي في غابه
انا. اعتبرتها كده يا بابا
بابا. لا يا باشمهندس يا متعلم فيه قانون وقضاء
انا. تمام يبقوا ياخدوه يحكموه بعد ماخد حق صاحبي
حسين. باشمهندس عمار احنا هنتصرف مفيش داعي تدخل نفسك في مشاكل
انا. مشاكل اه اسمع بقي الشخص ده لو مش في الامن القومي لا ده لو في قصر الرياسه نفسه هجيبه
معتمد. عمار تعالا معايا
انا. ليه
فتحي. اسمع يا عم منه وتعالا
قومت اتمشيت انا وعمار وفتحي
انا. فيه اي يا معتمد ساحبني ليه
معتمد. يا عم كلم الراجل كويس علشان خاطر احمد حتي
انا. مهو السبب في كل ده
فتحي. الي فهمته ان احمد كان رايح يتقدم لبنت والراجل رحب بيه ووافق بس الي حصل
انا. مين قال كده
معتمد. منتا مش مركز البنت الي واقفه هيا الي احمد بيحبها وشرحت لفتحي الموقف كله
انا. ايوه مطلوب مني اي يعني
معتمد. تهدي وكده كده مسكوا الواد الي عملها وهيطلع عين امه ده اغتيال سكرتير رئيس الجمهوريه مش راجل اعمال يعني علشان تعدي
دورت الكلام في دماغي ولقيت كلام فتحي ومعتمد صح قعدنا كلنا لحد الصبح والدكتور جه بلغنا انه هيعمل العمليه لاحمد دلوقتي
مشهد اخر
شخص٢. المحاوله فشلت يا فندم
شخص١. كنت متوقع كده بس ازاي
شخص٢. واحد اخد الطلقه بداله
شخص١. حظه حلو حسين الرشيدي طب اخبار عمار ابو طاحون اي
شخص٢. احم في المستشفي
شخص١. ليه حصله اي انا مش قولت تحموه بحياتكم
شخص٢. مش هو يا فندم ده صاحبه احمد هو الي اخد الطلقه مكان حسين الرشيدي
شخص١. يا محاسن الصدف طب القناص فين
شخص٢. اتقبض عليه يا فندم
شخص١. تمام قبل ميخرج من المكان الي هو فيه يتصفي علشان ميخرجش منه كلمه كده ولا كده
شخص٢. حصل يا فندم
في البيت عندي
سجده. صباح الخير يا ماما
حماتي. صباح النور
سجده. احم هو عمار فين صحيت ملقتهوش
حماتي. مش عارفه جوزك فين يا موكوسه ليه هو نايم جنب مخده ولا جثه
سجده. يووه يا ماما هو منامش جنبي اصلا كان قاعد بيلعب بلستيشن وبعدين تليفونه رن وخرج من الاوضه
حماتي. جوزك في المستشفي يا اخرة صبري
سجده بخضه. اي ليه ماله عمار
حماتي. كويس وبخير احمد صاحبه متصاب بس
سجده. طب الحمد،،،، ومتعرفيش من اي
حماتي. منا قاعده معاكي اهو
سجده. طب انا هلبس واروحله
حماتي. اقعدي هنا هتلاقيهم جايين دلوقتي علشان باباه معاه كمان
في المستشفي
انا. اي يا دكتور
الدكتور. لا متقلقوش تمام وزي الفل بس هيقعد معانا شويه بس علشان نتابع حالته
معتمد. مفيش مشكله يا دكتور وشكرا لحضرتك
الدكتور. لا شكر علي واجب ده شغلي حمد،،، علي سلامته
والدة احمد. الف حمد وشكر ليك،،،،،،
انا. اهو اطمنتي يا امي وبقي زي الفل ارجعي بقا علشان ترتاحي انتي
والدة احمد. مش هسيبو يا عمار ده الي طلعت بيه من الدنيا هفضل جنبه هنا لحد ميرجع معايا
انا. يا امي علشان صحتك وانا هفضل معاه
بابا. سيبها ب،احتها يا عمار
والدة احمد. يجبر بخاطرك يا باش مهندس
بابا. تسلمي يا ام احمد اناكلمت الدكاتره هنا وهيكونوا معاكي طول الوقت اي حاجه تحتاجيها تقولي علي طول
والدة احمد. حاضر
حسين. الف سلامه عليه يا ست ام احمد ويقوم بالسلامه علشان نتعرف كويس
والدة احمد. طبعا طبعا يا استاذ حسين ومتشكره اووي علي وقفتكم جنبه
حسين. مين يشكر مين يا ست الكل احمد فداني بعمره وده دين في رقبتي مدا الحياه وجميل علي راسي
انا. لو احتجتي حاجه كلميني علي طول ماشي
والدة. ماشي يا حبيبي
بابا. هتروح فين
انا. هروح الشركه واعدي علي الفرع بتاع احمد اتابع الشغل مكانه
فتحي. لا كفايه عليك الشركه ولفرع بتاعك انا هروح للفرع عندي واروح علي فرع احمد
بابا. صح يا فتحي قسموا نفسكم لحد ميقوم بالسلامه
مشينا وانا رجعت علي البيت لقيت سجده وحماتي قاعدين تحت
سجده. عمار احمد عامل اي
مردتش عليها
انا. ماما ممكن تقوللهم يجهزولي فطار
حماتي. حاضر يا حبيبي
سجده. انت مش بترد عليا ليه
انا. انت اسمها انت
سجده. اومال اقولك اي يعني
انا. متفتحيش شفه عن شفه طول منا في الييت ممكن
سجده...............
طلعت اخدت دش ولبست ونزلت
حماتي. يلا يا عمار تعالا علي السفره
انا. حاضر يا ماما
فطرنا كلنا واخدت نفسي وخارج
سجده.* مش هتاخدني معاك
انا.* معنديش وقت استني لخد متلبسي
خرجت وروحت الشركه خلصت الشغل هناك ورجعت علي الفرع راجعت المشاريع الي هتتنفذ ولقيت دعوة حفله*
انا. مي من مين الدعوه دي
مي. احم واحده جات قبل كده وقابلت حضرتك
انا.* قابلتني انا اسمها اي طيب
مي.* ناهد
انا.* ماشي شكرا يا مي
تليفوني رن وكان بابا
انا.* اي يا حبيبي رجعت من المستشفي
بابا.* ايوه
انا.* مالك يا بابا في اي
بابا.* احم مفيش
انا.* في دعوه جاتلك بحفله بكره صح
بابا.* عرفت منين
انا.* نفس الدعوه لقيتها علي مكتبي
بابا.* هتروح
انا.* يمكن لو فاضي هروح بس انت فيك اي
بابا. بصراحه خايف تاخدك مني
انا.* يا حبيبي يا روحي يا كل حاجه في دنيتي مفيش حاجه تاخدني منك غير موتي
بابا.* بعد الشر عليك العمر الطويل ليك يا حبيبي بس خد معاك الحرس
انا.* حاضر يسيدي الي تقوله امر وينفذ
بابا.* ماشي يلا روح كمل شغلك سلام
انا.* سلام
عند معتمد وحبيبه في بيتهم
حبيبه. معتمد انا زهقت بقا
معتمد.* ليه ومن اي
حبيبه. احنا بقالنا كام سنه مخطوبين هنقضيها خطوبه بس
معتمد. منا كنت ناوي احدد فرحنا الشهر ده بس جات حادثه احمد
حبيبه.* يا سيدي يقوم بالسلامه احنا مالنا
معتمد بعصبيه. مالنا ازاي يعني ده صاحبي وفي مقام اخويا
حبيبه. ايوه انا ذنبي اي طيب
معتمد. ذنبك انك خطيبتي
حبيبه. تمام يا معتمد تيجي تحدد مع بابا معاد الفرح الي هو الشهر الجاي زي ماتفقنا
معتمد. مش هينفع علشان الشهر الجاي بعد اسبوع وانا معرفش احمد هيقوم بالسلامه امتي
حبيبه. مش فارقه معايا ده الي عندي يا كده يا.....
معتمد. يا اي يا حبيبه نسيب بعض صح
حبيبه. معرفش بقا
معتمد. تمام لما تعرفي ابقي كلميني او متتكلميش حاجه ترجعلك سلام
والدة حبيبه. رايح فين يا معتمد الغدا بيجهز
معتمد. شكرا يا امي مره تانيه عندي شغل سلام
خرج معتمد بعد موصلته والدة حبيبه ورجعت لبنتها
والدة حبيبه. ده اسلوب كلام بردو مش قولتلك وفهمتك تتكلمي براحه
حبيبه. معرفش بقا اهو الي حصل
والدة حبيبه. يا خيبه هاتيه تحت جناحك وخليه ينفذ الي في دماغك بس يكون فاكر انه بيعمل الي هو عايزه
حبيبه. اعمل اي يعني يا ماما اله معتمد عنيد ومبيجيش بالسهوكه والكلام ده
والدة حبيبه. طب اتصلي بيه وحولي تصلحي الي عملتيه يلا
حبيبه. حاضر
مسكت تليفونا وبتتصل بمعتمد وهو بيكنسل عليها
حبيبه. مش بيرد
والدة حبيبه. حاولي مره وعشره وميه لحد ميرد انا هقوم اعمل الغدا
حبيبه. حاضر
عند فتحي وعلا في مطعم علي النيل
علا. حبيبي متعملش في نفسك كده انت اتغيرت خالص
فتحي. معلش يا علا عارف اني جاي عليكي بس حادثة احمد ماثره فيا جدا
علا. انا عارفه ان احمد اقرب حد ليك بس قولي بقا اول ميقوم بالسلامه ويجي معاك علشان تخطبني ويجي يلبسك البدله ويلاقيك خاسس وعدمان كده هيبقي مبسوط
فتحي................
علا. طبعا لا انت ادعيله بس يقوم بالسلامه
فتحي. يعني انتي مش زعلانه اني مجتش في الميعاد واعتذرت
علا. اي الكلام ده يا فتحي احمد اخويا زي ماهو اخوك بالظبط غير اني اعرفه قبلك بفتره ايام الجامعه ووقف معايا وقفات جدعنه ورجوله كتير
فتحي. طول عمره جدع وراجل مع اي حد
علا. طب انا جوعت وبقالي كذا مره اخرج معاك ومكلش علشانك ينفع
فتحي. اطلبي انتي علي مزاجك وهاكل حاضر
في مشهد اخر
شخص٢. تم يا فندم
شخص١. اتاكدت انه هيكون في الحفله بكره
شخص٢. مفيش تاكيد يا فندم مابين انه رايح او ميروحش
شخص١. تمام خليكم متابعين الموقف
شخص٢. اوامر يا فندم
في البيت عندي
حماتي. مالك قعده كده ليه
سجده. كل ده وبتسالي يا ماما
حماتي. انتي الي عملتي كده في نفسك
سجده. ما انتي عارفه كل حاجه يا ماما انا عايزه اريحه بدل ميخوني
حماتي. وعمار عمره ميعمل كده وانتي عارف كويس لا تربيته ولا اخلاقه مش انا الي هعرفك بجوزك
سجده. ده الي جه في دماغي بقا
حماتي. وهو الراجل اشتكي ولا قال حاجه
سجده. منا خوفي كله من سكوته ده
حماتي. هبله وهتفضلي طول عمرك هبله
سجده. يا ماما انصحيني مش تشتميني بقا
حماتي. هو انتي لما قولتيلي امك بتتعبي معاه في السرير اتكلمتي مع حد غييري
سجده. احم لا
حماتي. يبقي اتكلمتي وهو اكيد سمعك او عرف
سجده. حبيبه مستحيل تقوله حاجه
حماتي. مش قولتلك هبله اديكي عرفتيني انتي اتكلمتي مع مين وبهبلك ده مش بعيد تكوني اتكلمتي معاه اصلا
سجده. تصدقي مش بعيد يكون سمعنا فعلا اصله جه فجاه وانا بتكلم مع حبيبه وساعتها جابلي موضوع خالي وعدت
حماتي. طب خليكي صريحه معاه وصالحيه وبطلي الهبل الي بتفكري فيه ده
سجده. حاضر
بعد ساعه دخلت الفيلا
انا. مساء الخير
الاتنين. مساء النور
سجده. عمار لو سمحت عايز اتكلم معاك
انا. معلش تعبان وعايز انام خليها بكره انا قاعد من الشركه اصلا
حماتي. خير يا ابني تعبان ولا حاجه
انا. لا يا امي عندي حفله معزوم فيها فعايز اخد كفايتي من النوم
سجده. اجي معاك
انا. لو حابه تيجي تعالي
سجده. طب مش هطول عليك موضوع بسيط
انا.حاضر عن اذنك يا امي
حماتي. اتفضل يا حبيبي،،،،، يهدي سركم
طلعنا اوضتنا وبدات اقلع هدومي لقيت ساجده جايه قدامي قعدتني علي السرير وبتقلعني الجزمه
سجده. عارف انا اول مشوفتك حبيتك واتمنيت من كل قلبي اني ابقي مراتك وانت جوزي ملكي لوحدي
انا. بامارة مانتي بتقولي كلام واحده هبله متقولهوش
سجده. كنت خايفه تخوني او تعمل حاجه غلط برا فقولت الي تعمله بعلمي احسن من الي تعمله من ورايا واهو وجع ساعه ولا كل ساعه
انا. وانتي تعرفي عني كده وليه بتقولي كده
سجده. عارفه انك سمعتني انا وحبيبه بس مرضتش تزعلني
انا. افرضي سمعتك اي الي مطلوب مني يعني
سجده. لا انا الي مطلوب مني يا قلبي لازم اخليك مبسوط وسعيد
انا. وانا اشتكيت يا بنتي
سجده. مش هستني لما تشتكي يا عمار انت راجل وليك طلباتك بردو وانا زي مانت عارف بتعب بسرعه فالحل الوحيد تتجوز تاني عليا بقا ولا اي واحده تانيه تعجبك وانا اقنعت نفسي بعليا علشان بتحبك
انا. وانا بحبك ومبسوط معاكي وراضي بيكي ومكفياني كمان
سجده. طب متزعلش مني حقك عليا
انا. لا زعلان علشان متختبريش حبي ليكي تاني يا سجده وهقولك حاجه اول مره اقولها لحد بعد شفيق،،،، يرحمه
سجده. اي هيا
انا. انا لما كنت في ابتدائي حبيت بنت وكانت معايا في المدرسه يمكن كانت مراهقه بس لما فجاءه ملقتهاش في المدرسه لقيت نفسي بسال عليها واطمن هيا راحت فين عرفت من الاخصائيه ان والدها اتوفي وهتنقل مدرسه حكومه فجيت لبابا واقترحت عليه انقل نفس المدرسه الي راحتها وكنت مستعد اروح وراها اخر الدنيا قدمت في المدرسه ملقتهاش اول يوم ولا تاني يوم لحد معدي اسبوع فقولت يمكن راحت مدرسه تانيه والمعلومات الي عندي غلط فقدت الامل اني اشوفها تاني بس بعد بعد مروحت المدرسه تاني اسبوع زي ميكون ردت روحي فيا لما شوفتها في الطابور فضلت احبها بيني وبين نفسي واكتفي اني اشوفها في المدرسه بس ودخلنا ثانوي مع بعد بردو ونفس الكلام براقبها في صمت بردو لحد مدخلنا الجامعه ولقيتها واقفه عند الكافتريا فكان قصدي اقف في طريقها بس مكنتش اعرف ان النسكافيه سخن اوووي كده
سجده بدموع. ده انا
انا. اومال امي الي دلقته عليا وجابتلي تسلخات يعني
سجده بعياط اكتر. وفضلت تحبني كل ده وساكت
انا.* احم اه متعودتش افرض نفسي علي حد قولت نبقي اصدقاء ولما نخلص اتقدملك واهو تبقي معايا علي طول
لقيتها اترمت في حضني مره واحده وفالتلي
سجده.* انا غبيه وحماره وبحبك اووووي
انا.* ههههههههه ماشي يا حماره وانا بعشقك بس خلاص دموعك غاليه عندي اوووي يلا قومي اغسلي وشك يلا
سجده.* لا انت هات عصير وحلويات علي بال ماخد دش علشان وحشني
انا. ليلتنا حلوه ولا اي
سجده.* حلوه علشان معاك يروحي
انا.* طب يلا بسرعه
سجده.* حاضر
حضرت القعده وظبط الدنيا لحد ما سجده طلعت من الحمام ورقصتلي وقضينا ليله حلوه ونمت معاها مرتين ونمنا صحيت تاني يوم الظهر فطرنا وقعدنا كلنا مع بعض نتكلم ونهزر لحده الساعه ٥
بابا.* هتروح
انا.* ايوه يا بابا وسجده معايا
بابا. خد معاك الحرس
انا.* حاضر هطلع البس انا يلا يا ساسو
سجده. يلا
طاعنا لبسنا ونزلنا ركبنا العربيات والحرس معانا حوالي ثلاث عربيات منهم العربيه الي انا فيها ووصلنا العنوان الي في الدعوه نزلنا وشريف عمل شغل جامد* هو وطقم الحرس الي كانو عباره عن اربعه يمين واربعه شمال وانا وسجده في النص وشريف قدامنا وصلنا مدخل الفيلا وحرس الفيلا طلب يشوف الدعوه ادتهاله
حارس. بعد اذنك يا فندم الحراسه تفضل برا
انا. مش هينفع علشان دول مش حرس*
حارس. احم عمار بيه التعليمات الي عندي كده
انا. تمام يبقي ارجع عادي مكان مجيت
قولت كده وانا شايف امي جايه تقابلني
امي. لا لا ترجع اي يدخلوا طبعا وانت التعليمات تمشي علي اي حد الا عمار ابني
حارس. اسف يا هانم
امي بتكلم شريف والحرس.اتفضلوا واسفه علي الموقف ده
انا.* ولا يهمك يمدام ناهد
امي.* احم اتفضلوا
دخلت انا وساجده قعدنا علي ترابيزه وشريف جنبي والحرس واقفين ورانا وكل الي الحفله بتبص وبتسال علي مين الي دخل بالحرس والسلاح كمان
سجده.* عمار هيا مامتك اقصد مدام ناهد شغاله اي
انا.* مش عارف يا سجده بس اكيد سيدة اعمال
سجده.* بس شكلها جامده شايف مين المعازيم
واحنا بنتكلم دخل علينا حسين سكرتير الريس
حسين.* ازيك يا باشمهندس
قومت وقفت
انا.* اهلا اهلا حسين بيه
حسين.* بيه اي بس يا باشمهندس احنا اهل مش احمد،،، يقومه بالسلامه يعتبر اخوك
انا.* واكتر من اخ كمان
حسين.* خلاص تقولي يا حسين واقولك يا عمار
انا.* ميصحش حتي علشان فرق السن
حسين. كلك زوق واحترام يا عمار خلاص اتشرف بانك تقولي يا عمي ولا مش قد المقام ههههههه
امي.* طبعا يا حسين مش ابني لازم يكون زوق ومحترم
انا تجاهلت كلامها. طبعا يا اونكل حسين
حسين.* طب استاذن انا
انا.* اتفضل
امي.* عمار حابب اعرفك علي حد
انا.* طبعا بس بلاش نشيل التكليف انا الباشمهندس عمار ابو طاحون زي مبقول لحضرتك مدام ناهد تممام
امي.* احم تمام الي تشوفه
شخص. اي يا نونا بعتيلي
امي.* ايوه يا تامر حابه اعرفك علي الباشمهندس عمار ابو طاحون ابني*
تامر. اه طبعا نار علي العلم اسم الباشمهندس واصل لعند رئيس الجمهوريه شخصيا
انا.* اهلا بحضرتك يا تامر بيه نورت مصر
تامر.* منوره بيكم يا باشمهندس
قعدت وفي ناس جات سلمت عليا معرفت شغل وكده وفي نص الحفله في بنت جاي عليا جري
بنت.* عمار ازيك ميسيو كتير
انا. مين حضرتك
بنت.* عندك حق متعرفنيش العيب مش علينا العيب علي ماما الي معرفتك عليا
انا.* ماما مين وتعرفك عليا ليه
بنت.* انا شذي اختك
انا. نععععم
الجزء الرابع
انا. في اي يا شريف
شريف. مفيش وقت بسرعه يلاااا
قومت اخدني شريف والحرس حوالينا
انا. في اي يا شريف متقول
شريف. في اوامر بتامينك باي شكل من الاشكال
انا. سسسسسسجده.... سجده برا لازم اتصل اقولها ترجع
شريف. متقلقش متابعها والرجاله راحت تجيبها
انا. طب اي الي حصل يعني
اصحاب الشركتين الي حضروا معاك الاجتماع واحد لقوه مشنوق في اوضة نومه ومفيش اي بصمات والتاني انضرب برصاصة قناصه
انا. للدرجه دي
شريف. المشكله ان الي نفذ عمليتين الاغتيال شخص واحد
انا. تمام يا شريف
وصلنا البيت ولقيت معتمد مستنيني
معتمد. انت كويس تمام
انا. تمام تمام بس عايز افهم مش قاعده عسكريه هتتبني يتعمل ده كله عشانها
معتمد. سامحني يا عمار معنديش اوامر اقولك حاجه المهم عندي دلوقتي اني اطمن عليك واحميك بس
انا. تمام عايز ميعاد مع الوزير
معتمد. هشوف حاضر
انا. متشوفش انت تكلمه دلوقتي وتبلغني بميعاد المقابله وياريت تكون النهارده علي طول والا......
سجده. عماار فيه اي
انا. متقلقيش كل خير.... معتمد تبلغه بكده والا انا كمان هنسحب من المشروع ده وليكم كل المعلومات الي اخدتها تتفرمت و تولع تمام
شريف. عمار معالي الوزير علي الجهاز
انا. ايوه يا فندم انا مش فاهم حاجه
الوزير. اهدي يا باشمهندس
انا. اهدي اي حضرتك انا مش مهم بس عيلتي في خطر
الوزير. متقلقش احنا مامنينك كويس
انا. والاتنين الي ماتوا مكانو متامنين منكم بردو
الوزير. مش في اهميتك انت يا باش مهندس كده كده المشروع كنت انت الي هتنفذه لوحدك
انا. وده سبب انكم تسيبوهم يموتوا
الوزير. لا نصيبهم كده عمرهم خلص
انا. تمام حضرتك بس انا مش هكمل المشروع
الوزير. تمام وانا بحترم قرارك بس ابقي خود قرارك النهائي بعد المقابله بتاعت بكره
انا. منا بتكلم مع حضرتك دلوقتي اي لازمة المقابله
الوزير. مقايلتك مش معايا انا يا باشمهندس
انا. اومال مع مين
الوزير. بكره الساعه ٩ هكون في انتظارك وهتعرف ساعتها
انا. تمام مع السلامه
قفلت مع الوزير وبصيت لابويا وسجده وحماتي
بابا. هتفضل مصمم علي قرارك
انا. حضرتك شايف اي يا بابا انا بحب الوضوح من الاول كان حط كل ورقه قدامي وعرفني الموقف بالكامل وانا اقرر
بابا. يا ابني ده نظام دوله ومينفعش يعرفك كل حاجه الا لما يقع الاختيار علي حد فيكم اذا كنت انت او الاتنين الي ماتوا
حماتي. بعد الشر عنه يا ابو عمار واي يرغمه علي حاجه زي دي
سجده. ايوه مش عايزين حاجه مش عايزين فلوس ولا شغل الي عندنا مكفينا
معتمد. مش قصة فلوس يا سجده دي منظومه كامله معتمده علي المشروع ده دوله بالكامل
انا. تمام بس بردو انا عند قراري
بابا. الي تشوفه اهم حاجه سلامتك انت
معتمد. انت جالك اتنين خلايجه* قبل كده
انا. ايوه وكانو طالبين يشركوني
معتمد. قصدك كانوا مبعوتين طعم بس ولو كنت* اكلته كانو هيصطادوك
انا. مش فاهم
معتمد. الاحتلال الصهيوني ليه كذا ايد في كذا دوله عربيه ومشروع زي ده لو طلع
انا. طب عن اذنكم محتاج اقعد لوحدي
سجده. طب كل حاجه الاول واهو معتمد هنا نتغدي كلنا
انا. لا مليش نفس البيت بيتك يا معتمد
سيبتهم ودخلت المكتب مش عارف انا قعدت لوحدي ليه ولا هفكر في اي مفوقتش من سرحاني الا وسجده بتخبط وداخله عليا
سجده. بص بقا عملتلك شوية سندوتشات تستاهل بوقك يا نور عيني وكوباية لبن معاها علشان تتغذي
انا. هههههه ناقص تقولي اغسل سنانك ورجلك قبل متدخل السرير والبس البوكسر النبيتي مش البنفسجي
سجده. واي يعني جوزي واعمل الي انا عايزاه عندك مانع
انا. ولا اقدر يا غالي انا اطول يا حبيبي
سجده. تطول ونص يا سيد الناس يلا افتح بوقك بقي
اكلت وشربت اللبن ههههههه وطلعت شوية ملفات اراجع فيها واربط الامور ببعضها واحاول اشوف الكلام علي اي في ام الحوار الي لبست نفسي فيه ده مش لاقيلها مخرج وخوفي من مقابلة بكرا وقف تفكيري اكتر سلمتها للخالق وطلعت انام اقيت سجده قاعده
انا. اي الي مسهرك انا قولت نمتي
سجده. ومن امتي بنام قبلك
انا. معلش يا حبيبتي محستش بالوقت
خدتها في حضني ونمنا صحيت تاني يوم لبست واتشيكت وطلعت برا الفيلا لقيت شريف والحرس مستني بس كان شكلهم غير بتوع امبارح ركبنا العربيات واتحركنا علي وزارة الدفاع
انا. شريف هو طقم الحرس اتغير
شريف. ايوه هو انت واخد بالك من الناس كلها ولا اي
انا. يعني بحب التفاصيل
شريف. شكلك روقت وهديت عن امبارح
انا. يعني بردو شويه
شريف. طب يلا وصلنا
نزلت من العربيه
انا. وصلنا فين ده قصر الرئاسه
شريف. دي التعليمات الي عندي يا عمار
انا. استر يالي بتستر
دخلت القصر بعد تفتيش روتيني وقعدت في مكتب جالي واحد دخلني مكتب تاني بس اكبر
شخص. معاليك هتنتظر عشر دقايق
انا. مفيش مشكله
وبعد ٩ دقايق و٥٥ ثانيه الباب اتفتح ينهار اسود ومنيل عليك وعلي امك يا عمار ده هو يلهوي يابا ويا عمي يا خالي ويا كل الي بتحبوني الحقوني
الريس. اتفضل يا باشمهندس واقف ليه
انا. هاه اه حاضر يا فندم
الريس. تشرب اي
انا. ولا اي حاجه انا عايز اروح
الريس. ههههههههه هاتوا اتنين قهوه مظبوط صح
انا. هاه مين الي تشوفه سعادتك تمام
الريس. متاسفين علي الغبطه الي عملنهالك في حياتك دي
انا. ألعفو يفندم حضرتك لغبطها هيا عدله قوي يعني* براحتك مفيش مشكله
الريس. هههههه ماشي يا عمار قولي بقا اي المشكله الي عندك
انا. بص يا فندم هكلم حضرتك بصراحه
الريس. ياريت
انا. انا بحب ادخل شغل ابقي عارف مميزاته وسلبياته انما معالي الوزير اتعامل مع لموضوع بيعه وشروه ولا قالي المطلوب مني اي ولا المشروع عباره عن اي وانا اخدت كلامه ثقه واشتغلت ليل نهار لمدة ثلاث ايام الي فاتوا وفريق عمل لا يقل عن ٣٦ مهندس ومبرمج ومصمم افلام
الريس. افلام اي يا عمار
انا. حضرتك معالي الوزير كان طلبه قاعده تحت الارض انا فكرة في نظام جديد وشغل احدث هيطور من منظور الهندسه
الريس. زي اي
طلعت فلاشه من جيبي وكان عليها الشغل لحد اخر لحظه دخل فيها شريف عليا المكتب وشغلتها علي شاشة المكتب
انا.* حضرتك هتشوف بنفسك*
الريس. انت فعلا كنت هتعمل الشغل ده
انا. ايوه يا فندم ولو فيه فرصه ووقت كنت انا وزمايلي طلعنا شغل احسن من ده بس الاستعجال بقا
الريس. طب عايز نسخه من الشغل ده
انا. تحت امرك يا فندم بس بردو معرفتش المشروع الي انا مطلوب علشانه
رن الجرس ودخل واحد من برا اداني ورق
الريس. هو ده
مسكت الورق قريته بتركيز
انا. حضرتك متاكد من ده اقصد ينفع تنفيذه يعني
الريس. كل حاجه تنفع بس فيه حاجات بتتنفذ في السر وفي حاجات في العلن
انا. وده هيتعمل في السر ازاي يا فندم
الريس. موقع شغل عادي لحد متطلع بالقواعد والاساسات وبعد كده الي نظهره
انا. بس حضرتك نص الشغل ده مش تخصصي ولا مجالي
الريس. المشروع كله في ايديك يا ترفض يا تقبل
انا. مين صاحب الفكره علشان اتواصل معاه
الريس. لو وافقت علي المشروع هتقابله
انا. احم طب هو ينفع ارفض المشروع ده
الريس. طبعا ليك الحريه المطلقه يا باشمهندس
انا. تمام يا فندم وانا تحت امر البلد في اي حاجه تانيه تكون في تخصصي او مجالي
الريس. طبعا يا عمار وانا هدرس المشروع الي كنت شغال عليه ولو فيه امكانيه هنشتغل عليه
انا. تحت امر سيادتك
الريس. شرفت ونورت يا عمار
انا. ميرسي يا فندم بعد اذنك
خرجت من المكتب ركبنا العربيات ورجعنا الفيلا اول منزلت من العربيه طلبت من شريف يدخل يشرب قهوه معايا
انا. بص يا شريف انا رفضت المشروع الي اتعرض عليا بكده وجودك هنا ملهوش سبب صح
شريف. يمكن بس بردو حسب التعليمات الي عندي مقدرش امشي الا لما تجيلي اوامر بكده
انا. تمام يا شريف اتفضل قهوتك
شربنا القهوه وشريف قام مشي وبعد شويه لقيت معتمد داخل عليا
انا. اتفضل يا غالي
معتمد. انت رفضت المشروع ليه يا غبي
انا. مبحبش اعملي حاجه مش علي هوايا ولا افتي في حاجه مبفهمش فيها
معتمد. كنا هنجيب الي بيفهم ويساعدك وتبقي انت المدير التنفيذي للمشروع
انا. لا انا ابني المكان وارفع قواعده لحد الاخر بس الشغل التاني ده مليش فيه
معتمد. انت حر يلا اطير انا
انا. يا عم اقعد اتغدي معايا
معتمد. لا معزوم عن حبيبه وهنروح نشوف العفش
انا. طب الشقه اي نظامها
معتمد. اشتريت شقه في نفس العماره الي امي فيها علشان ابقي جنبها
انا. كده احسن يلا يتمملك بخير
معتمد. حبيبي وعقبال ميرزقك بولي العهد يلا سلام
انا سمعت الجمله دي وسالت نفسي هيا ليه سجده مش حامل لحد دلوقتي المهم كبرت دماغي وقولت لسه بدري ده يادوب لسه مكملناش سنه طلعت اوضتي بعد مقعدت مع بابا وحماتي شويه لقيت سجده قاعده قدام التليفزيون
انا. الجميل بيتفرج علي اي
سجده. فيلم تايتنك
انا. يااااه ده قديم جدا
سجده. بس تحفه لو شوفته ١٠٠ مره هتفرج عليه تاني
انا. طب متيجي اوريكي تايتنك علي الحقيقه
سجده. هههههههههه ازاي بقا
انا. مبحبش الكلام الكتير نحن رجال افعال
وشيلتها من علي الشيزلونج علي السرير وعملنا الواحد التمام
سجده.* كل مره بتبقي كانها اول مره
انا.* علشان بحب وشوق حتي وانتي في حضني مشتاقلك
سجده.* طب قولي بقا مشروع اي ده الي انت رفضته وقبلت مين النهارده
انا. قابلت مين دي سهل اقول انما المشروع صعب اقول علشان مصلحتك وحمايتك
سجده.* طب قابلت مين
انا.* الرئيس
سجده.* رئيس الهيئه الهندسيه
انا.* ههههه لا رئيس الجمهوريه
سجده.* بلاش هزار
انا.* وحياتك مبهزرش قابلت رئيس الجمهوريه النهارده
سجده.* يالهههههههوي بجد
انا.* وانا ههزر ليه
سجده.* وازاي ترفض مشروع عارضه عليك
انا.* وارفض عشره زيه لو هيعرض حباتكم للخطر
سجده. هو مهم اوووي كده المشروع ده
انا. يعني بس انا يمكن مش حاسس باهميته دلوقتي
سجده.* طب قولي هو اي
انا.* بردو
سجده.* علشان خاطري
انا.* بصي يا ستي هما ثلاث مشاريع في مشروع اول واحد عايز يبني خلايه للروؤس النوويه الي هتيجي من روسيا تاني حاجه يبني مصنع تحت البحر لتصنيع اسلحه متتطوره والثالث يبني مصنع عادي بس الي هيتم فيه مش عادي
سجده.* مصنع اي ده
انا. تصنيع جنود خارقين
سجده. نعم يعني هيجيب سوبر مان ومراته يتكاثرو مثلا
انا. هههههههه لا جنود اليين
الي اتفرج علي فيلم ( outside the wire) هيفهم قصدي اي والي لسه متفرجش عليه يشوفه فيلم حلو
سجده. بتتكلم جد
انا. بردو
سجده. خلاص خلاص معلش بس دي حاجه تترفض
انا. ايوه لانه لا تخصصي ولا مجالي ولا ده حلمي انا حلمي هندسه ابني واعمر مش اهد واقتل واحرق فهمتي
سجده. فهمت يا حبيبي بس ده سبب لموت اصحاب الشركات التانيه
انا.* تقريبا ده السبب الرئيسي*
سجده. والفرعي
انا. عدم قبولهم بالشريك الاجنبي
سجده. وانت عرفت منين
انا. لانه جالي وعرض عليا الشراكه وانا رفضت
سجده.................
انا. سكتي ليه
سجده. لا لا ابدا
انا. خايفه يقتلوني
سجده. بعد الشر ده الي يقرب منك او يلمس منك شعره اكله بسناني متقولش كده تاني
انا. حاضر يلا ننام بقا
سجده. تعالا في حضني يا موز انت
نمنا وصحيت تاني يوم لقيت سجده بتصحيني
انا. صباح الفل
سجده.صباح الورد
انا. الساعه كام
سجده. ٧.٣٠ فطارك يا قلبي
انا. هفطر في السرير*
سجده. واكلك بايديا كمان
انا. طب هتلاقي الجماعن مستنين تحت
سجده. انا قولتلهم هنفطر هنا النهارده
فطرت وقومت لبست ونزلت لقيت بابا قاعد بيشرب قهوته وحماتي قاعده بتشرب الشاي
انا.* صباح الخير
الاتنين.* صباح النور
حماتي . انت فاكر نفسك لسه عريس جديد ولا اي
انا.* يا ماما سجده........
بابا.* سبيهم يا ست وفاء يعيشوا حياتهم بكره يبقي معاهم عيل واتنين وتلاته وميعرفوش يتنفسوا
حماتي. علي رايك يابو عمار* ،،،، يهنيهم ببعض ويسعد ايامهم
بوست ايد بابا وراس حماتي وخدت سجده وخرجنا ركبنا العربيه واتحركنا علي الشركه دخلت صبحت علي الناس وفتحت مكتبي
انا.اهلا اهلا
شكرا علي الكلام الجميل والدعم الجامد ده في السلسله الاولي واتمني ديما اكون عند حسن ظنكم بيا واكون بكتب حاجه تعجبكم وفي نفس الوقت تكون لايقه بالمكان الي احنا فيه وعظمته والاكتر نكون لايقه بذوقكم الجميل
الجزء الثاني
انا. اهلا اهلا ازيك
عليا. تمام
انا. نورتيني يا عليا
عليا. ميرسي لذوقك جدا
انا. ها اومريني يا ستي
عليا. عمار مش هلف وادور انا بحبك ومبقتش قادره اعيش من غيرك بقيت هايزه النهارده قبل بكره اكون معاك مش بايدي يا عمار وعارفه انك متجوز وبتحب سجده ورغم كده عايزاك بردو حتي لو هبقي خدامه ليكم انت وسجده بس ابقي جنبك
انا..............
عليا. رد عليا قول اي حاجه سكوتك قاتلني
سجده. اقولك انا يا عليا
انا. هو اليوم باين من اوله حاسس انك هتدخلي من بدري
سجده.مش وقت هزار يا عمار وانتي يا عليا اهدي وامسحي دموعك واوعدك شهر من النهارده هتكوني مرات عمار
انا بصوت عالي وعصبيه. سجده انتي اتجننتي انتي ازاي تقرري قرار زي ده
سجده. علشان حاسه بيها لو كنت انا مكانها كنت هعمل اكتر من كده
انا. وانا شخشيخه في ايديكي وتقرري قرار ميخصش حد غيري
سجده. لا عشت ولا كنت لو فكرت كده انت جوزي وحبيبي وعمري كله وسيدي وتاج راسي بس حرام الي هيا بتعمله في نفسها
عليا بعياط. انا اسفه جيت بوظتلكم الدنيا وانتوا ملكمش ذنب في حاجه
سجده.بس يا هبله انتي زي اختي ومش هلاقي لعمار واحده احلي ولا اجمل منك
عليا. بجد يعني موافقه اتجوز عمار
انا. علي الحرام من ديني انتوا الاتنين اجن من بعض انا سايبلكم الشركه كلها وماشي جتكم البلا حريم تجيب السكر وتعلي الضغط
سجده. عمار انا هرتاح كده
انا. كلمه كمان وهتبقي طالق ولا انتي ولا هيا
سيبتهم وخرجت وخدت العربيه لوحدي ومشيت طلعت علي الكورنيش
انا. اي الي بيحصلي ده اي نعم لسه هشوف كتير بس مش كله ورا بعضه كده
نفسي. وانت خسران اي مراتك وموافقه واعتبرها عمل انساني يا عم متكبرهاش كده
انا. عمل انساني اي يا زفت انت مش فاهم انا لو وافقت علي الكلام ده هبقي اهبل
نفسي. ليه يعني هو حد طايل موزتين زي القمر هتنهب بروح امك
انا. يا ابني هعيش في مشاكل وانا لا هقدر ازعل ساجده ولا اقدر ازعل عليا علشان معتمد فاهم ولا انت حمار
نفسي. فاهم بس انت توكل ودوس
انا. بس يلا والا وديني هشرحك
نفسي. هخرس خالص اهو
بعد شويه جات ست كبيره
ست. مناديل يا بيه
انا. شكرا يا امي
ست. العفو يا ابني
انا. لو سمحتي استني اتفضلي يا امي
ست. طب خود مناديل وثانيا ده كتير
انا. مفيش حاجه كتير عليكي،،،، يسهلك الحال ويديكي الصحه
ست. تسلم يابني ويعطيك ما يحرمك
انا. امين
ست. متجوز
انا. ايوه
ست. عندك اولاد
انا. لسه ربك مش مبعتش
ست. يجبر بخاطرك ويعطيك الخلف الصالح
انا. انشاء،،،،، استاذن انا
ست. طريق السلامه يا حبيبي
رجعت البيت لقيت كلهم قاعدين تحت
في الفرع عند فتحي
علا. يا باشمهندس
فتحي. نعم يا علا
علا. انا مستنيه الاذن علشان التصاميم
فتحي. تمام اشتغلي فيهم
علا. احم طب ممكن اسالك مالك بحكم اننا دفعه واصحاب
فتحي. ابدا يا علا شوية ارهاق علي تفكير متشغليش بالك
علا. بس
فتحي. لا مش بس نتكلم برا الشغل احسن
علا. خلاص اعزمني علي الغدا برا واحكيلي وعلشان هقولك حاجه كمان
فتحي. حاضر نخلص ونخرج نتغدا
خلصو شغل وخرجوا راحو مطعم شيك علي النيل
علا. ها يا سيدي اتغدينا وشربنا وانت لسه قاعد ساكت
فتحي. كان فيه حاجه عايزه تقوليها
علا. عارفه انك بتهرب بس انت في دايره مقفوله هتهرب من الشي وترجعله تاني
فتحي. سيبتي الهندسه واشتغلتي في علم النفس
علا. اتريق اتريق طب بص يا فتحي علشان جبت اخري منك
فتحي. صوتك يا بنتي احنا في مكان عام
علا. بلا عام بلا خاص انا بحبك وانت معندكش دم ولا واخد بالك اصلا
فتحي.............
علا. احم انا اسفه لو قولت حاجه.....
فتحي. بحبك
علا. استاذن انا........ اي قولت اي
فتحي. بحبك
علا. احلف
فتحي. بعشقك
علا. يا لهوي يا لهوي
فتحي. الحاج والحاجه فاضيين امتي بقا
علا. علي طول كده مش نتعرف الاول
فتحي. خلاص براحتك بس ممكن ارجع في كلامي
علا. لا لا خلاص
فتحي. طب هاتي رقم تليفون باباكي
علا بفرحه. اكتب . . . . . . . . . ٠١٠٠
فتحي. يلا هغرم نفسي وخلاص مش مهم خمس فليكسات رصيد
علا. تصدق انت رخم خساره فيا
فتحي. هههههه خساره ليا طب يلا علشان اوصلك
علا. يلا
عندي في البيت
انا. متجمعين ديما
بابا. ديما يا حبيبي اقعد عايز
انا. تحت امرك يا بابا
بابا. مزعل مراتك ليه داخله بتعيط
انا. انا الي مزعلها
حماتي. مقالتش كده يا ابني بس دخلت بتعيط وطلعت علي اوضتها
انا. طب مسالتهاش يا امي عملت اي ولا قالت اي
بابا. ملحقناش نرد السلام اصلا بس انا بسالك اهو
انا. لا معلش اسمعوا منها احسن
بعت حد يجيب سجده من فوق بعد شويه نزلت
سجده بزعل اطفال. نعم
بابا. اي مزعلك يا حبيبتي ولو عمار اموتهولك دلوقتي
سجده. بعد الشر عليه مش زعلانه
حماتي بعصبيه. اومال مالك يا بت لا عمار زعلك ولا حد زعلك اومال في اي
سجده بدموع. مفيش يا ماما
انا. لا فيه سجده عايزاني اتجوز
حماتي. يمصيبة السوده انتي اتهبلتي
بابا. بهدوء يا ست وفاء بس الكلام ده صحيح يا سجده. ايوه حصل يا بابا
حماتي.* لا انتي اتجننتي رسمي بقا ويا تري خطبتيها ولا مستنيه موافقة جوزك
سجده.* مستنيه موافقته
بابا.* ده بجد بقا
انا.* اومال انت فاكر اي هههههه المدام بتخطب لجوزها شوفت هنا اكتر من كده
حماتي. استهدي،،،، يا بنتي كده وقوليلي انتي كويسه
سجده.يا بابا البنت مش غريبه علينا وبتحب عمار وانتحرت قبل كده كذا مره علشانه
بابا. مين دي
سجده. عليا بنت عم معتمد
بابا. وانت اي رايك يا عمار
انا. راي اي يا بابا ده جنان رسمي
سجده. يعني لما تموت نفسها نشيل ذنبها واحنا في ايدينا الحل
حماتي. لا كده كتير يكون في عونك يا ابني
انا. طالع فوق عايزه تحصليني تعالي هتتكلمي في الموضوع ده تبقي احسن تخليكي هنا
سجده.* هتتجوزها بردو يا عمار
انا.* اه في المشمش
سجده.* خلاص طلقني
وقفت مصدوم من كلامها ولسه مديها ظهري
بابا.* اي الكلام ده يا بنتي بس
حماتي.* سيبها يابو عمار دي اتجننت خالص
انا.* موافق بس بشرط
بابا.* اي انت كمان بتقول اي
انا.* ثواني يا بابا لو سمحت.... قولتي اي تسمعي شرطي
سجده بغصه في كلامها.* قول
انا.* هتخرجي بشنطة هدمك بس ماما مش هتخرج معاكي تمام
سجده.* دي امي انا
حماتي فهمتني ان بعجزها بالشرط ده
حماتي. لا انا هستني مع عمار ابني
سجده بدموع نازله من عنيها.* ماما
انا.* موافقه ولا لا
سجده بصتلي وبصت لامها وطلعت علي اوضتها
بابا.* الحقها يابني وهديها علشان خاطري
انا.* سيبها يا بابا شويه وهتلاقيها نازله علشان تتغدي
حماتي.* شاطر يا عمار اديها علي دماغها عقلها ولو حكمت تكسر عظمها
بابا.* طب يعملها كده وانا ازعل منه العمر كله
انا.* هههههههه لا متقلقش يا هندسه مش بتاع رزع وخبط انا
بابا. ايوه دي مصممه علي الي في دماغها
انا. وهو انا لعبه ولا مليش كلمه يعني تضرب دماغها في الحيطه
بعد شويه لقيت ساجده نازل واتغدت معانا وطلعت قعدت قدام البلاستيشن ومبكلمهاش
عند احمد في كافيه
احمد. ايوه يعني عايزه اي
بنت. تيجي تطلبني من بابا
احمد. وبعدين
بنت. اي وبعدين دي نتجوز طبعا
احمد. ولو موافقش
بنت. ساعتها يبقي نتجوز احنا مش صغييرين ولا انا قاصر
احمد. بصي يا سلمي انا فيا كل العبر بس ان اتجوز واحده من غير موافقة اهلها ده الي مش هيحصل
سلمي. طب متقدرش البلا قبل وقوعه بس قابله وكل حاجه هتمشي تمام
احمد. حاضر
سلمي. طب يلا قوم
احمد. اقوم اي هيا سلق بيض مش اخد ميعاد الاول
سلمي. هههههه منا بلغت بابا ان في عريس متقدملي وحددلك ميعاد النهارده
احمد. مجنونه انتي مجنونه
سلمي. مجنونه بحبك يا مادا يا عسل انتي
احمد. طب يلا و،،،،، يستر
قام واخد سلمي ووصلوا قدام بيتها فيلا لا مش فيلا ده قصر وعليه حرس كتير
احمد. احم هو ده بيتكم
سلمي. ايوه مالك
احمد. ابوكي شغال اي
سلمي. سكرتير رئيس الجمهوريه
احمد. نعم يا اختي اه صح سلمي حسين الرشيدي* احنا متفقناش علي كده ده لو انا غلط هروح ورا الشمس
سلمي. طب يلا جمد قلبك
احمد. يوقعتك السوده يا قلبي ملقتش غير دي وتحبها
دخلوا جوا القصر وقعد احمد
سلمي. سوسن يا سوسن
سوسن. اومري يا هانم
سلمي. شوفي احمد بيه يشرب اي
احمد. ولا حاجه لا تحسبوها علينا ضرايب
سلمي. ههههه هاتيله قهوه مظبوط يا سوسن
سوسن. حاضر
شويه ونزل ابو سلمي احمد قام وسلم عليه
حسين. قولي يا احمد شغال اي
احمد. احم انا يا فندم.........
حسين. اولا مفيش افندم او حضرتك قولي يا عمي احنا هنبقي اهل
احمد. شرف ليا يا عمي انا خريج كلية هندسه وماسك فرع من فروع شركات طاحون للمقاولات
حسين. جميل بكده تعرف المهندس عمار ابو طاحون
احمد. طبعا يا فندم صاحب عمري واخويا من اولي اعدادي واحنا مع بعض ووالده المهندس عز زي والدي بالظبط
حسين. بجد ده كان لسه عندنا في القصر الرياسه من فتره
سلمي. هو شغال معاكم يا بابا
حسين. لا يا سوسو كان معاه مقابله مع السيد الرئيس في شغل
سلمي. واو ده مهندس جامد بقا
حسين. جدا قولي يا احمد هو انت تعرف عن المشروع الي عمار مكلف بيه
احمد. معرفش تفاصيل بس عمار اعتذر عن المشروع ده المهم يا عمي انا جاي اخد موافقة حضرتك علي طلبي لايد سلمي
حسين. علي البركه مقدرش ارفض طلب لسوسو قلب بابا
سلمي. ميرسي يا بابا
احمد. مبروك علينا يا عمي في ميعاد يناسبك علشان اجيب اهلي ونقرا الفاتحه ونتفق
حسين. ممكن كمان ثلاث ايام
احمد. وهو كذلك استاذن انا
حسين. عيب احنا صعايد مينفعش تمشي من غير مناكل عيش وملح
احمد. الجايات كتير يا فندم
حسين. مصمم
سلمي. سيبه براحته يا بابا علشان جاي من الشغل علي هنا
حسين. ماشي يا ستي علشان خاطرك
قام احمد سلم علي حسين ووصلوا احمد للباب احمد بيبص لحسين ولسه هيقوله مع السلامه شاف نقطه حمره بتتحرك علي قلبه في لحظه رمي نفسه قدام حسين وخد الطلقه في ظهره بدل حسين وقع في والحرس جريوا علي حسين يحموه واتنين شاله احمد دخلوه جوه وسلمي بتصوت وتعيط
سلمي بصريخ . احمد قوم يا احمد
حسين. اطلبو اسعاف بسرعه اتحركوا
جات الاسعاف خدت احمد علي المستشفي ودخل العمليات
حسين. سلمي اتصلي بحد من اهله يجي يا بنتي
سلمي بعياط. معرفش ارقامهم يا بابا استني تليفونه معايا
حسين.كويس اتصلي بسرعه
سلمي. معرفش مسجلهم اي بس مسحل رقم باسم فتحي
حسين. كلميه يمكن حد قريب
سلمي كلمة فتحي
فتحي. اي يا زفت
سلمي. استاذ فتحي
فتحي بخضه. ايوه انا مين حضرتك وفين احمد
سلمي. انا اسمي سلمي صاحبة احمد وهو في المستشفي تعالا بحد من اهله حالا
فتحي. اسم المستشفي اي
سلمي. مستشفي.................... بسرعه بس
فتحي. حاضر بس متتصليش بحد ولا تردي علي حد علشان مش هيستحملوا عنده في البيت وانا جاي مسافت الطريق
سلمي. حاضر
قفل معاها ونزل من بيته بسرعه من غير ميكمل لبسه ركب عربيته وهو في الطريق اتصل بيا ونفس الكلام بردو نزلت* جري قابلت بابا وانا خارج
بابا بقلق .في اي يا عمار
انا. احمد في مستشفي
بابا بخضه. ليه ماله
انا.معرفش يا بابا فنحي اتصل وقالي اسم المستسفي بس
بابا. طب سوق براحه يا ابني وانا هحصلك
انا. حاضر
طلعت اخدت عربيتي ومعايا شريف والحرس مرضاش يسيبني لوحدي وكلمت معتمد يحصلنا علي المستشفي وصلت المستشفي لقيت فتحي في وشي وحسين بس مش فاكر شوفته فين جريت علي فتحي
انا. احمد ماله يا فتحي حصله اي
فتحي. انضرب بالنار
انا. مين عمل كده وليه
حسين. انا السبب يا باش مهندس
انا. مش فاهم ازاي استني احنا اتقبلنا في القصر الرئاسي صح
حسين. ايوه انا حسين الرشيدي سكرتير السيد الرئيس احمد كان عندي علشان يطلب ايد سلمي بنتي وانا بوصله كان تقريبا فيه قناص مستهدفني واحمد اخد الطلقه بدالي
انا بعصبيه.* يعني متعرفوش مين
حسين. لا
شريف. عمار لحظه لو سمحت
اخدني شريف علي جنبك
انا. اي يا شريف
شريف. هو مش شغلي ولا ينفع اقول حاجه زي كده
انا. عرفت مين يا شريف صح
شريف. ايوه بس فعلا مكانش يقصد احمد خالص
انا. بس جات فيه
شريف. تقصد اي
انا. اقصد ان عايز الي عمل كده باي تمن
شريف. مستحيل ده في الامن القومي
انا. ولو في بطن امه عايزه
فتحي. عمار عمار اهدي ده مش حل ولا هيغير حاجه
علي دخول معتمد
معتمد. اهدا يا عمار
انا.محدش يقولي اهدا لو انا مش مشكله بس حد فيكم يحصلوا خدش هولع في البلد كلها
معتمد. طب تعالا ميصحش احنا في مستشفي تعالا اقعد بس
بعد شويه خرج الدكتور من العمليات جرينا عليه
انا. ها يا دكتور احمد عامل اي
الدكتور............................ .
الجزء الثالث
انا. ها يا دكتور احمد عامل اي
الدكتور. مين سلمي
سلمي. انا يا دكتور خير
الدكتور. شكله بيحبك ويعزك فاق في نص العمليه يقول اسمك هو حاليا الوضع مستقر بس علشان الطلقه لما جات في ظهره اثرت علي الفقره الي عند الرقبه فهنحتاج عمليه تانيه وبعدها نقرر هو هيقعد في العنايه لحد مالاشاعات والتاحليل تخلص
معتمد. طب والعمليه فيها خطوره عليه يا دكتور
الدكتور ٦٠٪ لا
فتحي. يبقي ٤٠٪ مش مضمونه
الدكتور. كل حاجه باذن،،،،، يا فندم
انا. شكرا يا دكتور منين ماوحضرتك تكون جاهز اعملها علي طول
الدكتور تمام عن اذنكم
الدكتور مشي وانا قعدت علي الكرسي الي ورايا وحطيت ايدي علي وشي
بابا. احمد عامل اي
فتحي. ادعيلوا يعمي هيدخل عمليه تانيه
بابا. معرفتوش مين عمل كده
سمعت الجمله دي ورفعت راسي
انا. هعرفه وهخليه يتمني الموت ومش هيطوله
بابا. ليه عايش فين انتي في غابه
انا. اعتبرتها كده يا بابا
بابا. لا يا باشمهندس يا متعلم فيه قانون وقضاء
انا. تمام يبقوا ياخدوه يحكموه بعد ماخد حق صاحبي
حسين. باشمهندس عمار احنا هنتصرف مفيش داعي تدخل نفسك في مشاكل
انا. مشاكل اه اسمع بقي الشخص ده لو مش في الامن القومي لا ده لو في قصر الرياسه نفسه هجيبه
معتمد. عمار تعالا معايا
انا. ليه
فتحي. اسمع يا عم منه وتعالا
قومت اتمشيت انا وعمار وفتحي
انا. فيه اي يا معتمد ساحبني ليه
معتمد. يا عم كلم الراجل كويس علشان خاطر احمد حتي
انا. مهو السبب في كل ده
فتحي. الي فهمته ان احمد كان رايح يتقدم لبنت والراجل رحب بيه ووافق بس الي حصل
انا. مين قال كده
معتمد. منتا مش مركز البنت الي واقفه هيا الي احمد بيحبها وشرحت لفتحي الموقف كله
انا. ايوه مطلوب مني اي يعني
معتمد. تهدي وكده كده مسكوا الواد الي عملها وهيطلع عين امه ده اغتيال سكرتير رئيس الجمهوريه مش راجل اعمال يعني علشان تعدي
دورت الكلام في دماغي ولقيت كلام فتحي ومعتمد صح قعدنا كلنا لحد الصبح والدكتور جه بلغنا انه هيعمل العمليه لاحمد دلوقتي
مشهد اخر
شخص٢. المحاوله فشلت يا فندم
شخص١. كنت متوقع كده بس ازاي
شخص٢. واحد اخد الطلقه بداله
شخص١. حظه حلو حسين الرشيدي طب اخبار عمار ابو طاحون اي
شخص٢. احم في المستشفي
شخص١. ليه حصله اي انا مش قولت تحموه بحياتكم
شخص٢. مش هو يا فندم ده صاحبه احمد هو الي اخد الطلقه مكان حسين الرشيدي
شخص١. يا محاسن الصدف طب القناص فين
شخص٢. اتقبض عليه يا فندم
شخص١. تمام قبل ميخرج من المكان الي هو فيه يتصفي علشان ميخرجش منه كلمه كده ولا كده
شخص٢. حصل يا فندم
في البيت عندي
سجده. صباح الخير يا ماما
حماتي. صباح النور
سجده. احم هو عمار فين صحيت ملقتهوش
حماتي. مش عارفه جوزك فين يا موكوسه ليه هو نايم جنب مخده ولا جثه
سجده. يووه يا ماما هو منامش جنبي اصلا كان قاعد بيلعب بلستيشن وبعدين تليفونه رن وخرج من الاوضه
حماتي. جوزك في المستشفي يا اخرة صبري
سجده بخضه. اي ليه ماله عمار
حماتي. كويس وبخير احمد صاحبه متصاب بس
سجده. طب الحمد،،،، ومتعرفيش من اي
حماتي. منا قاعده معاكي اهو
سجده. طب انا هلبس واروحله
حماتي. اقعدي هنا هتلاقيهم جايين دلوقتي علشان باباه معاه كمان
في المستشفي
انا. اي يا دكتور
الدكتور. لا متقلقوش تمام وزي الفل بس هيقعد معانا شويه بس علشان نتابع حالته
معتمد. مفيش مشكله يا دكتور وشكرا لحضرتك
الدكتور. لا شكر علي واجب ده شغلي حمد،،، علي سلامته
والدة احمد. الف حمد وشكر ليك،،،،،،
انا. اهو اطمنتي يا امي وبقي زي الفل ارجعي بقا علشان ترتاحي انتي
والدة احمد. مش هسيبو يا عمار ده الي طلعت بيه من الدنيا هفضل جنبه هنا لحد ميرجع معايا
انا. يا امي علشان صحتك وانا هفضل معاه
بابا. سيبها ب،احتها يا عمار
والدة احمد. يجبر بخاطرك يا باش مهندس
بابا. تسلمي يا ام احمد اناكلمت الدكاتره هنا وهيكونوا معاكي طول الوقت اي حاجه تحتاجيها تقولي علي طول
والدة احمد. حاضر
حسين. الف سلامه عليه يا ست ام احمد ويقوم بالسلامه علشان نتعرف كويس
والدة احمد. طبعا طبعا يا استاذ حسين ومتشكره اووي علي وقفتكم جنبه
حسين. مين يشكر مين يا ست الكل احمد فداني بعمره وده دين في رقبتي مدا الحياه وجميل علي راسي
انا. لو احتجتي حاجه كلميني علي طول ماشي
والدة. ماشي يا حبيبي
بابا. هتروح فين
انا. هروح الشركه واعدي علي الفرع بتاع احمد اتابع الشغل مكانه
فتحي. لا كفايه عليك الشركه ولفرع بتاعك انا هروح للفرع عندي واروح علي فرع احمد
بابا. صح يا فتحي قسموا نفسكم لحد ميقوم بالسلامه
مشينا وانا رجعت علي البيت لقيت سجده وحماتي قاعدين تحت
سجده. عمار احمد عامل اي
مردتش عليها
انا. ماما ممكن تقوللهم يجهزولي فطار
حماتي. حاضر يا حبيبي
سجده. انت مش بترد عليا ليه
انا. انت اسمها انت
سجده. اومال اقولك اي يعني
انا. متفتحيش شفه عن شفه طول منا في الييت ممكن
سجده...............
طلعت اخدت دش ولبست ونزلت
حماتي. يلا يا عمار تعالا علي السفره
انا. حاضر يا ماما
فطرنا كلنا واخدت نفسي وخارج
سجده.* مش هتاخدني معاك
انا.* معنديش وقت استني لخد متلبسي
خرجت وروحت الشركه خلصت الشغل هناك ورجعت علي الفرع راجعت المشاريع الي هتتنفذ ولقيت دعوة حفله*
انا. مي من مين الدعوه دي
مي. احم واحده جات قبل كده وقابلت حضرتك
انا.* قابلتني انا اسمها اي طيب
مي.* ناهد
انا.* ماشي شكرا يا مي
تليفوني رن وكان بابا
انا.* اي يا حبيبي رجعت من المستشفي
بابا.* ايوه
انا.* مالك يا بابا في اي
بابا.* احم مفيش
انا.* في دعوه جاتلك بحفله بكره صح
بابا.* عرفت منين
انا.* نفس الدعوه لقيتها علي مكتبي
بابا.* هتروح
انا.* يمكن لو فاضي هروح بس انت فيك اي
بابا. بصراحه خايف تاخدك مني
انا.* يا حبيبي يا روحي يا كل حاجه في دنيتي مفيش حاجه تاخدني منك غير موتي
بابا.* بعد الشر عليك العمر الطويل ليك يا حبيبي بس خد معاك الحرس
انا.* حاضر يسيدي الي تقوله امر وينفذ
بابا.* ماشي يلا روح كمل شغلك سلام
انا.* سلام
عند معتمد وحبيبه في بيتهم
حبيبه. معتمد انا زهقت بقا
معتمد.* ليه ومن اي
حبيبه. احنا بقالنا كام سنه مخطوبين هنقضيها خطوبه بس
معتمد. منا كنت ناوي احدد فرحنا الشهر ده بس جات حادثه احمد
حبيبه.* يا سيدي يقوم بالسلامه احنا مالنا
معتمد بعصبيه. مالنا ازاي يعني ده صاحبي وفي مقام اخويا
حبيبه. ايوه انا ذنبي اي طيب
معتمد. ذنبك انك خطيبتي
حبيبه. تمام يا معتمد تيجي تحدد مع بابا معاد الفرح الي هو الشهر الجاي زي ماتفقنا
معتمد. مش هينفع علشان الشهر الجاي بعد اسبوع وانا معرفش احمد هيقوم بالسلامه امتي
حبيبه. مش فارقه معايا ده الي عندي يا كده يا.....
معتمد. يا اي يا حبيبه نسيب بعض صح
حبيبه. معرفش بقا
معتمد. تمام لما تعرفي ابقي كلميني او متتكلميش حاجه ترجعلك سلام
والدة حبيبه. رايح فين يا معتمد الغدا بيجهز
معتمد. شكرا يا امي مره تانيه عندي شغل سلام
خرج معتمد بعد موصلته والدة حبيبه ورجعت لبنتها
والدة حبيبه. ده اسلوب كلام بردو مش قولتلك وفهمتك تتكلمي براحه
حبيبه. معرفش بقا اهو الي حصل
والدة حبيبه. يا خيبه هاتيه تحت جناحك وخليه ينفذ الي في دماغك بس يكون فاكر انه بيعمل الي هو عايزه
حبيبه. اعمل اي يعني يا ماما اله معتمد عنيد ومبيجيش بالسهوكه والكلام ده
والدة حبيبه. طب اتصلي بيه وحولي تصلحي الي عملتيه يلا
حبيبه. حاضر
مسكت تليفونا وبتتصل بمعتمد وهو بيكنسل عليها
حبيبه. مش بيرد
والدة حبيبه. حاولي مره وعشره وميه لحد ميرد انا هقوم اعمل الغدا
حبيبه. حاضر
عند فتحي وعلا في مطعم علي النيل
علا. حبيبي متعملش في نفسك كده انت اتغيرت خالص
فتحي. معلش يا علا عارف اني جاي عليكي بس حادثة احمد ماثره فيا جدا
علا. انا عارفه ان احمد اقرب حد ليك بس قولي بقا اول ميقوم بالسلامه ويجي معاك علشان تخطبني ويجي يلبسك البدله ويلاقيك خاسس وعدمان كده هيبقي مبسوط
فتحي................
علا. طبعا لا انت ادعيله بس يقوم بالسلامه
فتحي. يعني انتي مش زعلانه اني مجتش في الميعاد واعتذرت
علا. اي الكلام ده يا فتحي احمد اخويا زي ماهو اخوك بالظبط غير اني اعرفه قبلك بفتره ايام الجامعه ووقف معايا وقفات جدعنه ورجوله كتير
فتحي. طول عمره جدع وراجل مع اي حد
علا. طب انا جوعت وبقالي كذا مره اخرج معاك ومكلش علشانك ينفع
فتحي. اطلبي انتي علي مزاجك وهاكل حاضر
في مشهد اخر
شخص٢. تم يا فندم
شخص١. اتاكدت انه هيكون في الحفله بكره
شخص٢. مفيش تاكيد يا فندم مابين انه رايح او ميروحش
شخص١. تمام خليكم متابعين الموقف
شخص٢. اوامر يا فندم
في البيت عندي
حماتي. مالك قعده كده ليه
سجده. كل ده وبتسالي يا ماما
حماتي. انتي الي عملتي كده في نفسك
سجده. ما انتي عارفه كل حاجه يا ماما انا عايزه اريحه بدل ميخوني
حماتي. وعمار عمره ميعمل كده وانتي عارف كويس لا تربيته ولا اخلاقه مش انا الي هعرفك بجوزك
سجده. ده الي جه في دماغي بقا
حماتي. وهو الراجل اشتكي ولا قال حاجه
سجده. منا خوفي كله من سكوته ده
حماتي. هبله وهتفضلي طول عمرك هبله
سجده. يا ماما انصحيني مش تشتميني بقا
حماتي. هو انتي لما قولتيلي امك بتتعبي معاه في السرير اتكلمتي مع حد غييري
سجده. احم لا
حماتي. يبقي اتكلمتي وهو اكيد سمعك او عرف
سجده. حبيبه مستحيل تقوله حاجه
حماتي. مش قولتلك هبله اديكي عرفتيني انتي اتكلمتي مع مين وبهبلك ده مش بعيد تكوني اتكلمتي معاه اصلا
سجده. تصدقي مش بعيد يكون سمعنا فعلا اصله جه فجاه وانا بتكلم مع حبيبه وساعتها جابلي موضوع خالي وعدت
حماتي. طب خليكي صريحه معاه وصالحيه وبطلي الهبل الي بتفكري فيه ده
سجده. حاضر
بعد ساعه دخلت الفيلا
انا. مساء الخير
الاتنين. مساء النور
سجده. عمار لو سمحت عايز اتكلم معاك
انا. معلش تعبان وعايز انام خليها بكره انا قاعد من الشركه اصلا
حماتي. خير يا ابني تعبان ولا حاجه
انا. لا يا امي عندي حفله معزوم فيها فعايز اخد كفايتي من النوم
سجده. اجي معاك
انا. لو حابه تيجي تعالي
سجده. طب مش هطول عليك موضوع بسيط
انا.حاضر عن اذنك يا امي
حماتي. اتفضل يا حبيبي،،،،، يهدي سركم
طلعنا اوضتنا وبدات اقلع هدومي لقيت ساجده جايه قدامي قعدتني علي السرير وبتقلعني الجزمه
سجده. عارف انا اول مشوفتك حبيتك واتمنيت من كل قلبي اني ابقي مراتك وانت جوزي ملكي لوحدي
انا. بامارة مانتي بتقولي كلام واحده هبله متقولهوش
سجده. كنت خايفه تخوني او تعمل حاجه غلط برا فقولت الي تعمله بعلمي احسن من الي تعمله من ورايا واهو وجع ساعه ولا كل ساعه
انا. وانتي تعرفي عني كده وليه بتقولي كده
سجده. عارفه انك سمعتني انا وحبيبه بس مرضتش تزعلني
انا. افرضي سمعتك اي الي مطلوب مني يعني
سجده. لا انا الي مطلوب مني يا قلبي لازم اخليك مبسوط وسعيد
انا. وانا اشتكيت يا بنتي
سجده. مش هستني لما تشتكي يا عمار انت راجل وليك طلباتك بردو وانا زي مانت عارف بتعب بسرعه فالحل الوحيد تتجوز تاني عليا بقا ولا اي واحده تانيه تعجبك وانا اقنعت نفسي بعليا علشان بتحبك
انا. وانا بحبك ومبسوط معاكي وراضي بيكي ومكفياني كمان
سجده. طب متزعلش مني حقك عليا
انا. لا زعلان علشان متختبريش حبي ليكي تاني يا سجده وهقولك حاجه اول مره اقولها لحد بعد شفيق،،،، يرحمه
سجده. اي هيا
انا. انا لما كنت في ابتدائي حبيت بنت وكانت معايا في المدرسه يمكن كانت مراهقه بس لما فجاءه ملقتهاش في المدرسه لقيت نفسي بسال عليها واطمن هيا راحت فين عرفت من الاخصائيه ان والدها اتوفي وهتنقل مدرسه حكومه فجيت لبابا واقترحت عليه انقل نفس المدرسه الي راحتها وكنت مستعد اروح وراها اخر الدنيا قدمت في المدرسه ملقتهاش اول يوم ولا تاني يوم لحد معدي اسبوع فقولت يمكن راحت مدرسه تانيه والمعلومات الي عندي غلط فقدت الامل اني اشوفها تاني بس بعد بعد مروحت المدرسه تاني اسبوع زي ميكون ردت روحي فيا لما شوفتها في الطابور فضلت احبها بيني وبين نفسي واكتفي اني اشوفها في المدرسه بس ودخلنا ثانوي مع بعد بردو ونفس الكلام براقبها في صمت بردو لحد مدخلنا الجامعه ولقيتها واقفه عند الكافتريا فكان قصدي اقف في طريقها بس مكنتش اعرف ان النسكافيه سخن اوووي كده
سجده بدموع. ده انا
انا. اومال امي الي دلقته عليا وجابتلي تسلخات يعني
سجده بعياط اكتر. وفضلت تحبني كل ده وساكت
انا.* احم اه متعودتش افرض نفسي علي حد قولت نبقي اصدقاء ولما نخلص اتقدملك واهو تبقي معايا علي طول
لقيتها اترمت في حضني مره واحده وفالتلي
سجده.* انا غبيه وحماره وبحبك اووووي
انا.* ههههههههه ماشي يا حماره وانا بعشقك بس خلاص دموعك غاليه عندي اوووي يلا قومي اغسلي وشك يلا
سجده.* لا انت هات عصير وحلويات علي بال ماخد دش علشان وحشني
انا. ليلتنا حلوه ولا اي
سجده.* حلوه علشان معاك يروحي
انا.* طب يلا بسرعه
سجده.* حاضر
حضرت القعده وظبط الدنيا لحد ما سجده طلعت من الحمام ورقصتلي وقضينا ليله حلوه ونمت معاها مرتين ونمنا صحيت تاني يوم الظهر فطرنا وقعدنا كلنا مع بعض نتكلم ونهزر لحده الساعه ٥
بابا.* هتروح
انا.* ايوه يا بابا وسجده معايا
بابا. خد معاك الحرس
انا.* حاضر هطلع البس انا يلا يا ساسو
سجده. يلا
طاعنا لبسنا ونزلنا ركبنا العربيات والحرس معانا حوالي ثلاث عربيات منهم العربيه الي انا فيها ووصلنا العنوان الي في الدعوه نزلنا وشريف عمل شغل جامد* هو وطقم الحرس الي كانو عباره عن اربعه يمين واربعه شمال وانا وسجده في النص وشريف قدامنا وصلنا مدخل الفيلا وحرس الفيلا طلب يشوف الدعوه ادتهاله
حارس. بعد اذنك يا فندم الحراسه تفضل برا
انا. مش هينفع علشان دول مش حرس*
حارس. احم عمار بيه التعليمات الي عندي كده
انا. تمام يبقي ارجع عادي مكان مجيت
قولت كده وانا شايف امي جايه تقابلني
امي. لا لا ترجع اي يدخلوا طبعا وانت التعليمات تمشي علي اي حد الا عمار ابني
حارس. اسف يا هانم
امي بتكلم شريف والحرس.اتفضلوا واسفه علي الموقف ده
انا.* ولا يهمك يمدام ناهد
امي.* احم اتفضلوا
دخلت انا وساجده قعدنا علي ترابيزه وشريف جنبي والحرس واقفين ورانا وكل الي الحفله بتبص وبتسال علي مين الي دخل بالحرس والسلاح كمان
سجده.* عمار هيا مامتك اقصد مدام ناهد شغاله اي
انا.* مش عارف يا سجده بس اكيد سيدة اعمال
سجده.* بس شكلها جامده شايف مين المعازيم
واحنا بنتكلم دخل علينا حسين سكرتير الريس
حسين.* ازيك يا باشمهندس
قومت وقفت
انا.* اهلا اهلا حسين بيه
حسين.* بيه اي بس يا باشمهندس احنا اهل مش احمد،،، يقومه بالسلامه يعتبر اخوك
انا.* واكتر من اخ كمان
حسين.* خلاص تقولي يا حسين واقولك يا عمار
انا.* ميصحش حتي علشان فرق السن
حسين. كلك زوق واحترام يا عمار خلاص اتشرف بانك تقولي يا عمي ولا مش قد المقام ههههههه
امي.* طبعا يا حسين مش ابني لازم يكون زوق ومحترم
انا تجاهلت كلامها. طبعا يا اونكل حسين
حسين.* طب استاذن انا
انا.* اتفضل
امي.* عمار حابب اعرفك علي حد
انا.* طبعا بس بلاش نشيل التكليف انا الباشمهندس عمار ابو طاحون زي مبقول لحضرتك مدام ناهد تممام
امي.* احم تمام الي تشوفه
شخص. اي يا نونا بعتيلي
امي.* ايوه يا تامر حابه اعرفك علي الباشمهندس عمار ابو طاحون ابني*
تامر. اه طبعا نار علي العلم اسم الباشمهندس واصل لعند رئيس الجمهوريه شخصيا
انا.* اهلا بحضرتك يا تامر بيه نورت مصر
تامر.* منوره بيكم يا باشمهندس
قعدت وفي ناس جات سلمت عليا معرفت شغل وكده وفي نص الحفله في بنت جاي عليا جري
بنت.* عمار ازيك ميسيو كتير
انا. مين حضرتك
بنت.* عندك حق متعرفنيش العيب مش علينا العيب علي ماما الي معرفتك عليا
انا.* ماما مين وتعرفك عليا ليه
بنت.* انا شذي اختك
انا. نععععم
الجزء الرابع
