الوعد
مرسل: الأحد 8 ديسمبر 2024 11:47 am
في عام ٢٠٠٨ طفل في عمر الثانية عشر يمرح ويلعب باحد الفلل الراقيه ولا يوجد بباله ما يخفيه المستقبل اسم الطفل عمار ابو طاحون والده عز ابو طاحون ووالدته توفت بعد ولادته مباشرة لذلك فانه الابن الوحيد يمتلك والده شركة مقاولات ويعتبر من كبار المقاولون ولا لديه اقارب الا ابن عم والده حسن ابو طاحون ويعتبر ملياردير يملك نصف مصانع الحديد والصلب و مصانع الاسمنت في الدوله وليس بينه ابيه وابن عم ابيه غير العمل فقط لذلك لا يعرفه حق المعرفه دي مقدمه بسيطه وساوضح كل شئ في احداث القصه واتمني ان تنال اعجابكم
في احد الاحياء الراقيه فيلا عز ابو طاحون.
بابا. عمار يا عمار
انا. حاضر يا بابا نازل حالا
شفيق شغال عندنا بس بحبه جدا. العشا جاهز يا فندم
بابا. ماشي يا شفيق لما البيه ينزل من فوق
انا. سوري يا بابي اتاخرت
بابا. ايوه سبقني واشتكي ماشي يلا علشان ناكل
وقعدنا علي السفره
انا. بابي المدرسه هتبدا بعد بكره وانا داخل اولي اعدادي
بابا. عمار اتكلمنا كذا مره في الموضوع ده
انا. يا بابا انت وعدتني اني هختار المدرسه الي انا عايزها
بابا. انا عايز افهم بتجيب الكلام الي اكبر منك ده منين
انا. من حضرتك لما بحضر معاك اجتماعات الشركه
بابا. اي ده بجد يعني كنت بتركز معايا وفي الكلام
انا. طبعا اومال مين هيمسك مع حضرتك الشركه مش انا ولا انتا عندك ولاد غيري يا سي بابا
بابا.( بدمعه في عينه حسيتها فرحه) طبعا يا حبيبي انت الي هتمسكها وتكبرها كمان وتبقي احسن مني ومن اي حد في الدنيا
انا. طب ادينا اتفقنا انا علشان ابقي زي محضرتك عايز لازم اعمل الحاجه الي بحبها صح
بابا. يعني تسيب مدرسه إنترناشيونال وتروح مدرسه حكومه انهي عقل يقول كده
انا. عقلي انا يا باشمهندس المدرسه مش كل حاجه
بابا. ازاي لا طبعا ده مش صح بقولك اي انا شبعت هاتلي قهوتي علي المكتب يا شفيق وانت خلص الطبق كله وبعدين هات الهوت شوكليت بتاعتك وتعالالي المكتب
انا. هههههههههههههه حاضر هكسبك بردو
بابا. انت بتحلم المره الي فاتت انت لعبت بالدراع السليم واديتني البايظ
انا. ايوه اتحجج بالدراع بقا
بابا. طب هلعب بالمنتخب
انا. وانا هلعب بالاهلي
وكان بلايستيشن تو كان لسه نازل جديد وكورة بركات كانت حديثه بعد الياباني علي طول وكنت بعمل الخطه علي الكارت المشفر واللعيبه احصائيتها في السما المهم
في المكتب
بابا. مش هنخلص من خطة ديفيد كامب دي
انا. خلاص يلا ابدا يا حبيبي
بابا. فهمني بقا المدرسه ازاي مش كل حاجه
انا. ( شوت عدل بقا) في اجتماعك الي قبل الاخير لما اتكلمت مع مجلس الاداره علي التعينات الجديده
بابا. اه فاكر مالهم بقا ( رافع دائرة اهو الدراع بايظ)
انا. قولت للي ماسك التعيين لما رفض المتخرجين الجداد ان الدراسه والكليه مش كل حاجه والي هيتعلموه من الدنيا والشغل العملي غير الي اتعلموه خالص صح
بابا. ( ساب الدراع وبصلي)
انا. جوووووووووون جبت جون يا تريكه يا تريكه
بابا. مش مهم يلا نكمل
انا. حضرتك زعلت يا بابا
بابا. بالعكس فرحتي بيك وبتركيزك في الي بيحصل حواليك هو الي خلاني اسيب الدراع يا حبيبي وانت جبت جون بس الجون مش في اللعبه لا جبت جون في الحقيقه
انا. يعني حضرتك اتقنعت بكلامي
بابا. حتي لو مقتنعتش من امتي وانا برفضلك طلب
انا. ،،،،،، يخليك ليا يا اجمل بابا
بابا. بس عندي شرط
انا. موافق
بابا. قولتلك مش تتسرع افهم وبعد كده وافق او ارفض
انا. حاضر يا بابا اتفضل
بابا. هجيبلك سواق يوديك ويجيبك وحارس معاك
انا. ليه ده كله
بابا. ده شرطي
انا. ( سكت شويه) اوك موافق
بابا. يلا كفايه لعب بقا اطلع جهز نفسك وجهز طلباتك الي هتحتاجه علشان اقدملك في المدرسه الي انت عايزها ونجيب الحاجات دي بالمره
انا. حاضر يا عز يا عسل انت
طلعت اوضتي جهزت ورقه بمستلزمات الدراسه وكده ونمت وصحيت تاني يوم لبست هدومي وفطرت انا وبابا روحنا المدرسه الي انا اخترتها وكانت مدرسه حكومه من الدرجه الاولي يعني ناس غلابه غير الي كنت بشوفه في مدرستي التانيه وهتعرفوا سبب نقلي هنا في الاحداث القادمه وخلصنا تقديم ونظرات الناس مش بتفارقنا طول منا ماشي مع بابا لبسنا والعربيه بس قولت عادي وخرجنا بابا اخدني اتفسحنا شويه وبعديها رجعنا البيت
شفيق. ها عملت الي في دماغك
انا. ايوه بس بتقول كده ليه
شفيق. انت عارف كويس يا عمار
انا. طب اسكت لبابا يسمع
شفيق. بتضر مستقبلك كده مدرستك التانيه كانت لغات وحاجه نظيفه
انا. متقلقش عليا هتعايش مع الوضع
شفيق. ماشي اكلت ولا تاكل
انا. لا اكلت برا انا وبابا تصبح علي خير علشان هصحي بدري
شفيق. وانت بخير يا حبيبي
طلعت نمت وصحيت تاني يوم لبست هدوم عاديه مش يونيفورم وفطرت وشفيق حطلي السندوتشات وخرجت ركبت العرييه انا والسواق والحارس الي بابا جابه
انا. صباح الخير يا عمو ناصر
ناصر السواق. صباح الفل يا عمور
انا. صباح الفل يا عمو خالد
خالد الحرس. صباح الفل يا استاذ عمار
انا. بلاش استاذ دي يا عمو انا اسمي عمار بس
خالد. ( ابتسم) وانا اسمي خالد بس تمام
انا. اشطا يا خالود
واتحركنا علي المدرسه واول مقربنا
انا. عمو ناصر اقف علي اول الشارع وخالد هو الي هيجي معايا
ناصر. ليه
انا. كده علشان خاطري
خالد.( بصلي وضحك) خلاص يا عم ناصر انا فهمت يلا يا عمور
انا. يلا بينا
خالد. ( بعد منزلنا ومشينا) انت ليه مش عايز زمايلك يشوفوك وانت نازل من العربيه
انا. هاه لا مش كده يعني بس
خالد. احنا بقينا اصحاب خلاص هتخبي عليا
انا. لا ابدا بس مش عايز اتعامل من حد علي اني اعلي منهم او حد يصاحبني علشان غني
خالد. عين العقل تسلم يا عمار،،،،، يحميك يلا ادخل وانا الساعه ١ هكون قدام المدرسه ولوحدي يا عم
انا. ماشي يا خالود سلام
دخلت المدرسه وقفنا في طابور الصباح واتوزعنا هاي فصولنا وقعدت في الديسك الاول قدام المدرس علي طول ودخلنا اول حصه مدرس العربي واسمه حسام
مستر حسام. انا اسمي استاذ حسام استاذ اللغه العربيه يلا بالدور كده كل واحد وواحده يقول اسمه ابدا من هنا
وكان كل دسك قاعد فيه اربعه وبدا من جنب الشباك لحد موصل عندي
انا. عمار عز الدين ابو طاحون
لحد مخلص تعارف علينا وكان قاعد جنبي احمد وفتحي ومعتمد واتعرفت عليهم بعد الحصه مخلصت وجات ميعاد الحصه التانيه مدرسة الرياضيات وكان اسمها نهي
ميس نهي. صباح الخير يا ولاد انا استاذه نهي مدرسة الرياضيات يلا عرفوني بيكم بالدور
وحصل نفس الي حصل في الحصه الي فاتت بردو ونفس الكلام مع مدرس الدرسات الجغرفيا والتاريخ يعني وكان اسمه عبد الواحد ومدرس العلوم اسمه ابراهيم وجه وقت الفسحه وخرجنا كلنا ووقفنا انا واحمد وفتحي ومعتمد
احمد. ها يا عمار قلنا بقا جبت كام في سنه سادسه
انا. جبت ٢٩٥.٥ من ٣٠٠
فتحي. بجد زي بالظبط
احمد. انا جبت ٢٩٣
انا. وانت يا معتمد كنت جايب كام
احمد. لا مش هيقول ده عيل غلس مش بيرضي يقول لحد غير اهله
انا. يبقي بيجيب النهائيه
معتمد.( بصلي باستغراب) عرفت ازاي
انا. عيب عليك يا معلم سر المهنه هههه
معتمد. هههههه ماشي يا عم
انا. بس بلاش تفرح كتير علشان هنافسك علي الاول مش بقبل بالمركز التاني
معتمد.( بتحدي) جاهز يا عمار
فتحي. مالك يا عمار بتلف حوالين نفسك ليه بتدور علي حاجه
انا. هاه لا ابدا متشغلش بالك يا توحه يلا البريك خلص
احمد. بريك اي اسمها فسحه لا كده احنا هنتعب مع بعض
انا. هههههههههه طب يلا يا عم
ورجعنا الفصل وكملنا باقي اليوم ما بين التعارف والهزار وخلصت اخر حصه وخرجنا طلعت برا المدرسه لقيت خالد مستنيني
خالد. عمار يا عمار انا هنا اهو
فتحي. ده ابوك ده ياض
انا. لا واحد قريبي
احمد. هو عامل كده ازاي ينهار اسود ده وحش مش بني ادم
معتمد. طب بس علشان جاي علينا اهو لو سمعكم هيعلكم علي سور المدرسه
انا. ههههههههه **** يخربيتك انت وهو خلاص
خالد. ازيك يا عمور ها كله تمام
انا. عشره علي العشره
خالد. مش تعرفنا علي صحابك
انا. اه طبعا احمد معتمد وفتحي
خالد. تشرفت يا شباب
كلهم. شكرا يا عمو الشرف لينا
خالد. مش يلا بينا اتاخرنا
عمار. حاضر يلا سلام ياض منك ليه
كلهم. سلام يا برنس
ومشينا انا وخالد وركبنا العربيه
خالد. كويس انك اخدت علي الجو بسرعه واتصاحبت علي ناس كمان
انا. اه طبعا يا خالد اومال هقضيها لوحدي انا هقضي هنا ثلاث سنين
خالد. دي حاجه حلوه بس خلي بالك في صاحب يفيدك وصاحب يضرك
انا. مش فاهم
ناصر. يعني صاحب يقولك يلا نذاكر يلا نصلي يلا نطلع الاوائل علي المدرسه
خالد. وفي صاحب يشدك للغلط سجاير وحاجات تانيه ولعب ويضيع مستقبلك
انا. اه كده فهمت لا متقلقش مفيش حد في الدنيا يقدر ياثر عليا ويخليني اعمل حاجه غلط
خالد. انا بقولك وبوعيك بس عارف انك ذكي جدا وتعرف تفرق بين الحلو والوحش ويلا وصلنا
انا. ماشي سلااااام
دخلت الفيلا لقيت شفيق واقفلي علي الباب
شفيق. طمني عليك عملت اي
انا. كل خير مضيت اتفاقية تحرير فلسطين وخرجت اليهود برا وحررت العراق من الامريكان وصالحت جنوب السودان علي الشمال وحاجه زي الفل
شفيق. يخربيت عقلك بسالك علي المدرسه اي ده كله
انا. منتا واقفلي زي الي مستني واحد جاي من حرب يا شفشق متقلقش عليا
شفيق. ماشي يا عم يلا اطلع خد دش وغير يكون بابا وصل وانا هجهز الغدا
انا. ماشي
وطلعت غيرت هدومي ونزلت لقيت بابا وصل وقعدنا علي السفره نتغدي وهو مش بيتكلم
انا. ساكت ليه يا عزو
بابا. لا ابدا يا حبيبي انا كويس المهم انت عملت اي النهارده
انا.كان اليوم حلو ولسه بتعرف علي المدرسين وبيتعرفوا علينا وهنبدا دراسه من اول الاسبوع الجاي
بابا. كويس اهم حاجه مبسوط ولا فيه مشاكل
انا. مشاكل اي يا بابا الي هتبقي اول يوم
بابا. ماشي يابو لسان طويل كمل اكل
واتغديت وشربت الهوت شوكلت مع بابا في مكتبه ولعبنا بلايستيشن لحد الساعه ٩ بليل
بابا. يلا كفايه عليك كده ٦_٣ ليا اهو
انا. مبروك عليك بس مش كل مره هسيبك تكسبني
بابا. تسيبني بقا كده طب تعالا بقا
وقام شالني وبدا يزغزغ فيا وانا اضحك
انا. خلاص يا بابا هههههههههههه خلاص حرمت
بابا. ايوه كده يلا علي سريرك
انا. تصبح علي خير
بابا. وانت بخير يا حبيب بابا
تاني يوم في المدرسه
معتمد. صباح الخير
انا. صباح النور فين فتحي واحمد
معتمد. جايين ورايا بيشترو حاجات من ام محمد الي برا بس
انا. هنستلم الكتب النهارده
معتمد. المفروض بس متعرفش بقا
انا. ليه يعني
معتمد. ليه اي يابني انت في مدرسه حكومه يعني الكتب تكفي يا متكفيش وساعتها هيسلموا الفاضلين الاسبوع الجاي
انا. عادي يا عم بسيطه
معتمد. ازاي بقا افرض جيه حظنا احنا في الاسبوع الجاي نتاخر عن بقيت الناس في المذاكره
انا. عندك حق متقلقش اكيد هنستلم احنا الاول
معتمد. ياريت يا اخويا
فتحي واحمد. صباح الخير ياض من ليه
انا ومعتمد. صباح النور يا اخويا
انا. كنت بتجيب اي
احمد. بصراحه يا واد يا عمار مش بعرف ابدا اليوم الي بعد سندوتش الطعميه الي من ايد ام محمد
معتمد. من ايد ام محمد ولا وش بنت ام محمد
احمد. الاتنين بصراحه
كلنا. هههههههههههههههه
انا. يلا يا فاشل منك ليه الطابور بدا
ودخلنا الفصول وجيه ميعاد استلام الكتب وفعلا ناس استلمت وناس لا ووكان اخر اتنين في الفصل بتاعنا الي استلمو انا وفتحي ومعتمد وبقيت الفصل مستلموش علشان الكتب مش كفايه ورجعنا الفصل تاني ببص لمعتمد لقيته زعلان
انا. معتمد
معتمد. اي يا عمار
انا. خد الكتب اهي
معتمد. ازاي يا عم انا هستني الاسبوع الجاي
انا. اسمع الكلام وخد الزفت بقا
معتمد. بتتكلم جد
انا. لا خلاص بهزر وهطلع عيل ورجعت في كلامي اولع انت بقا
معتمد. لا خلاص يا غالي ههههه تسلملي يا صاحبي
انا. حبيبي
وكملنا اليوم عادي وبعد اسبوع من بداية الدراسه استلمت كتبي وبدات المذاكره علشان اعوض فات من الايام قبل كده وفي يوم خارج من المدرسه انا وصحابي وبدزر علي خالد مش شايفه وفجاءه حصل خناقه وكله بيضرب في كله انا ركنت علي جنب السور وواقف بتفرج ومعتمد واحمد وفتحي جنبي
فتحي. الخناقه سخنه ودي مدرستنا مع المدرسه التانيه
انا. واي يعني احنا مالنا
احمد. مالنا ازاي بيقولك مدرستنا يا عم حتي الواد منتصر الي في الفصل معانا اهو
معتمد. عمار عنده حق ملناش دعوه يولعو الاتنين
فضلنا واقفين والبنات واقفه بتتفرج جنبنا فواحده منهم اتكلمت وااي عرفته بعد كده ان اسمها سحر
سحر. انتوا هتفضلوا واقفين كده متعملوا حاجه
انا. هنعمل اي يعني وبعدين مش بتخانق مع حد من غير سبب
سحر. خلاص خليكم واقفين زيكم زينا كده جاتكم خيبه
معتمد. شكرا علي ذوق جدا بس بردو مش هندخل نفسنا
وبعد مالخناقه خلصت والعيال بعدوا عن بعض
انا. الا قوليلي يا....
سحر. سحر يا كتكوت
انا. ماشي قوليلي يا سحر الخناقه بسبب اي
سحر. شباب المدرسه بتاعتنا عاكسو بنات المدرسه التانيه
انا. يعني انتي ملكيش صله بالموضوع خالص
سحر. ايوه
انا.(بعصبيه) اومال بتسخني في الي خلفونا ليه يا بنت الكلب يا جزمه ورحمة امي لو ممشيتي من هنا لاكون خبطك خطافيه الوح رقبتك الجنب التاني امشي
لقيت فتحي واحمد مسكوني وبيهدو فيا
معتمد. مسكتوه ليه خليه يلوح بقها الي جاي في قفاها ده (بصوت اللمبي) يلعن ابو بوقك
كلنا ضحكنا وهيا مش عارفه تعمل اي ومستخبيه ورا البنات الي معاها وسبناها ومشينا بعد خالد مجيه
انا. الطريق كان مقفول صح
خالد. عرفت ازاي
انا. مهو كان في خناقه هنا والعيال موقفه العربيات والطريق
خالد.(بقلق) وانت كنت فين
انا. كنت بتفرج وقاعد علي حرف السور باكل شيبسي
خالد. هههههههه بس يعني مضربتش اتنين تلاته
انا. لو انت عايز كده اعتبر خمسه سته كمان مضروبين بكره
ناصر. بلاش يا عمار يا ابني دول عيال لبش ملكش دعوه بحد
خالد. متفلقش علي عمار ده يكسر عنيهم كلهم من غير ميتحرك من مكانه بعقله بس يا عم ناصر
عمار. مش للدرجادي بس انا بتمني فعلا ميبقاش فيه مشاكل
خالد. متبقاش الدنيا ماشيه تمام لو مقبلتش في حياتك مشاكل لازم علشان تتعلم تحلها والضربه الي متموتكش تقويك
عمار. سيبها للظروف
وصلت البيت طلعت غيرت هدومي واتغديت وقعدت مع بابا شويه وطلعت نمت وبعد فتره من الدراسه قربنا من امتحانات الميديتيرم وبدات اراجع مع معتمد وفتحي واحمد لحد مدخلنا الامتحانات وخلصنا وفي اجازة نص السنه روحنا جبنا الشهاده
فتحي. وحشني يا عمور مش متعود ١٠ايام مشكوفكش
انا. حبيبي يا واد يا توحه وانتو كمان وحشتوني
معتمد. اه و**** افتقدكم يا اولاد اومال فين احمد
فتحي. احمد عامل عملية اللوز مش هيقدر يجي
انا. بجد طب تعرف هو ساكن فين
فتحي. اه ده جاري بيته جنب بيتنا علي طول
انا. خلاص ندخل نستلم النتيجه وناخد بتاعته معانا بالمره نروح نطمن عليه
معتمد. صح عندك حق بس ليه معرفناش يعني
فتحي. هو كان يعرف حاجه دي تاني مره يعملها علشان جاله التهابات اصلا
انا. طب يلا بيندهوا الاسامي
واخدت شهادتي وبعدي احمد وبعده فتحي وبعده معتمد
معتمد. ها كام يا عمور
انا. ٢٩٧.٥
فتحي. اي يا الجمدان ده درجتين ونص علي النهايه
انا. هههههههه وانت يا معتمد
معتمد. ٢٩٤
فتحي. طب وسع انت وهو كده ٢٦٠
انا. واحمد ٢٨٠
فتحي. ابن الكلب انا الي مغششه يجيب اكتر مني
معتمد. بتغششه. غلط وهو بيعمل الصح هههههههههه
انا. خسرت الرهان يا صاحبي
معتمد. حقك يا كبير اطلب اي حاجه
انا. امممممممم هتنفذ يعني
معتمد. عيب عليك وقتي يا صاحبي ده اتفاق رجاله
انا. بعد مروح لاحمد هاجي اشرب الشاي عندك
فتحي. طب لي رايكم تتغدو عندي بعد منروح لاحمد ونشرب الشاي عند معتمد
معتمد. دانت تافه زي طلباتك بالظبط موافق ههههههههه
انا. بس تشد حيلك اخر السنه وتجيب اكتر مني
معتمد. عارفين انا كنت خايف من حاجه واحد في اول دخولي المدرسه
انا وفتحي. اي هيا
معتمد. اني اصاحب عيال فاشله ومتعرفش معني الصحوبيه
فتحي. ولقيت اي بقا
معتمد. لقيت ثلاث رجاله بجد واقفين جنب بعض من اول يوم
انا. تدوم يا غالي ديما جنب بعض لاخر يوم في عمرنا
فتحي. وعد
انا. الوعد واحمد موجود بقا
معتمد. تمام يلا بينا
روحنا لاحمد ودخلناله اطمن عليه وقعدنا نهزر شويه علي دخول والدته بالعصير
ام احمد. نورتنا يا ولاد كتر خيركم
انا.علي اي يا امي احمد اخونا وصاحبنا
فتحي. وبعدين احنا عملنا اي يا خالتي لا جايبين شوكلاته ولا حتي اتنين كيلو قشر موز او سوداني
معتمد. ليه جايين لقرد ياعم
ام احمد.،،،، يجازيكم دمكم زي العسل عنده حق احمد لما بيشكر فيكم ويحبكم الحب ده كله
احمد. طبعا يا امي دول اخواتي
ام احمد. قولي بقا يا عمار رقم بيتكم كام علشان اكلم والدتك اتعرف عليها
احمد وفتحي ومعتمد. احم احم
ام احمد.(بتبصلهم وفهمت نظراتهم) حقك عليا يا حبيبي
انا. لا العفو يا امي ولا يهمك،،،، يرحمها
ام احمد. امين يا حبيبي امين يا حبيبي المهم هتتغدوا سوا ياولاد
انا. معلش يا امي مش هقدر بابا مستنيني
معتمد. اومال فضحنا ليه طول الطريق
فتحي. هو قال هشرب شاي بس مجابش سيرة اكل
انا. قوله يا توحه اصل همه علي بطنه بس
وضحكنا كلنا وبعد شوبه استاذنت ورجعت عند المدرسه لقيت خالد مستني ركبت العربيه ورجعت الفيلا والغريب ان خالد طول السكه مش بيتكلم دخلت الفيلا لقيت واخد غريب واقف
انا. مين ده يا خالد
خالد. ده متخدش في بالك انت
انا. بابا ماله يا جماعه
اهلا ومرحبا بالناس الي زي العسل اجدع ناس في الكون كله اسف اتاخرت في نزول القصه بس مفيش حاجه في دماغي تكون لايقه بيكم او من مقامكم فاتمني اكون عند حسن ظنكم والقصه تعجبكم تنبيه بس انا بختصر في الاول وفي نفس الوقت بحاول اوصل الفكره يعني الاختصار في تسارع الاحداث بس بكتب المشهد بالتفصيل وشكرا
الجزء الثاني
الدكتور. متقلقش يا حبيبي بابا كويس متقلقش
طلعت جريت علي اوضة بابا لقيته نايم في السرير
انا. بابا مالك اي الي حصل
بابا. مفيش يا حبيبي شوية تعب بس
انا. ولما شوية الدكتور كان بيعمل اي
بابا. تعالا بس اقعد وانت يا شفيق جهزلنا الغدا شويه وهننزل نتغدا
شفيق. حاضر يا فندم هجهز لحضرتك اكل زي مالدكتور قال
انا. واكل مخصوص كمان ليه هو قالك اي يا بابا
بابا. فيرس سي
انا.(بدمعه في عيني) الكبد صح
بابا. ايوه بس في علاج يا حبيبي متقلقش
انا. بعد العلاج هتبقي كويس صح
بابا. صح يا حبيب بابا
بعد شويه نزلنا اتغدينا وفرحت بابا بالشهاده ولعبنا شويه وتاني يوم روحت معاه الشركه كالعاده بروح معاه في الاجازه وكان في اجتماع مجلس اداره
بابا. اي اخر التطورات في التصاميم يا حضرات
مهندس ١. تصميم عمارات الاسكان بتاعت الدوله خلصت امبارح وهنبتدي شغل من اول الشهر
بابا. تمام يا باش مهندس واعملوا حسابكم مفيش تاخير عن التسليم
مهندس ٢. متقلقش يا فندم التسليم هيبقي قبل الميعاد كمان
بابا. تمام بالنسبه بقا للكباري المناقصه اي اخبارها
مهندس ٣. احنا قدمنا الشروط يا فندم ومستنين قرار اللجنه الاداريه
بابا. مين الشركات الي قدمت معانا غير المقاولون والنصر
مهندس ٣. كالعاده احنا بس يا فندم مفيش شركه رابعه
بابا. تمام وزي كل سنه المناقصه دي بتاعتنا فنعمل حسابنا بردو علشان هيبقي الضغط علينا كبير
مهندس ١. المناقصه تيجي بس يا فندم واحنا قدها
بابا. واي الي يخلي المناقصه متجيش بقا يا باش مهندس
مهندس ١. ولا حاجه يا فندم انا بقدم المشيئه بس
بابا. يلا اتفضلوا الاجتماع انتهي
كلهم. عن اذنك يا فندم
بابا . ها اتعلمت اي من اجتماع النهارده
انا. درسين
بابا. اول درس
انا. مهما كان الحمل تقيل اقدر اقسمه بحيث اقدر اشيله كويس
بابا. وتاني درس
انا. مش كل الي شغالين معايا محل ثقه ولا اديهم سري
بابا.(باستغراب) قصدك اي يا عمار
انا. المهندس الي كان بيشكك في ان المناقصه لينا وراه سر او لعبه بيلعبها لحسابه
بابا. قصدك انه
انا. بنسبة ٦٠٪ بيشتغل لحساب نفسه وبيعمل مصلحه من وراك وبنسبة ٩٠٪ بيشتغل لحساب حد تاني وبيعمل مصلحه بس اكبر بكتير من الي هيعملها لوحده
بابا. عاش يا عمار نظرتك مش بتخيب يا حبيبي
انا. ولسه هنتعلم يا باش مهندس
بابا. صح يا حبيبي مهما عرفت ووصلت خلي ديما في بالك ان مش دي نهاية العلم او نهاية الشغل او اي حاجه
انا. اكيد يا بابا مفيش حاجه ليها نهايه الا بموت الانسان
بابا. عشره علي العشره يا حبيبي
انا. يلا بقا انا عازمك علي الغدا برا
بابا. بس بشرط
انا. عارف انت الي هتحاسب
بابا. هههههههه ايوه
وخرجنا من الشركه انا وبابا وروحنا مطعم خمس نجوم وقعدنا وجيه المتر اخد طلباتنا واتكلمنا شويه وبعد ماتغدينا
بابا. خد يا حبيبي وقولي اي رايك
انا. لا ده بجد صح
بابا. اه طبعا يا حبيبي الف مبروك علي الشهاده
انا. حلوه اوي يا بابا بس غاليه جدا
بابا. مفيش حاجه تغلي عليك
وكانت ساعه روليكس مكتوب جواها اسمي بالانجليزي ولبستها وبعد مخلصنا خرجنا اتفسحنا شويه ورجعنا علي البيت لعبنا بلايستيشن كالعاده غلبت بابا وطلعت نمت والايام ماشيه وعدت شهور وسنين وكنت ديما اطلع الاول علي المدرسه ومعتمد التاني وفتحي واحمد بيجيبوا درجات كويسه بردو لحد مكنا في ثالثه ثانوي ووخلاص قربنا علي الامتحنات
انا. معتمد
معتمد. اي يا عم سيبني اذاكر
انا.فتحي واحمد فين مجوش لحد دلوقتي
معتمد. عندهم مشوار هيخلصوه
انا. عايز اعرف العيال دي بتختفي فيت حتي ليلة الامتحان
معتمد. الا قولي يا عمور احنا بقالنا كام سنه مع بعض
انا. اهو ٦ سنين اي اعجبت بيا ولا اي يا سي معتمد لا انا مش بتعت الكلام ده انت تطلبني من بابا والاهتمام مش بينطلب
معتمد. بس بس تمثيلك اوفر جدا ممثل فاشل
انا. هههههههه طب قول ليه السوال
معتمد. اصل عمري مدخلت بيتكم يعني
انا.وهو انتوا طلبتوا وانا رفضت
معتمد. طب مين الي بيجي ياخدك بالعربيه كل يوم من عند المدرسه او بيجيلك هنا وعارف عنواين بيوتنا كلنا ده
انا. طب اعمل اتنين شاي وتعالا
معتمد.(بعد شويه) اتفضل يا كبير
انا. تسلم ايديك اقعد بقي وركز معايا علشان دماغك يمكن تلف مني
معتمد. حاضر قصة عنتره هيا اتفضل ارغي
وحكيتله كل حاجه عني بالتفصيل الممل
انا. معتمد مالك ياض
معتمد. هاه لا ابدا مستغربك بس
انا. عارف وفاهم ازاي عندي كل ده وفي مدرسه حكومه صح
معتمد. غير كده الي زيك كده عنده عربيه احدث موديل وبيصرف من غير حساب انما انت عامل حساب لكل حاجه ومش بتعمل حاجه غلط
انا. علشان بابا واثق فيا لابعد الحدود وانا متعودتش اكسر ثقة حد فيا
معتمد. انا شرف ليا اني عندي صاحب زيك يا عمار
انا. بالعكس يا اسطي دانا الي اتشرف بصاحب زيك برغم الظروف الي انت محطوط فيها دي بتنافسني علي المركز الاول ديما
معتمد. تسلم يا حبيبي
فتحي. اهلا بالناس المجتهده
انا. كنت فين يا زفت مش قليلكم نتجمع نذاكر
احمد. علي الهادي يا عمور اهو جينا خلاص اهو
معتمد. ابقي تعالا طرطر علي قبري لو نفعت
فتحي. يا عم بعد الشر دانا هرمي مية نار مش هطرطر بس
انا. طب اقعد يا فالح جنبي هنا علشان اراجع معاك وانت ياحمد مع عمك معتمد
احمد. عمي وعم عيالي كمان انا اطول
معتمد. اه اذا كان ليك عند الكلب حاجه قوله يا سيدي صح
فتحي. هنبدا منين يا سيدي
انا. هنبدا من اول المكرر...... قصدك اي يا علق انت
فتحي. هههههههه معلش يا اسطي مقدرتش اعديها كده
احمد. ميبقاش فتحي لو معملش من اي حاجه افيه وقلش علينا
معتمد. ركز معايا هنا يالا
احمد. حاضر يا سيد الناس
وبعد ساعتين خلصنا مراجعه ولمينا المكرر
فتحي. علي الطلاق لو دكتور في الحامعه بيشرحلي مهفهم كده تسلم دماغك يا عموري
انا. يعني انفع معيد في جامعه
احمد. تنفع بس دانت تقعدهم في البيت يا ابو الصحاب ومعتمد كمان دماغه سم بيوصل المعلومه للنخاع مش العقل بس
معتمد. حبيبي يا ابو احميد اي خدمه يا غالي
فتحي.،،،،،، يخلينا لبعض يا رجاله
كلنا. امين يا،،،،،
انا. يلا هطير انا متتاخروش بكرا المراجعه بكرا عندي
احمد. ياه اخيرا هتغدينا عندك
انا.منا بقالي ٦ سنين قولت واحد هيبقي بجح ويطلب مني انما طلعتم محترمين
فتحي. منتا بيتك بعيد عن المدرسه واحنا اقرب وكلها واحد يا عمور في بيتها يا صاحبي
انا. طبعا بيتكم بيتي يا توحه،،،، يديم المحبه والاخوه يلا اطير انا سلااام
كلهم. سلااام
ورجعت البيت وقعدت مع بابا اتغدينا
انا. بابا بعد اذنك في جماعه صحابي هيتغدو معايا بكره
بابا. طبعا يا حبيبي موافق اخيرا هشوفلك صحاب
انا. عادي يا بابا مكنتش لاقي الناس المناسبه بس علشان اصاحبها
بابا. بالنسبه لاي يا حبيبي
انا. ابدا يا بابا من نحية الشباب والموضه السجاير بقت موضه والمخدرات بقت منظره وبيفتخروا انهم بيشربوها كلامهم مع البنات موضه سوري يا بابا يعني دول مش هيصحبوا واحد زي الا لسببين وحضرتك عارفهم
بابا.،،،،، يكلمك بعقلك يا حبيبي طب ماكيد صحابك دول مصاحبينك علشان سبب من السببين بردو
انا. هما ميعرفوش عني حاجه اصلا يا بابا
بابا. ازاي مش العربيه بتاخدك من قدام المدرسه
انا. لا انا بخلي خالد يستني علي اول الشارع وهو بيجي علي رجليه ياخدني
بابا. فهمت يعني انت مرتب كل حاجه من اول مدخلت المدرسه
انا. دي حقيقه وعملتلهم اختبارات وعملولي اختبارات كمان هههههههههه
بابا. ماشي يا حبيبي يشرفو في اي وقت وابقي روح هاتهم بالعربيه الطريق طويل عليهم
انا. حاضر يا بابا
وعدي اليوم عادي وتاني يوم صحيت اخدت شاور ولبست واخدت العربيه ومعايا خالد بس وعديت علي معتمد وفتحي واحمد وروحنا علي الفيلا
فتحي. بتاع مين القصر ده يا عمور
انا. بتاع الجيران هنتغدي عندهم وبعدين نشرب الشاي في بيتنا
احمد. يا عم متهزرش انت عايش هنا يا عمار
انا. ايوه يا ابني اي مالك تعالوا اتفضلوا بس ونتكلم جوا
معتمد. متدخلوا ياابني انتو متنحين ليه
وبعد مدخلنا وقعدنا جوا وفتحي واحمد مزهولين بالفيلا وفي دماغهم مليون سوال
انا. منورين بيت اخوكم يا رجاله
احمد. انت باباك شغال اي
انا. في المقاولات
فتحي. اما انا حمار بشكل ده هو بجد
احمد. هو مين ياض انا خايف اصلا متخوفنيش بذياده
معتمد. هههههه يا ابني اهدا ده بيت عمار ووالده يبقي الباش مهندس عز ابو طاحون صاحب شركات طاحون للمقاولات فهمتوا
فتحي. انا كنت فاكر تشابه اسماء فمشغلتش بالي بس صورتكم المتعلقه دي اثبتتلي اني صح
انا. ها خلصتوا اندهاش يلا الطفح جاهز وبابا وصل
كلهم. هيتغدي معانا كمان
انا. ايوه طبعا مبيعرفش ياكل من غيري
وروحنا علي السفره
انا. بقولكم اي كل واحد ياخد راحته انتو في بيت اخوكم وزي معتبرت بيتكم بيتي انتو كمان تعتبرو البيت بيتكم مش محتاج اعزم علي حد واقوله كل واشرب واتنيل مفهوم
فتحي. يا عم انا مكسوف من ابوك
احمد. ولا ولا هيا الشوكه في اليمين ولا الشمال
فتحي. انت كافر يلا كل بالمعلقه بس وبايديك اليمين
انا ومعتمد. ههههههههههههههههههه
بابا. ضحكوني معاكم يا ولاد
انا. اتاخرت يا باش مهندس
بابا. اسف يا فندم شوف الجزا المناسب وطبقه عليا
انا. مفيش بلايستيشن النهارده
بابا. لااا انت بتلكك بقا علشان تلغب انت وصاحبك بس
انا. بصراحه اه
احمد. هو فيه بلايستشن كمان
انا. للصبح يا اخويا
فتحي.صبح اي يا غالي لا موخذه
انا. اه منا نسيت اقولكم انتو هتباتوا معايا علشان نراجع علي المنهج
كلهم. واهلينا يابني
انا. قولتلهم وانا خارج من عندكم
معتمد. مفيش حاجه بتفوتك
بابا. صحيح يا شباب ناووين علي اي
كلنا ما عدا معتمد. هندسه معماري
بابا. وانت يا معتمد
معتمد. لسه مقررتش يا عمي بس في دماغي هندسه بس حربيه
بابا. مهندس حربي جميل جدا مهندس وضابط جيش
انا. يعني هتسيبني مع الاتنين دول لوحدي
فتحي. ليه هو احنا زومبي ولا حاجه
احمد. سيبه يشوف مستقبله يا عمار هينجح في الحاجه الي بيحبها
معتمد. علي اساس اتقبلت انا يعني ده مشوار طويل ويا صابت يا خابت
بابا. قصدك علي الواسطه يا معتمد
معتمد. ايوه يا عمي بس انا سايبها علي،،،،،
بابا. كله علي،،،، متشغلش بالك انت بدي اعتبر نفسك قبلت خلاص
معتمد. بجد متشكر جدا يا عمي جميل عمري مهنساه
بابا. جميل اي يا ولد انتو كلكم عندي زي عمار بالظبط
كلهم.،،،، يخليك لينا
وخلصنا اكل وقومنا لعبنا بلايستيشن شويه وبعدها قعدنا لحد الصبح نذاكر وبابا يطمن علينا كل شويه ويجبلنا سندوتشات وعصير وشاي وطلعت الصبح بعد مخلصنا وصلت الشباب ورجعت نمت لحد تاني يوم
بابا. عمار عمور اصحي يا حبيبي
انا. حاضر يا بابا الساعه كام
بابا. الساعه ٢.30 يلا علشان تتغدي معايا
انا. حالا اخد دش وانزل لحضرتك
قومت اخدت الدش ونزلت لقيت بابا علي السفره مستني
انا. مش عوايدك تيجي قبل ٤ يعني
بابا. قولت بما انك في البيت اجي بدري نتغدي ونقعد شويه
انا. يسلام بس كده انا اتشرف يا باش مهندس
وبعد الغدا روحنا مكتب بابا ودخل فتح الخزنه وطلع دوسيه ورق
بابا. امسك يا عمار اقرا ده كده
انا. ( بحزن) اي ده يا بابا دي وصيه
بابا. انا كتبتلك كل حاجه باسمك وهتلاقي عندك كشف بالاراضي والعقارات والحسابات الي في البنوك والفلوس الي لينا في السوق كل حاجه
انا. ايوه لازمتها اي يعني عايز افهم واشمعني دلوقتي
بابا. علشان بقيت كبير كفايه انك تعرف كل حاجه عندك وده حقك
انا. ده مش سبب يا بابا قولي صارحني فيه اي
بابا. طب اقعد واهدي كده وهفهمك
اخدت بالي ان قومت واتعصبت وصوتي بقا عالي
انا. انا انا اسف يا بابا مش قصدي حقك عليا
بابا. حصل خير يا عم وبعدين اثبتلي اني عندي حق اهو
انا. ازاي بقا
بابا. صوتك اخشن وبقيت تتعصب وتتنرفز اهو بقيت راجل
انا. لا مش راجل لما صوتي يعلي عليك او في يوم اتعصب وبعدين متوهش وفهمني بقا
بابا. حاضر بص يا سيدي النهارده بكره بعد سنه او ١٠٠ سنه انا ميت
انا. بعد الشر علي حضرتك
بابا. الموت مش شر الموت حق وكلنا هنقابله في الاخر فعلشان كده انا قعدت معاك وبعرفك الكلام ده
انا. مقتنعتش بردو
بابا. لا اقتنع ويلا خد الورق ده معاك واطلع شيله عندك
انا. حاضر
بابا. ومتسهرش قدام المذاكره كتير
انا. حاضر
بابا. و....
انا. حاضر
بابا. هو انا قولت حاجه اصلا
انا. هههههههه حاضر
بابا. ههههههههه ماشي
وعدت الايام وامتحنا وبعد الامتحانات باسبوع
معتمد. انا خايف
الجزء الثالث
انا. خايف من اي ومتقوليش من المجموع
معتمد. لا من ابوك
احمد. هههههههه حلوه
فتحي. مش نكته يابن الظريف بيتكلم بجد
انا. قصدك انه ينساك في حوار الكليه الحربيه
معتمد. ايوه
انا. لا متقلقش هو وعدك هينفذ مفيش كلام
معتمد. يا مسهل
انا. بقولكم اي متيجي بعد الامتحانات نطلع اسبوع نصيف
معتمد. لا سامحني مقدرش
احمد. وانا كمان يا عمور
انا. وحضرتك بتفكر في اي يعني
فتحي. ارفض ولا ارفض
انا. ما الاتنين واحد علي العموم انا عازمكم في شاليه بتاعنا هناك
معتمد. ايوه تمام ومصارفنا احنا لا يا عمار مش هينفع
انا. وهو فيه فرق بينا ولا اي
فتحي. مش قصده يعني يا عمار بس بردو كل واحد مدبر نفسه وومشيها علي قده
انا. طب وحيات عمار عندكم محد يحط الفرق ده تاني علشان عيب عليكم وخلصانه انا ناويت وجبرت معايا طالعين معايا يعني طالعين
احمد. يا عم مش قطم رقبه اسمع بس
انا. يلا انا ماشي النهارده الخميس السبت الصبح اعدي عليكم سلام
بعد ممشيت وسبتهم
احمد. اي يا جدعان هتسبوه يعمل الي في دماغه
معتمد. انت عارفه خلاص قفلت معاه وبصراحه لو رفضنا هيتاكد فعلا اننا بنعمل فرق وساعتها ممكن يزعل اووي
فتحي. خلاص يجماعه نشد الرحيل يوم السبت وكل واحد يشوف معاه كام
معتمد. انا معايا ٢٠٠
احمد. وانا ٢٣٠
فتحي. انا ٢٠٠ بردو طب عنب اووي ومش لازم نفتحها علي البحري يعني
كلهم. امين علي البركه
وعدي الخميس والجمعه ويوم السبت الصبح عديت علي الشباب بعربيتي واخدتهم ومشينا واخدنا حوالي ٨ ساعات في الطريق ووصلنا الشاليه عباره عن فيلا دورين
انا. حمد،،،، علي السلامه يا رجاله بصوا بقا الشاليه دورين الدور ده مطبخ وحمامين والرسيبشن واوضتين زي مانتو شايفين فوق بقا في اربع اوض كل اوضه بحمام خاص الي يرتاح في مكان ينام فيه
طلعنا الدور التاني
معتمد. انا هاخد دي
احمد. وانا الي الاخيره
انا. تمام وانا دي الي في نص وانت يا توحه دي
فتحي. مكلش دعوه بيا انا في هنام في حمام السباحه الي برا ده عادي او علي النجيله
كلنا ضحكنا علي فتحي وكل واحد دخل اوضته غيرنا هدومنا ونزلنا علي البسين
معتمد. يعني الشاليه نضيف كانكم قاعدين فيه علي طول
انا. مهو كل اسبوع في ناس مسئوله علي الشاليهات بتيجي تنضفها وتروقها
فتحي. هما تبعكم يعني
انا. ايوه القريه كلها بتاعتنا
احمد. طب كنا نروح الفندق احسن
انا. بجد انا قولت اجيبكم هنا علشان تاخدو راحتكم اكتر لو عايزين نروح حالا
معتمد. لا ده كده غظمه لا ناس ولا دوشه هنا في راحه نفسيه
فتحي. متسيبك من الحربيه وتبقي شاعر
انا. ها كل واحد بقا يقول هيتغدي اي
احمد. ده الي هو ازاي يعني لا موخذه
انا. افهمك تاني زي ما فيه ناس بتنضف وتروق في ناس بتطبخ وتجيب الاكل زي الدليفري وده بردو من ضمن الخدمات هنا الي بنقدمها للناس
فتحي. علي الطلاق انتوا مدلعين الناس هنا
انا. اصل كل الناس هنا رجال اعمال كبيره يومين ثلاثه بالكتير اسبوع فهما جايين يصيفوا مش يدورا علي طبخ واكل وشغل مطاعم فاحنا وفرنالهم كل ده بمقابل يعني مفيش حاجه ببلاش بس بالنسبه لينا احنا ببلاش
معتمد. طب تمام انا الي هتطلبه لنفسك يا عمار
احمد. انا اي حاجه المهم سمك بلاش لحمه خالص
فتحي. زي احمد بردو سمك
انا. خلاص نطلب كلنا سمك وجمبري تمام
كلهم. تمام
وطلبت الاكل فعلا وانا الي خرجت للواد بتاع الدليفري وحاسبته ايوه كدبت عليهم اي نعم القريه بتاعتنا بس مفيش الخدمات دي كلها يعني غير في الفندق بس المهم دخلت بالاكل وهما كانو بيعوموا في البسين
انا. يلا ياض انت وهو علشان الاكل ده لازم بتاكل سخن
معتمد. بعد كده لما تحب تحور بلاش معايا انا
انا. قصدك اي يعني
معتمد. مفيش مكان لي الدنيا بيعمل الي انت قولته ده بس تسلم وتعيش يا صاحبي ومردوده عن قريب
احمد. هيا اي الي مردوده
معتمد. لا ابدا بقول لعمار اني هجيب مجموع اكتر منه السنادي
فتحي. طب سيبكم بقا من شغل الدحيحه ده المايه جوعتني
انا.(بعد الاكل) مين يشرب شاي ومين قهوه ومين حاجه ساقعه
فتحي. شاي
احمد. شاي
معتمد. بيبسي
انا. تمام وانا قهوه
معتمد. طب استني هقوم انا اعمل
انا. ماشي ويلا اجهزو علشان نخرج نتمشي شويه
وخرجنا ركبنا العربيه ونزلنا المدينه بصراحه حاجه تحفه فضلنا نلف بللعربيه وبعد شويه ركنا علي شاطي البحر ونزلنا نتمشي علي الشاطي وكان فيه ناس كتير قاعده
انا. تصدقوا كنت فاكر اننا مش هنلاقي حد بيصيف خالص
معتمد. انا قولت زيك بردو
فتحي. ليه يا فقر انت وهو الدنيا حلوه اهي ومزز رايحه جايه
احمد. بص ياض الكافتريات الي علي الطريق دي
فتحي. احيه دي البنات بترقص علي الترابيزات عادي كده
انا. مهو ده الي بيجيب الزباين يا ابني
معتمد. ازاي يعني دول مش زباين
انا. لا دول شغالين تبع الكافتريات بس بيدخلوا كانهم زباين وبعد كده زي مانت شايف
احمد وفتحي. يا ولاد الكلب
انا. لو عايزيين يلا بينا نروح نقعد
معتمد. يا عم ده مس بعيد يقولك الشاي بعشرين جنيه
انا. عازمكم يلا بينا قوم ياض لسه هتبص
وروحنا قعدنا علي الكافيه بس قاعدنا جوه وكل واحد طلب مشروب وبنتكلم مع بعض علي صوت واحده جاي من ورايا
بنت . لو سمحت
انا. ايوه
بنت. ممكن ولاعه
انا. اسف مش بدخن
بنت. طب مش محتاجين حد يقعد معاكم
بعد مكنت بكلمها وانا مديها ظهري اتعدلت وبصتلها
انا. لا ميرسي مش محتاجين
بنت. يعم بص كويس يمكن اعحبك
فتحي. مقالك لا هيا اغنيه
معتمد. علي الهادي ية فتحي متشكرين يا ستي مش محتاجين
بنت. براحتكم
انا. لو سمحتي
بنت. نعم
انا. اتفضلي ( بديها 100 جنيه)
بنت. وده من اي مش قولت مش عايز
انا. منا فعلا مش عايز تقدري تتفضلي دلوقتي
بنت. لا يا عم انا مبخدش فلوس من حد من غير مقابل
انا. اعتبريني اخدت المقابل ويلا بدل مارجع في كلامي
وخدت الفلوس ومشيت
فتحي. ليه
انا. عادي اعتبرها حسنه او حد محتاج مساعده
معتمد. بس مش كتير كده يا عمار
انا. يا عم سيبها علي الي خلقك
اخدنا قعدتنا وهزار وضحك وقومنا خرجنا ركبنا العربيه ومشينا علي طول شط الساحل شويه وبعدين رجعنا الشاليه
فتحي. تصدقو احنا لو عاملين حسابنا علي الفسح دي مكانتش هتبقي حلوه كده
انا. عندك حق لازم كل فتره تعمل حاجه مش في حساباتك هتلاقيها احسن بكتير من الي انت عامله حساب
معتمد. لا يا عمار لازم تعمل حساب لكل حاجه وتفكر ديما في بكره
احمد. هو انو ضامن تعيش كمان ساعه ذياده خلينا في دلوقتي
عمار. صح يا ابو احميد كل واحد بيعمل حساب لبكره كانه هيحارب الكون لوحده مع ان في ناس كتير ممكن تحارب معاه
معتمد. لاول مره مفهمكش
انا. مش وقته
فتحي. انت كلامك غريب النهارده ومش شبه بعضه
احمد. فعلا من ساعت مقابلت البنت دي وانت دماغك مش فيك
معتمد. اوعي تكون......
انا. لا مش للدرجادي يا معتمد متكملش بس بفكر في حالها لو البنت دي معاها الي يقف جنبها ويسندها مش هتعمل كده ولا تبيع نفسها
فتحي. يمكن بس الزمن ده مفيش حاجه مضمونه في كتير مش محتاجين بس الحوار ده عندهم هوايه او تسليه
احمد. تاني مره تقول حاجه صح
انا. طب افرضوا انا ابويا بعد الشر مش موجود ولا كان يبقي عندي كل ده كان اي هيحصلي
معتمد. اقل حاجه مثلا مكنتش هتتعلم ولا تلاقي مكان تعيش فيه وهتشحت
انا. صح
فتحي. بردو مش فاهمك انا كمان
انا. طبعا هندخل الجامعه صح
كلهم.
معتمد.ما عدا انا انت عارف
انا. عارف طب حد فكر هنعمل اي في حياتنا بعد كده
احمد. انت مش لسه قايل منفكرش في بكره
انا. مهو لما شوفت البنت النهارده غيرت فكري ١٨٠ درجه
معتمد. يعني بتلف وتدور عايز توصل لايه
انا. عايز نعمل لنفسنا كيان حياه محدش يقدر يدخلها ولا يتجرا يقرب منها
احمد. ايوه ليه ده كل
انا. اقولك ليه بكره او بعده انا همسك شغل ابويا ومن الي شوفته ان الحياه العمليه غير الي احنا عايشينه دلوقتي الحياه فيها حرب مكسب وخساره وممكن توصل للموت كمان
فتحي. بمعني اصح عايزنا معاك وفي ظهرك
انا. صح جدا نكبر ونكبر شغلنا عايز اسمنا يبقي رقم واحد في العالم
احمد. لسه بدري اووي علي الي بتقوله ده
انا. لا مش يدري احنا هنقضي اول سنه في الجامعه عادي نتعرف علي ناس ونعيش السنه دي بالطول والعرض والسنه التانيه علي خير هنكون اخدنا فكره عن هندسه
فتحي. تمام وبعدين
انا. وبعدين هنتدرب في الشركه عندنا لحد منتخرج فهمتوني
احمد. وبكده تكون فهمت وشربت اصول الشغل وتبدا من اول متتخرج
فتحي. دماغ مش بتعطل
انا. خلاص موافقين
فتحي واحمد. طبعا موافقين
معتمد. طب وانا
انت. هتدخل حربيه وبعد السنه الثالثه في الكليه بيوزعوكم علي تخصصات هخلي بابا يدخل بعلاقاته بحيث انك تدخل تخصص هندسه وتبقي مهندس حربي
معتمد. وطبعا ده هيساعدنا بردو بحيث ان الجيش بيحتاج شركات مدنيه تساعد معاه
انا. عشره علي العشره خلونا بقا في الاجازه والفسح
كلهم. تمام
وعدي الاسبوع ورجعنا ووصلت الشباب كل واحد لبيته واخر واحد كان معتمد ووالدته مسكت فيا اني لازم ادخل
انا. يابني انا لازم امشي مشوفتش بابا بقالي اسبوع
معتمد. علي اساس انه كان سايبك يعني ده كل ساعه بيكلمك ،،،،، يخليهولك
انا. ويخليك الحاج والحاجه
والدة معتمد. يلا يولاد الغدا جاهز
انا. اكل لا مش هقدر يا امي سامحيني
والدة معتمد. شوف لو عملت اي كده انت مش هتخرج من باب البيت الا لما تتغدي معانا
معتمد. خلصت مش هتحلك النهارده لو هتقعدنا كلنا من غير اكل هتعملها لحد متقعد حضرتك تطفح
والدة معتمد. طفحت الدم يا بعيد بعد الشر عنه يلا يا عمار يحبيبي
انا. حاضر يا امي مقدرش ارفضلك طلب يا ست الكل
واول مقعدنا لاحظت حد قعد معانا انا معرفوش بنت زي القمر لا قمر اي دي بجمالها تخفي القمر والشمس كمان بياض بشعر اصفر باين من تحت الطرحه بعيون زرقا اوووي
انا. هو في ضيوف عندكم ولا اي
معتمد. هههههههه ضيوف لاويا سيدي دي عليا بنت عمي
انا. ايوه وبعدين
معتمد. يا عم متقرفناش بقا عارف انك بتتنيل تنكسف
والدة معتمد. فيه حاجه يا عمار يلا كلوا وبطلوا كلام
انا. لا سلامتك يا امي حاضر قولتلك متتكلمش علي الاكل
معتمد. انا طب كل بدل مخبطك بللطبق في وشك
وخلصنا اكل وقومت غسلت ايدي ورجعت قعدت انا ومعتمد علي دخول عليا بنت عمه
عليا. سمعت انك شاطر وذكي يا عمار
انا. يعني بيقولوا
عليا. وشكلك زوق ومحترم جدا
انا. ميرسي معتمد انا همشي
معتمد. استني يبني بعمل الشاي
انا. لا معلش بابا زمانه رجع وهو عارف اني جاي النهارده
معتمد. طب متنساش بكره نروح نجيب النتيجه
انا. تمام هعدي عليك يلا سلام
عليا. خلينا نشوفك تاني
انا. اه سبيها بظروفها
معتمد. سلام يا صحبي نورتني
ونزلت ركبت عربيتي ورجعت البيت لقيت بابا مستنيني
انا. بجد سوري مش عارف اقول لحضرنك اي بس ام معتمد.....
بابا. مسكت فيك تاكل ومقدرتش تقول لا
انا. طب محضرتك عارف اهو زعلان ليه
بابا. وحشتني وبقالك اسبوع غايب
انا. وانت كمان يا حبيبي وحشني اوي اوي
بابا. طب يلا علشان اقطعك
دخلنا نلعب بلايستيشن
انا. اي ده
بابا. اي بلايستيشن فور
انا. انت احلي واجمل اب في الدنيا
بابا. وانت اذكي واحلي واشطر ابن في الكون كله
انا. يبقي حضرتك جبت الشهاده بتاعتي
بابا. ايوه يا عم الاول علي المحافظه
انا. انا اول محافظه بجد
بابا. مبروك يا حبيبي
انا. يبارك فيك يا حبيبي
بابا. يلا نحتفل بقا ونجرب هديتك
انا. يلا بينا
ودخل علينا شفيق وخالد وعم ناصر
كلهم. الف مبروك يا عمور عقبال شهادة الهندسه
انا.يبارك فيكم جميعا
وبعد التهاني ولعب مع بابا طلعت انام لقيت رقم باعتلي رساله بيقولي ازيك يا عمار انا لما سمعت عنك اعجبت بيك لكن لما شوفتك حبيتك عليا
انا. عليا اي الهبل ده دي مجنونه
رميت الفون ودخلت اخدت دش ولبست هدوم النوم ودخلت انا الفون رن وكان رقم عليا
انا.الو
عليا. وصلت
انا. انتي ازاي تسمحي لنفسك تقولي كلام زي ده ولا تبعتيلي حاجه اصلا
عليا.(بخضه من صوتي) علشان بحبك
انا. اسمعي يا بنت الناس اولا مفيش حاجه اسمها بحبك من مجرد سمعتي عني من معتمد او من اي حد ثانيا مينفعش اصلا علشان ابن عمك يكون صاحبي واخويا ثالثا تمسحي رقمي من عندك سلام
وقفلت في وشها وقفلت الفون خالص ونمت صحيت تاني يوم عديت علي معتمد وضربتله كلاكس من تحت طلعلي من البلكونه
معتمد. اطلع يا عمار
انا. انا مستني هنا خلص بس علشان احمد وفتحي
معتمد. طب اطلع بس عايزك
انا. حاضر دانت رخم
طلعت رنيت الجرس وعليا الي فاتحتلي وقالتلي اتفضل بصيت في الارض ودخلت علي اوضة معتمد علي طول
انا. اي يا ابني
معتمد. اقعد يا عم علي بال مخلص
انا. اقعد اي هو انت بتعيد تشكيل الدستور انت بتلبس
معتمد. هههههههه طب يلا
انا. اومال لازمتها اي اطلع عايزك
معتمد. رزاله بقا
ونزلنا عديت علي احمد وفتحي وروحنا سحبنا الملفات بتاعتنا من المدرسه
احمد. يابن اللعيبه الاول علي المحافظه
انا. اومال يا ابني هو انا اي حد ولا اي
فتحي. والباشا التاني مكرر
معتمد. مبحبش اتكلم عن نفسي كتير
كلنا ضحكنا علي معتمد
انا. انا عازمكم علي الغدا عندي علي فكره ولا نص كلمه دي اوامر الباش مهندس
ورجعنا علي بيتي
بابا. اهلا اهلا بالناس الناجحين الي مشرفنا
فتحي. حضرتك يا عمي الوحيد الي بترفع معناويتنا في السما
احمد. اه،،،، انا كنت محبط بعد مقابلة حضرتك الي تفرح دي استبشرت خير
بابا. طب تعالوا بصوا بقا انتوا الاربعه عندي واحد زيكم زي عمار بالظبط
كلهم. ده شرف لينا طبعا
بابا. بالعكس الشرف ليا انا اكتر ان يكون ولادي بالنجاح ده ولسه الي جاي هيبقي مشرف اكتر
انا. انشاء،،،،،
بابا. احمد دي هدية نجاحك ودي هديتك يا فتحي ودي هديتك يا معتمد
وكانت هدية احمد لاب توب ابل ومعاه بدله كامله
وكانت هدية فتحي نفس هدية احمد
وهدية معتمد لاب توب ابل بردو بس مكانش معاه بدله ده كان معاه كتافات ضابط بنجمه
بابا. ومع كل ترقيه يا معتمد انا الي هجبلك الكتافات بنفسي ده بعد اذن الحاج والدك طبعا
معتمد.(بدموع) بجد متشكر جدا يا عمي
بابا. مفيش شكر يا حبيبي يلا شد حيلك واتخرج بسرعه
طبعا محدش يقدر يرفض علشان هما متاكدين ان بابا بيحبهم ومعتبرهم ولاده زي منا معتبرهم اخواتي وبعد متغدينا خرجنا نتفسح بالعربيه شويه ودخلنا كافيه
انا. التنسيق هيظهر الاسبوع الجاي
معتمد. مش هيفرق كتير معايا
فتحي. ازاي لازم يفرق يا معلم مهو التخصيص في الحربيه بيعتمد علي مجموعك في الثانوي بردو
انا. بالظبط لازم تكون جايب مجموع قريب من التنسيق
احمد. ولا انت وهو بص هناك في اربع بنات لوز قاعدين بيبصوا علينا
انا. عمر دماغك مهتتغير
احمد. وتتغير ليه يا عموري ما الدنيا ذبادي في الخلاط اهي
فتحي. تصدق عندك حق دي ذبادي باللبن والقشطه
معتمد. ههههههه اي يا عمار وشك احمر كده ليه ده مجرد كلام
انا. هو مين الي وشه احمر ده ياض متظبط كده
كلهم. ههههههههههههه
فتحي. لا بجد البنت ام شعر كركاتين دي بتبصلك اوي
انا. كركاتين هههههههه ابو ام لسانك ده
احمد. ماهي فعلا اسامي غريبه هههههههه
معتمد. طب يلا بينا انا
كلنا. يلا
وقومنا نمشي لاقبت البنت جاي علينا
بنت. مساء الخير
انا. مساء النور
بنت. انا بشبه عليك بصراحه ومكسوفه احي اكلمك
انا. بتشبهي
بنت. ايوه انا حاسه اني شوفتك قبل كده بس صغيرين اسمك عمار ابو طاحون صح
انا.(باستغراب) ايوه بس انا معرفكيش ولا شوفتك قبل كده
بنت. انا اسمي فرح كنت معاك في المدرسه قبل متمشي
انا. اه افتكرت فرح الشاذلي ازيك يا فرح
فرح. طب هنفضل واقفين كده تعالا نقعد
فتحي.( قبل ما اتكلم) ميصحش ترفض يا عمار انا فتحي صاحب عمار وده احمد وده معتمد اتفضلي
فرح. اهلا وسهلا اتشرفت بيكم تعالوا اعرفكم باصحابي (ومشيت قدامنا)
انا. انت يا زفت الي انت عملتوا ده
احمد. امشي وانت ساكت بس امشي انت هتنح
فرح. يا بنات ده عمار ابو طاحون كان معانا في المدرسه بس نقل بعد مخلصنا ابتدائي دي سلمي
سلمي. اذيك يا عمار
انا. اهلا وسهلا
فرح. دي علا
علا.(بتناكه) اهلا
انا.( بتناكه اكتر) اهلا بيكي
فرح. ودي بقا شذي
انا. شذي بجد اتغيريتي خالص
شذي. قولت مش هتعرفني يا ندل نسيت السندوتشات والاقلام الي كنت بتاخدها مني
انا. منا كمان كنت بعملك الهوم ورك يعني كله بتمنه هههههه
شذي. ماشي يابو دم خفيف
وقعدنا مع بعض كلنا ووقضيناها هزار ونفتكر الذكريات واحمد مركز مع علا ومعتمد مع فرح وفتحي سلمي وانا بتكلم مع شذي
انا. هههههههه متتخيلوش انا فرحت لما قابلتكم
شذي. بس ياريت متبقاش اخر مره
احمد.( بيبص لعلا) اكيد هنتقابل تاني
فتحي. .( بيبص لسلمي) ده اكيد طبعا
فرح. وانت يا معتمد مش هتقول حاجه
معتمد. هاه اه فرصه سعيده يا انسه فرح
انا. ماشي يلا سلام يا بنات
وشذي اخدت فوني سجلتلي رقمها وفرح سجلت رقمها لمعتمد وعلا وسلمي بردو
في احد الاحياء الراقيه فيلا عز ابو طاحون.
بابا. عمار يا عمار
انا. حاضر يا بابا نازل حالا
شفيق شغال عندنا بس بحبه جدا. العشا جاهز يا فندم
بابا. ماشي يا شفيق لما البيه ينزل من فوق
انا. سوري يا بابي اتاخرت
بابا. ايوه سبقني واشتكي ماشي يلا علشان ناكل
وقعدنا علي السفره
انا. بابي المدرسه هتبدا بعد بكره وانا داخل اولي اعدادي
بابا. عمار اتكلمنا كذا مره في الموضوع ده
انا. يا بابا انت وعدتني اني هختار المدرسه الي انا عايزها
بابا. انا عايز افهم بتجيب الكلام الي اكبر منك ده منين
انا. من حضرتك لما بحضر معاك اجتماعات الشركه
بابا. اي ده بجد يعني كنت بتركز معايا وفي الكلام
انا. طبعا اومال مين هيمسك مع حضرتك الشركه مش انا ولا انتا عندك ولاد غيري يا سي بابا
بابا.( بدمعه في عينه حسيتها فرحه) طبعا يا حبيبي انت الي هتمسكها وتكبرها كمان وتبقي احسن مني ومن اي حد في الدنيا
انا. طب ادينا اتفقنا انا علشان ابقي زي محضرتك عايز لازم اعمل الحاجه الي بحبها صح
بابا. يعني تسيب مدرسه إنترناشيونال وتروح مدرسه حكومه انهي عقل يقول كده
انا. عقلي انا يا باشمهندس المدرسه مش كل حاجه
بابا. ازاي لا طبعا ده مش صح بقولك اي انا شبعت هاتلي قهوتي علي المكتب يا شفيق وانت خلص الطبق كله وبعدين هات الهوت شوكليت بتاعتك وتعالالي المكتب
انا. هههههههههههههه حاضر هكسبك بردو
بابا. انت بتحلم المره الي فاتت انت لعبت بالدراع السليم واديتني البايظ
انا. ايوه اتحجج بالدراع بقا
بابا. طب هلعب بالمنتخب
انا. وانا هلعب بالاهلي
وكان بلايستيشن تو كان لسه نازل جديد وكورة بركات كانت حديثه بعد الياباني علي طول وكنت بعمل الخطه علي الكارت المشفر واللعيبه احصائيتها في السما المهم
في المكتب
بابا. مش هنخلص من خطة ديفيد كامب دي
انا. خلاص يلا ابدا يا حبيبي
بابا. فهمني بقا المدرسه ازاي مش كل حاجه
انا. ( شوت عدل بقا) في اجتماعك الي قبل الاخير لما اتكلمت مع مجلس الاداره علي التعينات الجديده
بابا. اه فاكر مالهم بقا ( رافع دائرة اهو الدراع بايظ)
انا. قولت للي ماسك التعيين لما رفض المتخرجين الجداد ان الدراسه والكليه مش كل حاجه والي هيتعلموه من الدنيا والشغل العملي غير الي اتعلموه خالص صح
بابا. ( ساب الدراع وبصلي)
انا. جوووووووووون جبت جون يا تريكه يا تريكه
بابا. مش مهم يلا نكمل
انا. حضرتك زعلت يا بابا
بابا. بالعكس فرحتي بيك وبتركيزك في الي بيحصل حواليك هو الي خلاني اسيب الدراع يا حبيبي وانت جبت جون بس الجون مش في اللعبه لا جبت جون في الحقيقه
انا. يعني حضرتك اتقنعت بكلامي
بابا. حتي لو مقتنعتش من امتي وانا برفضلك طلب
انا. ،،،،،، يخليك ليا يا اجمل بابا
بابا. بس عندي شرط
انا. موافق
بابا. قولتلك مش تتسرع افهم وبعد كده وافق او ارفض
انا. حاضر يا بابا اتفضل
بابا. هجيبلك سواق يوديك ويجيبك وحارس معاك
انا. ليه ده كله
بابا. ده شرطي
انا. ( سكت شويه) اوك موافق
بابا. يلا كفايه لعب بقا اطلع جهز نفسك وجهز طلباتك الي هتحتاجه علشان اقدملك في المدرسه الي انت عايزها ونجيب الحاجات دي بالمره
انا. حاضر يا عز يا عسل انت
طلعت اوضتي جهزت ورقه بمستلزمات الدراسه وكده ونمت وصحيت تاني يوم لبست هدومي وفطرت انا وبابا روحنا المدرسه الي انا اخترتها وكانت مدرسه حكومه من الدرجه الاولي يعني ناس غلابه غير الي كنت بشوفه في مدرستي التانيه وهتعرفوا سبب نقلي هنا في الاحداث القادمه وخلصنا تقديم ونظرات الناس مش بتفارقنا طول منا ماشي مع بابا لبسنا والعربيه بس قولت عادي وخرجنا بابا اخدني اتفسحنا شويه وبعديها رجعنا البيت
شفيق. ها عملت الي في دماغك
انا. ايوه بس بتقول كده ليه
شفيق. انت عارف كويس يا عمار
انا. طب اسكت لبابا يسمع
شفيق. بتضر مستقبلك كده مدرستك التانيه كانت لغات وحاجه نظيفه
انا. متقلقش عليا هتعايش مع الوضع
شفيق. ماشي اكلت ولا تاكل
انا. لا اكلت برا انا وبابا تصبح علي خير علشان هصحي بدري
شفيق. وانت بخير يا حبيبي
طلعت نمت وصحيت تاني يوم لبست هدوم عاديه مش يونيفورم وفطرت وشفيق حطلي السندوتشات وخرجت ركبت العرييه انا والسواق والحارس الي بابا جابه
انا. صباح الخير يا عمو ناصر
ناصر السواق. صباح الفل يا عمور
انا. صباح الفل يا عمو خالد
خالد الحرس. صباح الفل يا استاذ عمار
انا. بلاش استاذ دي يا عمو انا اسمي عمار بس
خالد. ( ابتسم) وانا اسمي خالد بس تمام
انا. اشطا يا خالود
واتحركنا علي المدرسه واول مقربنا
انا. عمو ناصر اقف علي اول الشارع وخالد هو الي هيجي معايا
ناصر. ليه
انا. كده علشان خاطري
خالد.( بصلي وضحك) خلاص يا عم ناصر انا فهمت يلا يا عمور
انا. يلا بينا
خالد. ( بعد منزلنا ومشينا) انت ليه مش عايز زمايلك يشوفوك وانت نازل من العربيه
انا. هاه لا مش كده يعني بس
خالد. احنا بقينا اصحاب خلاص هتخبي عليا
انا. لا ابدا بس مش عايز اتعامل من حد علي اني اعلي منهم او حد يصاحبني علشان غني
خالد. عين العقل تسلم يا عمار،،،،، يحميك يلا ادخل وانا الساعه ١ هكون قدام المدرسه ولوحدي يا عم
انا. ماشي يا خالود سلام
دخلت المدرسه وقفنا في طابور الصباح واتوزعنا هاي فصولنا وقعدت في الديسك الاول قدام المدرس علي طول ودخلنا اول حصه مدرس العربي واسمه حسام
مستر حسام. انا اسمي استاذ حسام استاذ اللغه العربيه يلا بالدور كده كل واحد وواحده يقول اسمه ابدا من هنا
وكان كل دسك قاعد فيه اربعه وبدا من جنب الشباك لحد موصل عندي
انا. عمار عز الدين ابو طاحون
لحد مخلص تعارف علينا وكان قاعد جنبي احمد وفتحي ومعتمد واتعرفت عليهم بعد الحصه مخلصت وجات ميعاد الحصه التانيه مدرسة الرياضيات وكان اسمها نهي
ميس نهي. صباح الخير يا ولاد انا استاذه نهي مدرسة الرياضيات يلا عرفوني بيكم بالدور
وحصل نفس الي حصل في الحصه الي فاتت بردو ونفس الكلام مع مدرس الدرسات الجغرفيا والتاريخ يعني وكان اسمه عبد الواحد ومدرس العلوم اسمه ابراهيم وجه وقت الفسحه وخرجنا كلنا ووقفنا انا واحمد وفتحي ومعتمد
احمد. ها يا عمار قلنا بقا جبت كام في سنه سادسه
انا. جبت ٢٩٥.٥ من ٣٠٠
فتحي. بجد زي بالظبط
احمد. انا جبت ٢٩٣
انا. وانت يا معتمد كنت جايب كام
احمد. لا مش هيقول ده عيل غلس مش بيرضي يقول لحد غير اهله
انا. يبقي بيجيب النهائيه
معتمد.( بصلي باستغراب) عرفت ازاي
انا. عيب عليك يا معلم سر المهنه هههه
معتمد. هههههه ماشي يا عم
انا. بس بلاش تفرح كتير علشان هنافسك علي الاول مش بقبل بالمركز التاني
معتمد.( بتحدي) جاهز يا عمار
فتحي. مالك يا عمار بتلف حوالين نفسك ليه بتدور علي حاجه
انا. هاه لا ابدا متشغلش بالك يا توحه يلا البريك خلص
احمد. بريك اي اسمها فسحه لا كده احنا هنتعب مع بعض
انا. هههههههههه طب يلا يا عم
ورجعنا الفصل وكملنا باقي اليوم ما بين التعارف والهزار وخلصت اخر حصه وخرجنا طلعت برا المدرسه لقيت خالد مستنيني
خالد. عمار يا عمار انا هنا اهو
فتحي. ده ابوك ده ياض
انا. لا واحد قريبي
احمد. هو عامل كده ازاي ينهار اسود ده وحش مش بني ادم
معتمد. طب بس علشان جاي علينا اهو لو سمعكم هيعلكم علي سور المدرسه
انا. ههههههههه **** يخربيتك انت وهو خلاص
خالد. ازيك يا عمور ها كله تمام
انا. عشره علي العشره
خالد. مش تعرفنا علي صحابك
انا. اه طبعا احمد معتمد وفتحي
خالد. تشرفت يا شباب
كلهم. شكرا يا عمو الشرف لينا
خالد. مش يلا بينا اتاخرنا
عمار. حاضر يلا سلام ياض منك ليه
كلهم. سلام يا برنس
ومشينا انا وخالد وركبنا العربيه
خالد. كويس انك اخدت علي الجو بسرعه واتصاحبت علي ناس كمان
انا. اه طبعا يا خالد اومال هقضيها لوحدي انا هقضي هنا ثلاث سنين
خالد. دي حاجه حلوه بس خلي بالك في صاحب يفيدك وصاحب يضرك
انا. مش فاهم
ناصر. يعني صاحب يقولك يلا نذاكر يلا نصلي يلا نطلع الاوائل علي المدرسه
خالد. وفي صاحب يشدك للغلط سجاير وحاجات تانيه ولعب ويضيع مستقبلك
انا. اه كده فهمت لا متقلقش مفيش حد في الدنيا يقدر ياثر عليا ويخليني اعمل حاجه غلط
خالد. انا بقولك وبوعيك بس عارف انك ذكي جدا وتعرف تفرق بين الحلو والوحش ويلا وصلنا
انا. ماشي سلااااام
دخلت الفيلا لقيت شفيق واقفلي علي الباب
شفيق. طمني عليك عملت اي
انا. كل خير مضيت اتفاقية تحرير فلسطين وخرجت اليهود برا وحررت العراق من الامريكان وصالحت جنوب السودان علي الشمال وحاجه زي الفل
شفيق. يخربيت عقلك بسالك علي المدرسه اي ده كله
انا. منتا واقفلي زي الي مستني واحد جاي من حرب يا شفشق متقلقش عليا
شفيق. ماشي يا عم يلا اطلع خد دش وغير يكون بابا وصل وانا هجهز الغدا
انا. ماشي
وطلعت غيرت هدومي ونزلت لقيت بابا وصل وقعدنا علي السفره نتغدي وهو مش بيتكلم
انا. ساكت ليه يا عزو
بابا. لا ابدا يا حبيبي انا كويس المهم انت عملت اي النهارده
انا.كان اليوم حلو ولسه بتعرف علي المدرسين وبيتعرفوا علينا وهنبدا دراسه من اول الاسبوع الجاي
بابا. كويس اهم حاجه مبسوط ولا فيه مشاكل
انا. مشاكل اي يا بابا الي هتبقي اول يوم
بابا. ماشي يابو لسان طويل كمل اكل
واتغديت وشربت الهوت شوكلت مع بابا في مكتبه ولعبنا بلايستيشن لحد الساعه ٩ بليل
بابا. يلا كفايه عليك كده ٦_٣ ليا اهو
انا. مبروك عليك بس مش كل مره هسيبك تكسبني
بابا. تسيبني بقا كده طب تعالا بقا
وقام شالني وبدا يزغزغ فيا وانا اضحك
انا. خلاص يا بابا هههههههههههه خلاص حرمت
بابا. ايوه كده يلا علي سريرك
انا. تصبح علي خير
بابا. وانت بخير يا حبيب بابا
تاني يوم في المدرسه
معتمد. صباح الخير
انا. صباح النور فين فتحي واحمد
معتمد. جايين ورايا بيشترو حاجات من ام محمد الي برا بس
انا. هنستلم الكتب النهارده
معتمد. المفروض بس متعرفش بقا
انا. ليه يعني
معتمد. ليه اي يابني انت في مدرسه حكومه يعني الكتب تكفي يا متكفيش وساعتها هيسلموا الفاضلين الاسبوع الجاي
انا. عادي يا عم بسيطه
معتمد. ازاي بقا افرض جيه حظنا احنا في الاسبوع الجاي نتاخر عن بقيت الناس في المذاكره
انا. عندك حق متقلقش اكيد هنستلم احنا الاول
معتمد. ياريت يا اخويا
فتحي واحمد. صباح الخير ياض من ليه
انا ومعتمد. صباح النور يا اخويا
انا. كنت بتجيب اي
احمد. بصراحه يا واد يا عمار مش بعرف ابدا اليوم الي بعد سندوتش الطعميه الي من ايد ام محمد
معتمد. من ايد ام محمد ولا وش بنت ام محمد
احمد. الاتنين بصراحه
كلنا. هههههههههههههههه
انا. يلا يا فاشل منك ليه الطابور بدا
ودخلنا الفصول وجيه ميعاد استلام الكتب وفعلا ناس استلمت وناس لا ووكان اخر اتنين في الفصل بتاعنا الي استلمو انا وفتحي ومعتمد وبقيت الفصل مستلموش علشان الكتب مش كفايه ورجعنا الفصل تاني ببص لمعتمد لقيته زعلان
انا. معتمد
معتمد. اي يا عمار
انا. خد الكتب اهي
معتمد. ازاي يا عم انا هستني الاسبوع الجاي
انا. اسمع الكلام وخد الزفت بقا
معتمد. بتتكلم جد
انا. لا خلاص بهزر وهطلع عيل ورجعت في كلامي اولع انت بقا
معتمد. لا خلاص يا غالي ههههه تسلملي يا صاحبي
انا. حبيبي
وكملنا اليوم عادي وبعد اسبوع من بداية الدراسه استلمت كتبي وبدات المذاكره علشان اعوض فات من الايام قبل كده وفي يوم خارج من المدرسه انا وصحابي وبدزر علي خالد مش شايفه وفجاءه حصل خناقه وكله بيضرب في كله انا ركنت علي جنب السور وواقف بتفرج ومعتمد واحمد وفتحي جنبي
فتحي. الخناقه سخنه ودي مدرستنا مع المدرسه التانيه
انا. واي يعني احنا مالنا
احمد. مالنا ازاي بيقولك مدرستنا يا عم حتي الواد منتصر الي في الفصل معانا اهو
معتمد. عمار عنده حق ملناش دعوه يولعو الاتنين
فضلنا واقفين والبنات واقفه بتتفرج جنبنا فواحده منهم اتكلمت وااي عرفته بعد كده ان اسمها سحر
سحر. انتوا هتفضلوا واقفين كده متعملوا حاجه
انا. هنعمل اي يعني وبعدين مش بتخانق مع حد من غير سبب
سحر. خلاص خليكم واقفين زيكم زينا كده جاتكم خيبه
معتمد. شكرا علي ذوق جدا بس بردو مش هندخل نفسنا
وبعد مالخناقه خلصت والعيال بعدوا عن بعض
انا. الا قوليلي يا....
سحر. سحر يا كتكوت
انا. ماشي قوليلي يا سحر الخناقه بسبب اي
سحر. شباب المدرسه بتاعتنا عاكسو بنات المدرسه التانيه
انا. يعني انتي ملكيش صله بالموضوع خالص
سحر. ايوه
انا.(بعصبيه) اومال بتسخني في الي خلفونا ليه يا بنت الكلب يا جزمه ورحمة امي لو ممشيتي من هنا لاكون خبطك خطافيه الوح رقبتك الجنب التاني امشي
لقيت فتحي واحمد مسكوني وبيهدو فيا
معتمد. مسكتوه ليه خليه يلوح بقها الي جاي في قفاها ده (بصوت اللمبي) يلعن ابو بوقك
كلنا ضحكنا وهيا مش عارفه تعمل اي ومستخبيه ورا البنات الي معاها وسبناها ومشينا بعد خالد مجيه
انا. الطريق كان مقفول صح
خالد. عرفت ازاي
انا. مهو كان في خناقه هنا والعيال موقفه العربيات والطريق
خالد.(بقلق) وانت كنت فين
انا. كنت بتفرج وقاعد علي حرف السور باكل شيبسي
خالد. هههههههه بس يعني مضربتش اتنين تلاته
انا. لو انت عايز كده اعتبر خمسه سته كمان مضروبين بكره
ناصر. بلاش يا عمار يا ابني دول عيال لبش ملكش دعوه بحد
خالد. متفلقش علي عمار ده يكسر عنيهم كلهم من غير ميتحرك من مكانه بعقله بس يا عم ناصر
عمار. مش للدرجادي بس انا بتمني فعلا ميبقاش فيه مشاكل
خالد. متبقاش الدنيا ماشيه تمام لو مقبلتش في حياتك مشاكل لازم علشان تتعلم تحلها والضربه الي متموتكش تقويك
عمار. سيبها للظروف
وصلت البيت طلعت غيرت هدومي واتغديت وقعدت مع بابا شويه وطلعت نمت وبعد فتره من الدراسه قربنا من امتحانات الميديتيرم وبدات اراجع مع معتمد وفتحي واحمد لحد مدخلنا الامتحانات وخلصنا وفي اجازة نص السنه روحنا جبنا الشهاده
فتحي. وحشني يا عمور مش متعود ١٠ايام مشكوفكش
انا. حبيبي يا واد يا توحه وانتو كمان وحشتوني
معتمد. اه و**** افتقدكم يا اولاد اومال فين احمد
فتحي. احمد عامل عملية اللوز مش هيقدر يجي
انا. بجد طب تعرف هو ساكن فين
فتحي. اه ده جاري بيته جنب بيتنا علي طول
انا. خلاص ندخل نستلم النتيجه وناخد بتاعته معانا بالمره نروح نطمن عليه
معتمد. صح عندك حق بس ليه معرفناش يعني
فتحي. هو كان يعرف حاجه دي تاني مره يعملها علشان جاله التهابات اصلا
انا. طب يلا بيندهوا الاسامي
واخدت شهادتي وبعدي احمد وبعده فتحي وبعده معتمد
معتمد. ها كام يا عمور
انا. ٢٩٧.٥
فتحي. اي يا الجمدان ده درجتين ونص علي النهايه
انا. هههههههه وانت يا معتمد
معتمد. ٢٩٤
فتحي. طب وسع انت وهو كده ٢٦٠
انا. واحمد ٢٨٠
فتحي. ابن الكلب انا الي مغششه يجيب اكتر مني
معتمد. بتغششه. غلط وهو بيعمل الصح هههههههههه
انا. خسرت الرهان يا صاحبي
معتمد. حقك يا كبير اطلب اي حاجه
انا. امممممممم هتنفذ يعني
معتمد. عيب عليك وقتي يا صاحبي ده اتفاق رجاله
انا. بعد مروح لاحمد هاجي اشرب الشاي عندك
فتحي. طب لي رايكم تتغدو عندي بعد منروح لاحمد ونشرب الشاي عند معتمد
معتمد. دانت تافه زي طلباتك بالظبط موافق ههههههههه
انا. بس تشد حيلك اخر السنه وتجيب اكتر مني
معتمد. عارفين انا كنت خايف من حاجه واحد في اول دخولي المدرسه
انا وفتحي. اي هيا
معتمد. اني اصاحب عيال فاشله ومتعرفش معني الصحوبيه
فتحي. ولقيت اي بقا
معتمد. لقيت ثلاث رجاله بجد واقفين جنب بعض من اول يوم
انا. تدوم يا غالي ديما جنب بعض لاخر يوم في عمرنا
فتحي. وعد
انا. الوعد واحمد موجود بقا
معتمد. تمام يلا بينا
روحنا لاحمد ودخلناله اطمن عليه وقعدنا نهزر شويه علي دخول والدته بالعصير
ام احمد. نورتنا يا ولاد كتر خيركم
انا.علي اي يا امي احمد اخونا وصاحبنا
فتحي. وبعدين احنا عملنا اي يا خالتي لا جايبين شوكلاته ولا حتي اتنين كيلو قشر موز او سوداني
معتمد. ليه جايين لقرد ياعم
ام احمد.،،،، يجازيكم دمكم زي العسل عنده حق احمد لما بيشكر فيكم ويحبكم الحب ده كله
احمد. طبعا يا امي دول اخواتي
ام احمد. قولي بقا يا عمار رقم بيتكم كام علشان اكلم والدتك اتعرف عليها
احمد وفتحي ومعتمد. احم احم
ام احمد.(بتبصلهم وفهمت نظراتهم) حقك عليا يا حبيبي
انا. لا العفو يا امي ولا يهمك،،،، يرحمها
ام احمد. امين يا حبيبي امين يا حبيبي المهم هتتغدوا سوا ياولاد
انا. معلش يا امي مش هقدر بابا مستنيني
معتمد. اومال فضحنا ليه طول الطريق
فتحي. هو قال هشرب شاي بس مجابش سيرة اكل
انا. قوله يا توحه اصل همه علي بطنه بس
وضحكنا كلنا وبعد شوبه استاذنت ورجعت عند المدرسه لقيت خالد مستني ركبت العربيه ورجعت الفيلا والغريب ان خالد طول السكه مش بيتكلم دخلت الفيلا لقيت واخد غريب واقف
انا. مين ده يا خالد
خالد. ده متخدش في بالك انت
انا. بابا ماله يا جماعه
اهلا ومرحبا بالناس الي زي العسل اجدع ناس في الكون كله اسف اتاخرت في نزول القصه بس مفيش حاجه في دماغي تكون لايقه بيكم او من مقامكم فاتمني اكون عند حسن ظنكم والقصه تعجبكم تنبيه بس انا بختصر في الاول وفي نفس الوقت بحاول اوصل الفكره يعني الاختصار في تسارع الاحداث بس بكتب المشهد بالتفصيل وشكرا
الجزء الثاني
الدكتور. متقلقش يا حبيبي بابا كويس متقلقش
طلعت جريت علي اوضة بابا لقيته نايم في السرير
انا. بابا مالك اي الي حصل
بابا. مفيش يا حبيبي شوية تعب بس
انا. ولما شوية الدكتور كان بيعمل اي
بابا. تعالا بس اقعد وانت يا شفيق جهزلنا الغدا شويه وهننزل نتغدا
شفيق. حاضر يا فندم هجهز لحضرتك اكل زي مالدكتور قال
انا. واكل مخصوص كمان ليه هو قالك اي يا بابا
بابا. فيرس سي
انا.(بدمعه في عيني) الكبد صح
بابا. ايوه بس في علاج يا حبيبي متقلقش
انا. بعد العلاج هتبقي كويس صح
بابا. صح يا حبيب بابا
بعد شويه نزلنا اتغدينا وفرحت بابا بالشهاده ولعبنا شويه وتاني يوم روحت معاه الشركه كالعاده بروح معاه في الاجازه وكان في اجتماع مجلس اداره
بابا. اي اخر التطورات في التصاميم يا حضرات
مهندس ١. تصميم عمارات الاسكان بتاعت الدوله خلصت امبارح وهنبتدي شغل من اول الشهر
بابا. تمام يا باش مهندس واعملوا حسابكم مفيش تاخير عن التسليم
مهندس ٢. متقلقش يا فندم التسليم هيبقي قبل الميعاد كمان
بابا. تمام بالنسبه بقا للكباري المناقصه اي اخبارها
مهندس ٣. احنا قدمنا الشروط يا فندم ومستنين قرار اللجنه الاداريه
بابا. مين الشركات الي قدمت معانا غير المقاولون والنصر
مهندس ٣. كالعاده احنا بس يا فندم مفيش شركه رابعه
بابا. تمام وزي كل سنه المناقصه دي بتاعتنا فنعمل حسابنا بردو علشان هيبقي الضغط علينا كبير
مهندس ١. المناقصه تيجي بس يا فندم واحنا قدها
بابا. واي الي يخلي المناقصه متجيش بقا يا باش مهندس
مهندس ١. ولا حاجه يا فندم انا بقدم المشيئه بس
بابا. يلا اتفضلوا الاجتماع انتهي
كلهم. عن اذنك يا فندم
بابا . ها اتعلمت اي من اجتماع النهارده
انا. درسين
بابا. اول درس
انا. مهما كان الحمل تقيل اقدر اقسمه بحيث اقدر اشيله كويس
بابا. وتاني درس
انا. مش كل الي شغالين معايا محل ثقه ولا اديهم سري
بابا.(باستغراب) قصدك اي يا عمار
انا. المهندس الي كان بيشكك في ان المناقصه لينا وراه سر او لعبه بيلعبها لحسابه
بابا. قصدك انه
انا. بنسبة ٦٠٪ بيشتغل لحساب نفسه وبيعمل مصلحه من وراك وبنسبة ٩٠٪ بيشتغل لحساب حد تاني وبيعمل مصلحه بس اكبر بكتير من الي هيعملها لوحده
بابا. عاش يا عمار نظرتك مش بتخيب يا حبيبي
انا. ولسه هنتعلم يا باش مهندس
بابا. صح يا حبيبي مهما عرفت ووصلت خلي ديما في بالك ان مش دي نهاية العلم او نهاية الشغل او اي حاجه
انا. اكيد يا بابا مفيش حاجه ليها نهايه الا بموت الانسان
بابا. عشره علي العشره يا حبيبي
انا. يلا بقا انا عازمك علي الغدا برا
بابا. بس بشرط
انا. عارف انت الي هتحاسب
بابا. هههههههه ايوه
وخرجنا من الشركه انا وبابا وروحنا مطعم خمس نجوم وقعدنا وجيه المتر اخد طلباتنا واتكلمنا شويه وبعد ماتغدينا
بابا. خد يا حبيبي وقولي اي رايك
انا. لا ده بجد صح
بابا. اه طبعا يا حبيبي الف مبروك علي الشهاده
انا. حلوه اوي يا بابا بس غاليه جدا
بابا. مفيش حاجه تغلي عليك
وكانت ساعه روليكس مكتوب جواها اسمي بالانجليزي ولبستها وبعد مخلصنا خرجنا اتفسحنا شويه ورجعنا علي البيت لعبنا بلايستيشن كالعاده غلبت بابا وطلعت نمت والايام ماشيه وعدت شهور وسنين وكنت ديما اطلع الاول علي المدرسه ومعتمد التاني وفتحي واحمد بيجيبوا درجات كويسه بردو لحد مكنا في ثالثه ثانوي ووخلاص قربنا علي الامتحنات
انا. معتمد
معتمد. اي يا عم سيبني اذاكر
انا.فتحي واحمد فين مجوش لحد دلوقتي
معتمد. عندهم مشوار هيخلصوه
انا. عايز اعرف العيال دي بتختفي فيت حتي ليلة الامتحان
معتمد. الا قولي يا عمور احنا بقالنا كام سنه مع بعض
انا. اهو ٦ سنين اي اعجبت بيا ولا اي يا سي معتمد لا انا مش بتعت الكلام ده انت تطلبني من بابا والاهتمام مش بينطلب
معتمد. بس بس تمثيلك اوفر جدا ممثل فاشل
انا. هههههههه طب قول ليه السوال
معتمد. اصل عمري مدخلت بيتكم يعني
انا.وهو انتوا طلبتوا وانا رفضت
معتمد. طب مين الي بيجي ياخدك بالعربيه كل يوم من عند المدرسه او بيجيلك هنا وعارف عنواين بيوتنا كلنا ده
انا. طب اعمل اتنين شاي وتعالا
معتمد.(بعد شويه) اتفضل يا كبير
انا. تسلم ايديك اقعد بقي وركز معايا علشان دماغك يمكن تلف مني
معتمد. حاضر قصة عنتره هيا اتفضل ارغي
وحكيتله كل حاجه عني بالتفصيل الممل
انا. معتمد مالك ياض
معتمد. هاه لا ابدا مستغربك بس
انا. عارف وفاهم ازاي عندي كل ده وفي مدرسه حكومه صح
معتمد. غير كده الي زيك كده عنده عربيه احدث موديل وبيصرف من غير حساب انما انت عامل حساب لكل حاجه ومش بتعمل حاجه غلط
انا. علشان بابا واثق فيا لابعد الحدود وانا متعودتش اكسر ثقة حد فيا
معتمد. انا شرف ليا اني عندي صاحب زيك يا عمار
انا. بالعكس يا اسطي دانا الي اتشرف بصاحب زيك برغم الظروف الي انت محطوط فيها دي بتنافسني علي المركز الاول ديما
معتمد. تسلم يا حبيبي
فتحي. اهلا بالناس المجتهده
انا. كنت فين يا زفت مش قليلكم نتجمع نذاكر
احمد. علي الهادي يا عمور اهو جينا خلاص اهو
معتمد. ابقي تعالا طرطر علي قبري لو نفعت
فتحي. يا عم بعد الشر دانا هرمي مية نار مش هطرطر بس
انا. طب اقعد يا فالح جنبي هنا علشان اراجع معاك وانت ياحمد مع عمك معتمد
احمد. عمي وعم عيالي كمان انا اطول
معتمد. اه اذا كان ليك عند الكلب حاجه قوله يا سيدي صح
فتحي. هنبدا منين يا سيدي
انا. هنبدا من اول المكرر...... قصدك اي يا علق انت
فتحي. هههههههه معلش يا اسطي مقدرتش اعديها كده
احمد. ميبقاش فتحي لو معملش من اي حاجه افيه وقلش علينا
معتمد. ركز معايا هنا يالا
احمد. حاضر يا سيد الناس
وبعد ساعتين خلصنا مراجعه ولمينا المكرر
فتحي. علي الطلاق لو دكتور في الحامعه بيشرحلي مهفهم كده تسلم دماغك يا عموري
انا. يعني انفع معيد في جامعه
احمد. تنفع بس دانت تقعدهم في البيت يا ابو الصحاب ومعتمد كمان دماغه سم بيوصل المعلومه للنخاع مش العقل بس
معتمد. حبيبي يا ابو احميد اي خدمه يا غالي
فتحي.،،،،،، يخلينا لبعض يا رجاله
كلنا. امين يا،،،،،
انا. يلا هطير انا متتاخروش بكرا المراجعه بكرا عندي
احمد. ياه اخيرا هتغدينا عندك
انا.منا بقالي ٦ سنين قولت واحد هيبقي بجح ويطلب مني انما طلعتم محترمين
فتحي. منتا بيتك بعيد عن المدرسه واحنا اقرب وكلها واحد يا عمور في بيتها يا صاحبي
انا. طبعا بيتكم بيتي يا توحه،،،، يديم المحبه والاخوه يلا اطير انا سلااام
كلهم. سلااام
ورجعت البيت وقعدت مع بابا اتغدينا
انا. بابا بعد اذنك في جماعه صحابي هيتغدو معايا بكره
بابا. طبعا يا حبيبي موافق اخيرا هشوفلك صحاب
انا. عادي يا بابا مكنتش لاقي الناس المناسبه بس علشان اصاحبها
بابا. بالنسبه لاي يا حبيبي
انا. ابدا يا بابا من نحية الشباب والموضه السجاير بقت موضه والمخدرات بقت منظره وبيفتخروا انهم بيشربوها كلامهم مع البنات موضه سوري يا بابا يعني دول مش هيصحبوا واحد زي الا لسببين وحضرتك عارفهم
بابا.،،،،، يكلمك بعقلك يا حبيبي طب ماكيد صحابك دول مصاحبينك علشان سبب من السببين بردو
انا. هما ميعرفوش عني حاجه اصلا يا بابا
بابا. ازاي مش العربيه بتاخدك من قدام المدرسه
انا. لا انا بخلي خالد يستني علي اول الشارع وهو بيجي علي رجليه ياخدني
بابا. فهمت يعني انت مرتب كل حاجه من اول مدخلت المدرسه
انا. دي حقيقه وعملتلهم اختبارات وعملولي اختبارات كمان هههههههههه
بابا. ماشي يا حبيبي يشرفو في اي وقت وابقي روح هاتهم بالعربيه الطريق طويل عليهم
انا. حاضر يا بابا
وعدي اليوم عادي وتاني يوم صحيت اخدت شاور ولبست واخدت العربيه ومعايا خالد بس وعديت علي معتمد وفتحي واحمد وروحنا علي الفيلا
فتحي. بتاع مين القصر ده يا عمور
انا. بتاع الجيران هنتغدي عندهم وبعدين نشرب الشاي في بيتنا
احمد. يا عم متهزرش انت عايش هنا يا عمار
انا. ايوه يا ابني اي مالك تعالوا اتفضلوا بس ونتكلم جوا
معتمد. متدخلوا ياابني انتو متنحين ليه
وبعد مدخلنا وقعدنا جوا وفتحي واحمد مزهولين بالفيلا وفي دماغهم مليون سوال
انا. منورين بيت اخوكم يا رجاله
احمد. انت باباك شغال اي
انا. في المقاولات
فتحي. اما انا حمار بشكل ده هو بجد
احمد. هو مين ياض انا خايف اصلا متخوفنيش بذياده
معتمد. هههههه يا ابني اهدا ده بيت عمار ووالده يبقي الباش مهندس عز ابو طاحون صاحب شركات طاحون للمقاولات فهمتوا
فتحي. انا كنت فاكر تشابه اسماء فمشغلتش بالي بس صورتكم المتعلقه دي اثبتتلي اني صح
انا. ها خلصتوا اندهاش يلا الطفح جاهز وبابا وصل
كلهم. هيتغدي معانا كمان
انا. ايوه طبعا مبيعرفش ياكل من غيري
وروحنا علي السفره
انا. بقولكم اي كل واحد ياخد راحته انتو في بيت اخوكم وزي معتبرت بيتكم بيتي انتو كمان تعتبرو البيت بيتكم مش محتاج اعزم علي حد واقوله كل واشرب واتنيل مفهوم
فتحي. يا عم انا مكسوف من ابوك
احمد. ولا ولا هيا الشوكه في اليمين ولا الشمال
فتحي. انت كافر يلا كل بالمعلقه بس وبايديك اليمين
انا ومعتمد. ههههههههههههههههههه
بابا. ضحكوني معاكم يا ولاد
انا. اتاخرت يا باش مهندس
بابا. اسف يا فندم شوف الجزا المناسب وطبقه عليا
انا. مفيش بلايستيشن النهارده
بابا. لااا انت بتلكك بقا علشان تلغب انت وصاحبك بس
انا. بصراحه اه
احمد. هو فيه بلايستشن كمان
انا. للصبح يا اخويا
فتحي.صبح اي يا غالي لا موخذه
انا. اه منا نسيت اقولكم انتو هتباتوا معايا علشان نراجع علي المنهج
كلهم. واهلينا يابني
انا. قولتلهم وانا خارج من عندكم
معتمد. مفيش حاجه بتفوتك
بابا. صحيح يا شباب ناووين علي اي
كلنا ما عدا معتمد. هندسه معماري
بابا. وانت يا معتمد
معتمد. لسه مقررتش يا عمي بس في دماغي هندسه بس حربيه
بابا. مهندس حربي جميل جدا مهندس وضابط جيش
انا. يعني هتسيبني مع الاتنين دول لوحدي
فتحي. ليه هو احنا زومبي ولا حاجه
احمد. سيبه يشوف مستقبله يا عمار هينجح في الحاجه الي بيحبها
معتمد. علي اساس اتقبلت انا يعني ده مشوار طويل ويا صابت يا خابت
بابا. قصدك علي الواسطه يا معتمد
معتمد. ايوه يا عمي بس انا سايبها علي،،،،،
بابا. كله علي،،،، متشغلش بالك انت بدي اعتبر نفسك قبلت خلاص
معتمد. بجد متشكر جدا يا عمي جميل عمري مهنساه
بابا. جميل اي يا ولد انتو كلكم عندي زي عمار بالظبط
كلهم.،،،، يخليك لينا
وخلصنا اكل وقومنا لعبنا بلايستيشن شويه وبعدها قعدنا لحد الصبح نذاكر وبابا يطمن علينا كل شويه ويجبلنا سندوتشات وعصير وشاي وطلعت الصبح بعد مخلصنا وصلت الشباب ورجعت نمت لحد تاني يوم
بابا. عمار عمور اصحي يا حبيبي
انا. حاضر يا بابا الساعه كام
بابا. الساعه ٢.30 يلا علشان تتغدي معايا
انا. حالا اخد دش وانزل لحضرتك
قومت اخدت الدش ونزلت لقيت بابا علي السفره مستني
انا. مش عوايدك تيجي قبل ٤ يعني
بابا. قولت بما انك في البيت اجي بدري نتغدي ونقعد شويه
انا. يسلام بس كده انا اتشرف يا باش مهندس
وبعد الغدا روحنا مكتب بابا ودخل فتح الخزنه وطلع دوسيه ورق
بابا. امسك يا عمار اقرا ده كده
انا. ( بحزن) اي ده يا بابا دي وصيه
بابا. انا كتبتلك كل حاجه باسمك وهتلاقي عندك كشف بالاراضي والعقارات والحسابات الي في البنوك والفلوس الي لينا في السوق كل حاجه
انا. ايوه لازمتها اي يعني عايز افهم واشمعني دلوقتي
بابا. علشان بقيت كبير كفايه انك تعرف كل حاجه عندك وده حقك
انا. ده مش سبب يا بابا قولي صارحني فيه اي
بابا. طب اقعد واهدي كده وهفهمك
اخدت بالي ان قومت واتعصبت وصوتي بقا عالي
انا. انا انا اسف يا بابا مش قصدي حقك عليا
بابا. حصل خير يا عم وبعدين اثبتلي اني عندي حق اهو
انا. ازاي بقا
بابا. صوتك اخشن وبقيت تتعصب وتتنرفز اهو بقيت راجل
انا. لا مش راجل لما صوتي يعلي عليك او في يوم اتعصب وبعدين متوهش وفهمني بقا
بابا. حاضر بص يا سيدي النهارده بكره بعد سنه او ١٠٠ سنه انا ميت
انا. بعد الشر علي حضرتك
بابا. الموت مش شر الموت حق وكلنا هنقابله في الاخر فعلشان كده انا قعدت معاك وبعرفك الكلام ده
انا. مقتنعتش بردو
بابا. لا اقتنع ويلا خد الورق ده معاك واطلع شيله عندك
انا. حاضر
بابا. ومتسهرش قدام المذاكره كتير
انا. حاضر
بابا. و....
انا. حاضر
بابا. هو انا قولت حاجه اصلا
انا. هههههههه حاضر
بابا. ههههههههه ماشي
وعدت الايام وامتحنا وبعد الامتحانات باسبوع
معتمد. انا خايف
الجزء الثالث
انا. خايف من اي ومتقوليش من المجموع
معتمد. لا من ابوك
احمد. هههههههه حلوه
فتحي. مش نكته يابن الظريف بيتكلم بجد
انا. قصدك انه ينساك في حوار الكليه الحربيه
معتمد. ايوه
انا. لا متقلقش هو وعدك هينفذ مفيش كلام
معتمد. يا مسهل
انا. بقولكم اي متيجي بعد الامتحانات نطلع اسبوع نصيف
معتمد. لا سامحني مقدرش
احمد. وانا كمان يا عمور
انا. وحضرتك بتفكر في اي يعني
فتحي. ارفض ولا ارفض
انا. ما الاتنين واحد علي العموم انا عازمكم في شاليه بتاعنا هناك
معتمد. ايوه تمام ومصارفنا احنا لا يا عمار مش هينفع
انا. وهو فيه فرق بينا ولا اي
فتحي. مش قصده يعني يا عمار بس بردو كل واحد مدبر نفسه وومشيها علي قده
انا. طب وحيات عمار عندكم محد يحط الفرق ده تاني علشان عيب عليكم وخلصانه انا ناويت وجبرت معايا طالعين معايا يعني طالعين
احمد. يا عم مش قطم رقبه اسمع بس
انا. يلا انا ماشي النهارده الخميس السبت الصبح اعدي عليكم سلام
بعد ممشيت وسبتهم
احمد. اي يا جدعان هتسبوه يعمل الي في دماغه
معتمد. انت عارفه خلاص قفلت معاه وبصراحه لو رفضنا هيتاكد فعلا اننا بنعمل فرق وساعتها ممكن يزعل اووي
فتحي. خلاص يجماعه نشد الرحيل يوم السبت وكل واحد يشوف معاه كام
معتمد. انا معايا ٢٠٠
احمد. وانا ٢٣٠
فتحي. انا ٢٠٠ بردو طب عنب اووي ومش لازم نفتحها علي البحري يعني
كلهم. امين علي البركه
وعدي الخميس والجمعه ويوم السبت الصبح عديت علي الشباب بعربيتي واخدتهم ومشينا واخدنا حوالي ٨ ساعات في الطريق ووصلنا الشاليه عباره عن فيلا دورين
انا. حمد،،،، علي السلامه يا رجاله بصوا بقا الشاليه دورين الدور ده مطبخ وحمامين والرسيبشن واوضتين زي مانتو شايفين فوق بقا في اربع اوض كل اوضه بحمام خاص الي يرتاح في مكان ينام فيه
طلعنا الدور التاني
معتمد. انا هاخد دي
احمد. وانا الي الاخيره
انا. تمام وانا دي الي في نص وانت يا توحه دي
فتحي. مكلش دعوه بيا انا في هنام في حمام السباحه الي برا ده عادي او علي النجيله
كلنا ضحكنا علي فتحي وكل واحد دخل اوضته غيرنا هدومنا ونزلنا علي البسين
معتمد. يعني الشاليه نضيف كانكم قاعدين فيه علي طول
انا. مهو كل اسبوع في ناس مسئوله علي الشاليهات بتيجي تنضفها وتروقها
فتحي. هما تبعكم يعني
انا. ايوه القريه كلها بتاعتنا
احمد. طب كنا نروح الفندق احسن
انا. بجد انا قولت اجيبكم هنا علشان تاخدو راحتكم اكتر لو عايزين نروح حالا
معتمد. لا ده كده غظمه لا ناس ولا دوشه هنا في راحه نفسيه
فتحي. متسيبك من الحربيه وتبقي شاعر
انا. ها كل واحد بقا يقول هيتغدي اي
احمد. ده الي هو ازاي يعني لا موخذه
انا. افهمك تاني زي ما فيه ناس بتنضف وتروق في ناس بتطبخ وتجيب الاكل زي الدليفري وده بردو من ضمن الخدمات هنا الي بنقدمها للناس
فتحي. علي الطلاق انتوا مدلعين الناس هنا
انا. اصل كل الناس هنا رجال اعمال كبيره يومين ثلاثه بالكتير اسبوع فهما جايين يصيفوا مش يدورا علي طبخ واكل وشغل مطاعم فاحنا وفرنالهم كل ده بمقابل يعني مفيش حاجه ببلاش بس بالنسبه لينا احنا ببلاش
معتمد. طب تمام انا الي هتطلبه لنفسك يا عمار
احمد. انا اي حاجه المهم سمك بلاش لحمه خالص
فتحي. زي احمد بردو سمك
انا. خلاص نطلب كلنا سمك وجمبري تمام
كلهم. تمام
وطلبت الاكل فعلا وانا الي خرجت للواد بتاع الدليفري وحاسبته ايوه كدبت عليهم اي نعم القريه بتاعتنا بس مفيش الخدمات دي كلها يعني غير في الفندق بس المهم دخلت بالاكل وهما كانو بيعوموا في البسين
انا. يلا ياض انت وهو علشان الاكل ده لازم بتاكل سخن
معتمد. بعد كده لما تحب تحور بلاش معايا انا
انا. قصدك اي يعني
معتمد. مفيش مكان لي الدنيا بيعمل الي انت قولته ده بس تسلم وتعيش يا صاحبي ومردوده عن قريب
احمد. هيا اي الي مردوده
معتمد. لا ابدا بقول لعمار اني هجيب مجموع اكتر منه السنادي
فتحي. طب سيبكم بقا من شغل الدحيحه ده المايه جوعتني
انا.(بعد الاكل) مين يشرب شاي ومين قهوه ومين حاجه ساقعه
فتحي. شاي
احمد. شاي
معتمد. بيبسي
انا. تمام وانا قهوه
معتمد. طب استني هقوم انا اعمل
انا. ماشي ويلا اجهزو علشان نخرج نتمشي شويه
وخرجنا ركبنا العربيه ونزلنا المدينه بصراحه حاجه تحفه فضلنا نلف بللعربيه وبعد شويه ركنا علي شاطي البحر ونزلنا نتمشي علي الشاطي وكان فيه ناس كتير قاعده
انا. تصدقوا كنت فاكر اننا مش هنلاقي حد بيصيف خالص
معتمد. انا قولت زيك بردو
فتحي. ليه يا فقر انت وهو الدنيا حلوه اهي ومزز رايحه جايه
احمد. بص ياض الكافتريات الي علي الطريق دي
فتحي. احيه دي البنات بترقص علي الترابيزات عادي كده
انا. مهو ده الي بيجيب الزباين يا ابني
معتمد. ازاي يعني دول مش زباين
انا. لا دول شغالين تبع الكافتريات بس بيدخلوا كانهم زباين وبعد كده زي مانت شايف
احمد وفتحي. يا ولاد الكلب
انا. لو عايزيين يلا بينا نروح نقعد
معتمد. يا عم ده مس بعيد يقولك الشاي بعشرين جنيه
انا. عازمكم يلا بينا قوم ياض لسه هتبص
وروحنا قعدنا علي الكافيه بس قاعدنا جوه وكل واحد طلب مشروب وبنتكلم مع بعض علي صوت واحده جاي من ورايا
بنت . لو سمحت
انا. ايوه
بنت. ممكن ولاعه
انا. اسف مش بدخن
بنت. طب مش محتاجين حد يقعد معاكم
بعد مكنت بكلمها وانا مديها ظهري اتعدلت وبصتلها
انا. لا ميرسي مش محتاجين
بنت. يعم بص كويس يمكن اعحبك
فتحي. مقالك لا هيا اغنيه
معتمد. علي الهادي ية فتحي متشكرين يا ستي مش محتاجين
بنت. براحتكم
انا. لو سمحتي
بنت. نعم
انا. اتفضلي ( بديها 100 جنيه)
بنت. وده من اي مش قولت مش عايز
انا. منا فعلا مش عايز تقدري تتفضلي دلوقتي
بنت. لا يا عم انا مبخدش فلوس من حد من غير مقابل
انا. اعتبريني اخدت المقابل ويلا بدل مارجع في كلامي
وخدت الفلوس ومشيت
فتحي. ليه
انا. عادي اعتبرها حسنه او حد محتاج مساعده
معتمد. بس مش كتير كده يا عمار
انا. يا عم سيبها علي الي خلقك
اخدنا قعدتنا وهزار وضحك وقومنا خرجنا ركبنا العربيه ومشينا علي طول شط الساحل شويه وبعدين رجعنا الشاليه
فتحي. تصدقو احنا لو عاملين حسابنا علي الفسح دي مكانتش هتبقي حلوه كده
انا. عندك حق لازم كل فتره تعمل حاجه مش في حساباتك هتلاقيها احسن بكتير من الي انت عامله حساب
معتمد. لا يا عمار لازم تعمل حساب لكل حاجه وتفكر ديما في بكره
احمد. هو انو ضامن تعيش كمان ساعه ذياده خلينا في دلوقتي
عمار. صح يا ابو احميد كل واحد بيعمل حساب لبكره كانه هيحارب الكون لوحده مع ان في ناس كتير ممكن تحارب معاه
معتمد. لاول مره مفهمكش
انا. مش وقته
فتحي. انت كلامك غريب النهارده ومش شبه بعضه
احمد. فعلا من ساعت مقابلت البنت دي وانت دماغك مش فيك
معتمد. اوعي تكون......
انا. لا مش للدرجادي يا معتمد متكملش بس بفكر في حالها لو البنت دي معاها الي يقف جنبها ويسندها مش هتعمل كده ولا تبيع نفسها
فتحي. يمكن بس الزمن ده مفيش حاجه مضمونه في كتير مش محتاجين بس الحوار ده عندهم هوايه او تسليه
احمد. تاني مره تقول حاجه صح
انا. طب افرضوا انا ابويا بعد الشر مش موجود ولا كان يبقي عندي كل ده كان اي هيحصلي
معتمد. اقل حاجه مثلا مكنتش هتتعلم ولا تلاقي مكان تعيش فيه وهتشحت
انا. صح
فتحي. بردو مش فاهمك انا كمان
انا. طبعا هندخل الجامعه صح
كلهم.
معتمد.ما عدا انا انت عارف
انا. عارف طب حد فكر هنعمل اي في حياتنا بعد كده
احمد. انت مش لسه قايل منفكرش في بكره
انا. مهو لما شوفت البنت النهارده غيرت فكري ١٨٠ درجه
معتمد. يعني بتلف وتدور عايز توصل لايه
انا. عايز نعمل لنفسنا كيان حياه محدش يقدر يدخلها ولا يتجرا يقرب منها
احمد. ايوه ليه ده كل
انا. اقولك ليه بكره او بعده انا همسك شغل ابويا ومن الي شوفته ان الحياه العمليه غير الي احنا عايشينه دلوقتي الحياه فيها حرب مكسب وخساره وممكن توصل للموت كمان
فتحي. بمعني اصح عايزنا معاك وفي ظهرك
انا. صح جدا نكبر ونكبر شغلنا عايز اسمنا يبقي رقم واحد في العالم
احمد. لسه بدري اووي علي الي بتقوله ده
انا. لا مش يدري احنا هنقضي اول سنه في الجامعه عادي نتعرف علي ناس ونعيش السنه دي بالطول والعرض والسنه التانيه علي خير هنكون اخدنا فكره عن هندسه
فتحي. تمام وبعدين
انا. وبعدين هنتدرب في الشركه عندنا لحد منتخرج فهمتوني
احمد. وبكده تكون فهمت وشربت اصول الشغل وتبدا من اول متتخرج
فتحي. دماغ مش بتعطل
انا. خلاص موافقين
فتحي واحمد. طبعا موافقين
معتمد. طب وانا
انت. هتدخل حربيه وبعد السنه الثالثه في الكليه بيوزعوكم علي تخصصات هخلي بابا يدخل بعلاقاته بحيث انك تدخل تخصص هندسه وتبقي مهندس حربي
معتمد. وطبعا ده هيساعدنا بردو بحيث ان الجيش بيحتاج شركات مدنيه تساعد معاه
انا. عشره علي العشره خلونا بقا في الاجازه والفسح
كلهم. تمام
وعدي الاسبوع ورجعنا ووصلت الشباب كل واحد لبيته واخر واحد كان معتمد ووالدته مسكت فيا اني لازم ادخل
انا. يابني انا لازم امشي مشوفتش بابا بقالي اسبوع
معتمد. علي اساس انه كان سايبك يعني ده كل ساعه بيكلمك ،،،،، يخليهولك
انا. ويخليك الحاج والحاجه
والدة معتمد. يلا يولاد الغدا جاهز
انا. اكل لا مش هقدر يا امي سامحيني
والدة معتمد. شوف لو عملت اي كده انت مش هتخرج من باب البيت الا لما تتغدي معانا
معتمد. خلصت مش هتحلك النهارده لو هتقعدنا كلنا من غير اكل هتعملها لحد متقعد حضرتك تطفح
والدة معتمد. طفحت الدم يا بعيد بعد الشر عنه يلا يا عمار يحبيبي
انا. حاضر يا امي مقدرش ارفضلك طلب يا ست الكل
واول مقعدنا لاحظت حد قعد معانا انا معرفوش بنت زي القمر لا قمر اي دي بجمالها تخفي القمر والشمس كمان بياض بشعر اصفر باين من تحت الطرحه بعيون زرقا اوووي
انا. هو في ضيوف عندكم ولا اي
معتمد. هههههههه ضيوف لاويا سيدي دي عليا بنت عمي
انا. ايوه وبعدين
معتمد. يا عم متقرفناش بقا عارف انك بتتنيل تنكسف
والدة معتمد. فيه حاجه يا عمار يلا كلوا وبطلوا كلام
انا. لا سلامتك يا امي حاضر قولتلك متتكلمش علي الاكل
معتمد. انا طب كل بدل مخبطك بللطبق في وشك
وخلصنا اكل وقومت غسلت ايدي ورجعت قعدت انا ومعتمد علي دخول عليا بنت عمه
عليا. سمعت انك شاطر وذكي يا عمار
انا. يعني بيقولوا
عليا. وشكلك زوق ومحترم جدا
انا. ميرسي معتمد انا همشي
معتمد. استني يبني بعمل الشاي
انا. لا معلش بابا زمانه رجع وهو عارف اني جاي النهارده
معتمد. طب متنساش بكره نروح نجيب النتيجه
انا. تمام هعدي عليك يلا سلام
عليا. خلينا نشوفك تاني
انا. اه سبيها بظروفها
معتمد. سلام يا صحبي نورتني
ونزلت ركبت عربيتي ورجعت البيت لقيت بابا مستنيني
انا. بجد سوري مش عارف اقول لحضرنك اي بس ام معتمد.....
بابا. مسكت فيك تاكل ومقدرتش تقول لا
انا. طب محضرتك عارف اهو زعلان ليه
بابا. وحشتني وبقالك اسبوع غايب
انا. وانت كمان يا حبيبي وحشني اوي اوي
بابا. طب يلا علشان اقطعك
دخلنا نلعب بلايستيشن
انا. اي ده
بابا. اي بلايستيشن فور
انا. انت احلي واجمل اب في الدنيا
بابا. وانت اذكي واحلي واشطر ابن في الكون كله
انا. يبقي حضرتك جبت الشهاده بتاعتي
بابا. ايوه يا عم الاول علي المحافظه
انا. انا اول محافظه بجد
بابا. مبروك يا حبيبي
انا. يبارك فيك يا حبيبي
بابا. يلا نحتفل بقا ونجرب هديتك
انا. يلا بينا
ودخل علينا شفيق وخالد وعم ناصر
كلهم. الف مبروك يا عمور عقبال شهادة الهندسه
انا.يبارك فيكم جميعا
وبعد التهاني ولعب مع بابا طلعت انام لقيت رقم باعتلي رساله بيقولي ازيك يا عمار انا لما سمعت عنك اعجبت بيك لكن لما شوفتك حبيتك عليا
انا. عليا اي الهبل ده دي مجنونه
رميت الفون ودخلت اخدت دش ولبست هدوم النوم ودخلت انا الفون رن وكان رقم عليا
انا.الو
عليا. وصلت
انا. انتي ازاي تسمحي لنفسك تقولي كلام زي ده ولا تبعتيلي حاجه اصلا
عليا.(بخضه من صوتي) علشان بحبك
انا. اسمعي يا بنت الناس اولا مفيش حاجه اسمها بحبك من مجرد سمعتي عني من معتمد او من اي حد ثانيا مينفعش اصلا علشان ابن عمك يكون صاحبي واخويا ثالثا تمسحي رقمي من عندك سلام
وقفلت في وشها وقفلت الفون خالص ونمت صحيت تاني يوم عديت علي معتمد وضربتله كلاكس من تحت طلعلي من البلكونه
معتمد. اطلع يا عمار
انا. انا مستني هنا خلص بس علشان احمد وفتحي
معتمد. طب اطلع بس عايزك
انا. حاضر دانت رخم
طلعت رنيت الجرس وعليا الي فاتحتلي وقالتلي اتفضل بصيت في الارض ودخلت علي اوضة معتمد علي طول
انا. اي يا ابني
معتمد. اقعد يا عم علي بال مخلص
انا. اقعد اي هو انت بتعيد تشكيل الدستور انت بتلبس
معتمد. هههههههه طب يلا
انا. اومال لازمتها اي اطلع عايزك
معتمد. رزاله بقا
ونزلنا عديت علي احمد وفتحي وروحنا سحبنا الملفات بتاعتنا من المدرسه
احمد. يابن اللعيبه الاول علي المحافظه
انا. اومال يا ابني هو انا اي حد ولا اي
فتحي. والباشا التاني مكرر
معتمد. مبحبش اتكلم عن نفسي كتير
كلنا ضحكنا علي معتمد
انا. انا عازمكم علي الغدا عندي علي فكره ولا نص كلمه دي اوامر الباش مهندس
ورجعنا علي بيتي
بابا. اهلا اهلا بالناس الناجحين الي مشرفنا
فتحي. حضرتك يا عمي الوحيد الي بترفع معناويتنا في السما
احمد. اه،،،، انا كنت محبط بعد مقابلة حضرتك الي تفرح دي استبشرت خير
بابا. طب تعالوا بصوا بقا انتوا الاربعه عندي واحد زيكم زي عمار بالظبط
كلهم. ده شرف لينا طبعا
بابا. بالعكس الشرف ليا انا اكتر ان يكون ولادي بالنجاح ده ولسه الي جاي هيبقي مشرف اكتر
انا. انشاء،،،،،
بابا. احمد دي هدية نجاحك ودي هديتك يا فتحي ودي هديتك يا معتمد
وكانت هدية احمد لاب توب ابل ومعاه بدله كامله
وكانت هدية فتحي نفس هدية احمد
وهدية معتمد لاب توب ابل بردو بس مكانش معاه بدله ده كان معاه كتافات ضابط بنجمه
بابا. ومع كل ترقيه يا معتمد انا الي هجبلك الكتافات بنفسي ده بعد اذن الحاج والدك طبعا
معتمد.(بدموع) بجد متشكر جدا يا عمي
بابا. مفيش شكر يا حبيبي يلا شد حيلك واتخرج بسرعه
طبعا محدش يقدر يرفض علشان هما متاكدين ان بابا بيحبهم ومعتبرهم ولاده زي منا معتبرهم اخواتي وبعد متغدينا خرجنا نتفسح بالعربيه شويه ودخلنا كافيه
انا. التنسيق هيظهر الاسبوع الجاي
معتمد. مش هيفرق كتير معايا
فتحي. ازاي لازم يفرق يا معلم مهو التخصيص في الحربيه بيعتمد علي مجموعك في الثانوي بردو
انا. بالظبط لازم تكون جايب مجموع قريب من التنسيق
احمد. ولا انت وهو بص هناك في اربع بنات لوز قاعدين بيبصوا علينا
انا. عمر دماغك مهتتغير
احمد. وتتغير ليه يا عموري ما الدنيا ذبادي في الخلاط اهي
فتحي. تصدق عندك حق دي ذبادي باللبن والقشطه
معتمد. ههههههه اي يا عمار وشك احمر كده ليه ده مجرد كلام
انا. هو مين الي وشه احمر ده ياض متظبط كده
كلهم. ههههههههههههه
فتحي. لا بجد البنت ام شعر كركاتين دي بتبصلك اوي
انا. كركاتين هههههههه ابو ام لسانك ده
احمد. ماهي فعلا اسامي غريبه هههههههه
معتمد. طب يلا بينا انا
كلنا. يلا
وقومنا نمشي لاقبت البنت جاي علينا
بنت. مساء الخير
انا. مساء النور
بنت. انا بشبه عليك بصراحه ومكسوفه احي اكلمك
انا. بتشبهي
بنت. ايوه انا حاسه اني شوفتك قبل كده بس صغيرين اسمك عمار ابو طاحون صح
انا.(باستغراب) ايوه بس انا معرفكيش ولا شوفتك قبل كده
بنت. انا اسمي فرح كنت معاك في المدرسه قبل متمشي
انا. اه افتكرت فرح الشاذلي ازيك يا فرح
فرح. طب هنفضل واقفين كده تعالا نقعد
فتحي.( قبل ما اتكلم) ميصحش ترفض يا عمار انا فتحي صاحب عمار وده احمد وده معتمد اتفضلي
فرح. اهلا وسهلا اتشرفت بيكم تعالوا اعرفكم باصحابي (ومشيت قدامنا)
انا. انت يا زفت الي انت عملتوا ده
احمد. امشي وانت ساكت بس امشي انت هتنح
فرح. يا بنات ده عمار ابو طاحون كان معانا في المدرسه بس نقل بعد مخلصنا ابتدائي دي سلمي
سلمي. اذيك يا عمار
انا. اهلا وسهلا
فرح. دي علا
علا.(بتناكه) اهلا
انا.( بتناكه اكتر) اهلا بيكي
فرح. ودي بقا شذي
انا. شذي بجد اتغيريتي خالص
شذي. قولت مش هتعرفني يا ندل نسيت السندوتشات والاقلام الي كنت بتاخدها مني
انا. منا كمان كنت بعملك الهوم ورك يعني كله بتمنه هههههه
شذي. ماشي يابو دم خفيف
وقعدنا مع بعض كلنا ووقضيناها هزار ونفتكر الذكريات واحمد مركز مع علا ومعتمد مع فرح وفتحي سلمي وانا بتكلم مع شذي
انا. هههههههه متتخيلوش انا فرحت لما قابلتكم
شذي. بس ياريت متبقاش اخر مره
احمد.( بيبص لعلا) اكيد هنتقابل تاني
فتحي. .( بيبص لسلمي) ده اكيد طبعا
فرح. وانت يا معتمد مش هتقول حاجه
معتمد. هاه اه فرصه سعيده يا انسه فرح
انا. ماشي يلا سلام يا بنات
وشذي اخدت فوني سجلتلي رقمها وفرح سجلت رقمها لمعتمد وعلا وسلمي بردو
